पाकिस्तानी हिंदु – नंढे खंड जो निंधिकणो कौम

पहुतासीं कहिड़े मागि वञी छापुछी कंदें
हां, डिसु त हिन सफर में
लंघियासीं किथां किथां…
सिंध खे कोन छडाए को सघे
सिंधियुनि खां,
सिंधु सिधियुनि में वसे
सिंधु हिते, सिंधु हुते

हे सटयूं महान सिंधी कवि श्री नारायण श्याम पारां हिक ऐडहे वक्त लिखी वयूं हयूं जड॒हिं सिंध जा शहर सिंधी हिंदुनु खां खसया वया ऐं हो पहिंजे ई मूल्क मां जलावंती थी हिंदुस्तान में दर दर जा थाबा॒ खाअण लाई मजबूर हवा। हे सटयूं इन लाई भी अहमियत थयूं रखिनि छा काण त इहे सटयूं कवि जे पहिंजे अजमूदे सां लिखी वयूं हयूं । विरहांङे सिंधी हिंदुनि ऐं खास करे लोहाणनि जे हर तब्के खे पहिंजे जड खां जिंझोरे छडो॒ हो। दिलचस्प गा॒ल्हि त इहा आहे जे ऐडहा विचार, राया न रूगो॒ लेखकनि तोडे कवियूं जा हवा पर आम सिंधी पिणि ऐडहा खुवाब डि॒सिंदे कोन थकबा हवा । विरहांङे जो धकु हिंदु सिंधीयूंनि लाई ऐतिरो जबरदसत हो जे खेनि संभलण जो को भी मोको ऐं न इ को वक्त ई मिलो । इहो हिक वडो॒ सबब हो जहिं जे हलिंदे सिंध जा हिंदु कहिं भी सूरत में सिंध सां पहिंजी वाट छिनर न पई चाहियो।

सिंध मां लड॒पण नसबत हिक दिलचस्प गा॒ल्हि इहा भी आहे जे जेतोणेकि मूसलमान पारां लड॒पण 1954 में निबरी वई पर हिंदुनि लाई इहा अजु॒ भी जारी आहे । जेकरि सिंध मां हिंदुनि जे लड॒पण जी गा॒ल्हि कजे त 1947 खां 1954 ताईं वारी लड॒पण जे भेटि में 1965 खां पोई थिंदड लडपण में ऐडहा जजबात वरली ईं नजर इंदा आहिनि। इहो पिणि धयान में रखजे त जिअं जिअं वक्त गुजरिंदो वयो सिंध मां लडीं॒दडनि जो सिंध सां मोहू घटे न घटे पर हिंदुस्तान सां संदुनि मोहू जरूर वधायो आहे। मूमकिन आहे त पिछाडी जे 65 सालनि खां सिंध में हिदुनि ते थिंदड जूलम सिंधीयूंनि हिंदु तोडे मूसलमाननि सिंधीयूंनि में वड॒यूं विछोटयूं पैदा कयूं आहिनि जेके वक्त बे वक्त घटण बिदरां वधयूं आहिनि।

हिंदुस्तान में सिंधी साहित्य जे पसमंजर में जेकर डि॒सजे त 1947 खां 1954 जी लड॒पण जी भेट में 1965 खां पोई वारी लड॒पण नसबत घटि लिखयो वयो आहे। विरहाङे महल सिंधी लोहाणानि खे  सिंध खे शहरि मे निशाणो बणायो वयो हो जहिं में वडो॒ किरदार हिंदुस्तान मां लडिं॒दड मूसमान निभायो – (मुहाजिरनि तोडे सिंध जा सिंधी मूसलमान सियासतदानि) जेतोणेकि बि॒हिनि जा मकसद भले धार हवा पर निशाणो हिकु ई हो – हिंदु मलकतियूं ऐं हिंदुनि जी खुशाल आबादी।

दिलचस्तप गा॒ल्हि इहा भी आहे त 1954 खां पोई लड॒पण न त महाजिरनि सबब थी ऐं ना हि रूगो॒ सिंधी लोहाणनि जी ई उहा लड॒पण हूई। इहा लड॒पण में वडो॒ किदार सिंध जे सिंधी पीर-मीर-वडे॒रे धाडलयनि जी मदद सां कई जहिंजी मार  सिंध जे हर हिंदु तब्के झेली में पई  छा भील, छा मेघवार, छा सोढा राजपूत या छा लोहाणा। 1965 में लडिंदड में वड॒नि लालनि में कवि हरी दिलगिर तोडे पाकिस्तान  जो नाऐब रेल वजिर श्री लक्षमण सिंह सोढा हवा।  मलतब लोहाणन खां सोढन ताईं, लाडकाणे खां थर परकार ताईं को भी सघेरो हिंदु सोघो कोन हो। जड॒हि ऐडहयूं शख्शतयूं लडे॒ अचण लाई मजबूर थिंदयूं त आम मिसकिन माण्हू जो केडही मजाल जे हो पाकिस्तान में रहण जी हिमथ मेडे सघे।

ऐं थियो भी कजहिं इअं ई – 1971 में डेढ लख हिंदु सिंध जे थर परकार मां लडे॒ राजिस्तान तोडे कच्छ में वसया। हूनिनि खे तहिं महल जी इंदरा गांधी की सरकार पारां जाम दडका डि॒ञा वया। खेनि चयो वेंदो त जेकरि अव्हां मोटी सिंध न वया त अव्हां खे जेलनि में पूणण या वरि हकूमत जे फैसलनि विरूध सबब अव्हां जे ऐतजाज कयो त अव्हां ते गोलयूं लाई हलाऐ सघझिनि थयूं। पर इन जे बादजूद 1971 जी भारत-पाक लडाई महल लडे॒ आयलि हिंदुनि मोटी कोन वया। सिंध मोटी वञण जो खोफ खेनि मोटण कोन डि॒ञो। संदुनि लाई मोटी वञण मूमकिन भी कोन हो। हिंदुस्तान हकूमत नेठि इनहिनि लडे॒ आयलनि खे नागरिकता डि॒ञी जिन मां अधु राजस्थान वसया ऐं बाकि गुजरात जे कच्छ जिले में वसया ।

बहरआल जेसिसाईं गा॒ल्हि कजे 1971 खां पोई जे लड॒पण कंदड हिंदु ऐडहा खूशकिसमत नाहिनि रहया। नागिरकता मिलण ओखी ठाहि वई। लडिंदड हिंदुनि लाई अजाया कानुन में फेरबदल कया वया जहिंजी मार हर लडिं॒दड हिंदु थो पया सठे।

1971 खां पोई लडिं॒दड हिंदुनि जी भारतिय नगरिकता जी लडाई में हिंकु अहम नालो जेको सभिनि खां अगवाटि चपनि ते अचे थो सो आहे सिंमात लोक संघटनि जो। सिमांत लोग संघठनि जो वजूद 1990 धारे सिंध जे थर परकार जिले मां 1971 खां अगु॒ लड॒यलि ऐं पाकिस्तान जे अगो॒णे रेल वजिर श्री लक्षमण सिंह सोढा जे भाईटे हिंदु सिंह सोढा जो अचे थो। 1990 खां अजु॒ ताईं साईं हिंदु सिंह सोढा जी सर्बराही में हजारनि जी तादाद में सिंधी भील, मेघवार, कोली तोडे ब॒यनि जातियूं सां वाटि रखिंदड हिंदु सिंधीयूंनि खे नागरिकता मिली आहे। इन खां सवाई पाकिस्तानी हिंदुनि लाई खास करे हेठउ तबके लाई मसलनि भील मेघवार वगिरहनि लाई पोईते पवलि जातियूं जी सभूत दसतावेज हासिल करण, सिंध मां लडे॒ अचण बैदि ढिघे अर्से जा विजा हासिल करण, जेसिताई नागरिकता का हक जिले जे कलेकटर वट हवा तेसिताईं केपनि जरिऐ नागरिकता डेयारण वगिराह शामिल आहिनि।

इन खां सवाई सिंमात लोक संघठनि वक्त बेवक्त पब्लिक हेअरिंग या आम जलसा पिणि कराईंदी रही आहे जिन में लडे॒ आयलि सिंधीयूंनि खां सवाई  हिंदुस्तानि जूं अहम शख्शतयूं खे भी शामिल कयो वयो आहे जिअं हूनिनि खे भी समझ में अचे त लडे॒ आयलि हिंदुस्तान में भी केतिरे डु॒खनि में आहिनि।

पिछाडी महिने जी 20 जून आलमी पनाहिगिरिन डो॒हाडो (World Refugee Day)  हूअण सबब ऐडही हिक पब्लिक हिअरिंग जो बंदोबस्त कयो वयो हो जिन में शर्कत करण वारनि में समाज सेवक, रातिस्तान बार ऐसेसियशन जा ऐदेदार तोडे राजिस्थान महिला आयोग जी सदर पिणि मोजोद हुई । इन खां सवाई राजस्थान जी हिक समाज सेवी संथा पारां 30-32 खां शागिर्द तोडे शागिर्दयाणू पिणि मोजूद हयूं जिन लडे॒ आयनि हिंदुनि जे सिंध में डुखनि सुरनि जूं कहाणयूं पहिंजे प्राजेकट में शामिल कयूं।

International Refugee Day in Jodhpur
International Refugee Day in Jodhpur

ऐडहयूं पब्लिक हिअरिंग तोडे आम जलसनि में सिंध मां लडे॒ इंद़ड हिंदुनि बाबत इन ड॒स सां काराईंतु थिंदयूं आहिनि छाकाणि त इन जलसनि जरिऐ सिंध लड॒यलि हिंदुनि जूं तकलिफयूं संसदुनि ई जुबानी बु॒धी पई सघजे। जलसे में जेके गा॒ल्हियूं सामहूं आयूं इहो कजहि हिन रित आहिनि ….

क)   राज्सथान जो विजा न मिलण-

इन जलसे में घणनि लडं॒दड हिंदुनि जो इहो इ चवण हो त असीं जथे जे विजा नसबत राजिस्तान जे विजा लाई दर्खासतयूं ड॒यूं पर विजा मिले हरिद्वार जो। हाणे असां नया हिन मूल्क में वरि लड॒ण वक्त डे॒ई वठी इसां वटि रूगो॒ मूशकिल जा थोडा ई पैसा बचिनि। असां खे जा॒णि वाणि छो भिटकायो पयो वञे। असीं गरिब हारीनि वठ ऐतिरो पैसो नाहे जे असीं पहिंजे जोर ते हिंदुस्तान में किथे भी वसी सघयूं। असां जी बिरादरी तोडे मिठ माईट सभ राजिस्तान में, पर असीं उतर हिंदुस्तान में थाबा॒ खाउनि।

ख)   लडिं॒दड हिंदुनि खास करे भील, मेघवार जातियूं जे बा॒रनि जूं पडहायूं विच में ईं बंद थी वञण

इन पब्लिक हेअरिंग में ऐडहा भी वाक्या सामहूं आया जन लाई हिंदुस्तान लडे॒ अचण बैदि संदुनि बा॒रनि जी पड्हाई अध में ई छडजी वई। हिक शागिर्दयाणी जो चवण हो त हिंदुस्तान सरकार पोईते पवजी वयलि जातियूंनि लाई आरकक्षण पई डे॒, कालेज जी फिसनि तोडे उमर जे लिहाज खां रियातु पई डे॒ पर इहे सभ तड॒हि मिलिन जड॒हिं आसां हिंदुस्तान जा नागिक थियूं जहिं में ड॒ह ड॒ह सालनि जो वक्त लगे॒। जेसिताईं असां खे नागरिकता मिले तेसिताईं त असां जो तालिम हासिल करण जो वक्त ई निबरी वञे। असीं छोकरियूं सिंध में अग॒वा थिअण जे ड॒प खां तालिम खां महरूम ऐं हिंद में कानुन असां जो साथ कोन डे॒। असां जा भाउर जी तालिम अध में ही बंद थी वञण सबब मूजूरी कन। असां जी निमाणी मिंथ आहे त असां जूं मजबूरियूं खे समझयो वञे।

ग)    लडिंदड हिंदुनि जूं घुमण फिरण ते पाबंधी

इन आम जलसे में ऐडा काफि लडिं॒दड हिंदुनि जो चवण हो त असां जे लेखे हिंदुस्तान असां जो मूल्क आहे ऐं असां खे जिते वणिंदो असीं उते ई वसी सघिंदासिं पर हित त हालत ई उभितर आहे। असां खे ज॒णु हिक ऐलाईके में कैद कयो वयो आहे। असा खे पहिंजे इलाईके जे 20 कोहि जे दाईरे खां बा॒हर वञण लाई हूकूमत खां मोकल थी वठणि पवे ऐं वडी॒ गा॒ल्हि जेकरि असी इन दाईरे खां बा॒हर इअं बिना  मोकल वञउ त महिनि जा महिना जेलनि जूं सजाउ पईयूं भोगणयूं पवनि। ऐडा मसला हिक अधु न पर काफि हवा जन पहिंजे मिठन माईटनि डा॒हिं ग॒ड॒जण सबब वञि जेलनि में महिनि  जा महिना गुजारा आहिनि। हिक लोहाणो त इन हालत में पैसै जे जोर ते निजात पाऐ थो पर जेकरि गरिब भील मेघवार फाथे थो त उन लाई हिंकडो ई चारो बचे थो त हो हिरासत में वञि सजाउ भोगे॒।

घ)    सिंध में हिंदुनि सां थिंदड कहर

इन जलसे में सिंध, पाकिस्तान मां वेझडाईअ में 171 जी टोलीअ (जिन में भील ऐं मेघवार पिणि हवा) खे लड॒ण में मदद कंदड श्री चेतन दास सिंध में थिंदड जूलमनि जी गा॒ल्हि कई।

श्री चेतन दास बुधायो त अंदरूनी सिंध में किअं हिंदुनि  सां जूलम पयो थिऐ खासि पोइते पवलि हिंदु जातियूंनि सां। हून खास करे उन गाल्हि जो जिक्र कयो त किअं हिंदु सिंधी अग्नि संसकार ताई नथा करे सघिनि, त किअं हो पहिंजी हिंदु रिवायतुनि जे उभतर गुजारे वयलि माईचन जी लाश दफनाईनि, जहिं लाई भी खेनि जमिन लाई भी थाबा॒ था खाअणा पविनि। हून हिक वाक्ये जो भी ड॒सु डि॒ञो त किअं हिक अठ वरहयूं जी नेनंघर जी लाश जमिनि मां कडी॒ बा॒हर फिटो करण की कोशिस कई वई। मतलब हिंदु सां वेर न रूगो॒ हिंदुनि जे जिते जी पयो थिऐ पर इन जे जुजारे वञण खां पोई भी।।।. हून हिंदुनि सां थिंदड वयलनी जा जाम मिसाल डि॒ञा जिअं भील, मेघवार जे बा॒रनि खे किअं मूसलमान मासतर पडहाअण खां बजाऐ स्कूल का काकूस साफ कराअन, किअं हिंदु नेनगरयूं ते अगवाउनि जो खोफ सबब तालिम हासिल कोन करे सघिनि।

असां खां जेकरि विसरी किन वियो आहे त कजहिं महिना अगु॒ टेंडो अलेहार जो रहवासी श्री चेतन दास किअं 171 हिंदु सिंधीयूंनि ( भील ऐं मेघवार) खे पहिंजी अग॒वाणी में हिंदुस्तान लडाअ किअं कामयाब थिया हो। लड॒पण भले इहा लोहाणनि जी हुजे या दलित सिंधीयूंनि जी कड॒हि में सहूली नाहे थी आ। हिंक पासे जड॒हि सिंध में हिंदुनि लाई जमिन रण बणयलि आहे उते बे॒ पासे कहिं भी लातल में हिंदुनि खे लड॒ण खो रोकण लाई भपपूर कोशिस कनि सिंधी मूसलमान।

International Refugee Day in Jodhpur
International Refugee Day in Jodhpur

हिंदुस्तान पाकिस्तान जूं सर्हदयूं 1954 में नेहरू लियाकत समझोते तहत बंद कयूं वयूं। पर 1950 में बंगलादेश वारे हिस्से मां  में हिंदुनि ते कतलेआम इन गा॒ल्हि खे पधिरो करे छडो हो त हिंदुनि जो पाकिस्तानी रियासत में इजत तोडे आबरू महफोज कोन रहिंदी, ऐं थियो भी कजहि इअं। 1954 जे समझोते तहत जेके हिंदु 1950 में बंगलादेश वारे हिस्से मां लडे॒ आया से मोटी कोन वया हातियूं 1971 में हिंदुनि सां बि॒हर ऐं 1950 खां भी वडा॒ जुलम थिया जहिंजी भेट सायदि विरहांङे महल थिअल फसादनि सा भी नथी करे सघजे। बे॒ पासे पाकिस्तान डा॒हिं लियाकत अली खां  जेतिरो  पुगो॒ हून हुन हिंदुस्तान मां मूसलमान (अण बंगाली) कराची लडा॒या, हून तेसताईं लडाया जेसिताईं हून खे इन गा॒ल्हि जी दिलजाई थी त हो हिअर मुहाजिरनि जे सघ ते चूंडयूं विडही थो सघे। पाकिस्तान जा हूमूमती इदारा हिक पासे फसादनि तोडे कानुनि जरिये हिंदुनि खे तंग कयो बे॒ पासे ऐडहा कानुन वजुद में आंदा वया जहिं सबब हिंदु जूं मलकतयूं वणजण गैरकानूनी हो। मतलब हिंदु लडि॒नि ऐं उहो भी हथ वांदनि।

बहरआल इन जलसे में जेतोणेकि कहिं भी नेहरू लियाकत समझोते जी गा॒ल्हि कोन कई पर जनि भी महमानि खे इन जलसे में घुरायो वयो हो सिंध लड॒यलि हिंदुनि जी हालतुनि जी मूंहजुबानी बु॒धण लाई तनि जी भी नाराजगी हिंदुस्तान हूकूमत सां हूई जेसा सभ जा॒णिदे बी माठि करे वेठी आहे।

जेकरि सच पच डि॒सजे त ऐडही गा॒ल्हि नाहे जे हिंदुस्तान जी हकूमत खे पाकिस्तान में हिंदुनि ते थिंदड कहरनि बाब॒त जा॒ण नाहे। हिंदुस्तान जी हूकूमत 1954 (जां खां सर्हदयूं बंद कयूं वयूं) तां खां अजु॒ ताईं हर लडिं॒दड हिंदुअ खे जो विजा रूगो॒ इन ते वधायो त पाकिस्तान में हिंदुनि सां कहर पया थेनि पर इन जे वादजूद नागरिकता जा कोनुनन में नर्मी डे॒अण खां उभतर हाथयूं ओखा कया वया आहिनि। 2005 में नागरिकता डे॒अण जो हकु जिले कलेकटर खां खसे गृर वजिरात पहिंजे हथ कया ऐं नागरिकता मिलण जो वक्त त 5 सालनि खां वधाऐ 7  साल कयूं। सिंध में रहिंदड हिंदुनि जा मिट माईट जेलसमेर, बाडमेर, कच्छ में रहिंनि जिते हूकूमत कहिं खे भी वसण न डे॒, जेसिताईं नागरिकता मिले तेसिताई खेनि हिक शहर जे दाईरे जे 20 कोहि जे दाईरे में ई रहणो पवे। ऐं वडी॒ गा॒ल्हि जेकर जो हली भी वञे त खेनि हिरासत में सजा॒उ डि॒ञयूं वञिनि वरी साल साल नागरितका डे॒अण जी फिस वधाइनि सो धार ड॒चो।

हिंदुस्तान हज लाई सब्सडी थो डे, लखनि जा लख मूसलमानि खे हज ते वनण जी मोकल थो डे॒ पर पाकिस्तान मां हिंदुतानि घुमण अचण लाई हिंदुनि खे विजा डे॒अण में सालनि जा साल थो खणे। आम विजा त लग॒ भग ज॒णु बंद ई कया वया आहिनि या वरि जड॒हि डि॒ञा भी था वनिनि था त उन सां ऐतरियूं पाबंधयूं ग॒ढयूं पयूं वञिनि जे इहे शर्तयूं सिंध जे हिंदुनि जे वस खां बा॒हर आहे।

हिंदुस्तान – पाकिस्तान जो विरहाङो हिंदु मूससलमानि जे विच में थियो हो। कांग्रेसि भले इन जो कजहि भी नालो छो न डे॒ पर हकिकत त इहा आहे जे विरहांङो दीन धर्म के नाले ते थियो। वरि जमिन जो विरहांङो भी हिक जेडहो कोन थितो ज॒हनि त आसाम में तोडे विहार जा मूसलमान इलाईका पाण सा रखी पहिंजी वडी॒ कामयाबी समझी उतेई सिंध जा हिंदु ऐलाईका पाकिस्तान जे हथ कया। आसाम में मूसलमान लाई त का भी तकलिफ कोन थी पर हिंदु दर बदर थी वया। जेकरि विरहांङे जे जमिन जो विरहांङो कांग्रेस कयो त पाकिस्तान मां हिंदुनि खे वसाअण जी बी जिमेवारी  भी उनहिनि जी हूई ।

इन जलसे में पिछाडीअ में मोजोद महिमानि मां भी किन तकरिरयूं कयूं जनि में अहम हूई राजिस्थान बार ऐशोसिऐसन जे सदर जी। श्री श्रीवास्तन पहिंजी तकरिर में चयो पाकिस्तान में हिंदु रही कोन सघींदा – इहा हिक हकिकत आहे सो सिंध लड॒यनि जी लडाईं हिंदुस्तान में आहे जिते साणसि सही रित सहूलतूं नह पई मिलिन। पर इन लडे॒ आयलिनि जो मसलो इहे आहिनि संदनि लडाई कानून जे दाईरे में नथी थी सघे, छा काण त कानून सिंध लड॒यनि हिंदुनि जे हक मे नाहिनि। जेसिताई कोनून में फेर बदल न कई वई त शायदि पाकिस्तानी हिंदुनि जे डु॒ख सुर निबिरिंदा । सो हो त्यारी कन पाण खे वडी॒ लडाईअ लाई ऐं असां खां जेतिरो पुजींदो असी मदद कंदासि। सिंध लड॒यलि पाकिस्तानी हिंदु पाण खे हेकलो न समझिनि असीं साणस ग॒डु॒ आहियूं।

इन जलसे जे पिछाडीअ में सवाल- जबाबनि जो बी आयोजनि हो जिन में लडे॒ आयनि हिंदुनि मोजूद महिमान खां भी सवाल जवाब पुछा। छो त मां बी इन जलसे जे महिमानि मां होसी त मूखां बी हिकु सवाल कयो वयो त साईं असीं सिंध मां लड॒यलि अहियू, असीं भी सिंधी गा॒ल्हियूं (ढाठी इअं भी सिंधी को ई हिक लहजो  आहे) पोई इअं छो जे हिंदुस्तान जा नालेरे वारा सिंधी अग॒वान असां जी मदद त परे असां सा मिलण ताई कोन आया त असी केतरि तकलिफुनि में आहियूं। जड॒हिं अण सिंधी अग॒वाण असां जी सार था लही सघिनि त हिंदुस्तान में वसयलि सिंधी छो माटि आहिनि….

दरअसल मां भी सिंधी लोहाण जे इन वहनवार खे अजु॒ ताईं कोन समघी सघयो आहियां। सिंधी हिक ई इलाके मां लडिण, हिक ई नमूने जा जूल्म सहिनि, हिक बे॒ रित ई लड॒ण जे वाबजूद  पाण में ऐतरियूं विछोटियूं छो….ऐडही केडही मजबूरी आहे जेका असां खे पहिंजनि सां हिकु थेअण खां रोके थी…जातिवाद त हर हिंदु कोम में आहिनि। रातिस्तान में भाल भी रहिनि, त राजपूत भी त माडवाणी वाणिया भी पर जे हो सब राजिस्तानी संसकृति में रङजी था सघिनि त असीं सिंधी सिंधी संसकृति सां छो नथा रङजी सघउं….

हे सवाल हिक भील, मेंघवार या कोल्ली जातीअ लाईं ऐतरो ई अहम आहे जेतरो हिक लोहाणे लाई….शायद असां वटि इन जो जवाबु आहे ई कोन्हि। पर हिक गा॒ल्हि पक आहे त जेकरि असीं इहा गुधी, गजरहात सुलझाऐ वयासिं उहे सभ सियासी तंजमयूं जहिंजा पादर सिंधी अगवान चटिंदा आहिनि से असां सिंधी हिंदु जे दरनि जे चोखट ते मथो टेकण पहिंजी वडे॒ में वडी॒ जिमेवारी समझींदा….

रिंकल जूं मिंथां

सुधीर मौर्य हिंदी भाषा जो कवि तोडे लेखक रहयो आहे। हेल ताईं तंदुसि जा ड॒हि खनु किबात शाई थी चुका आहिनि। जा खां रिंकल तोडे अगवा थियलि सिंधी हिंदु नयाणयूं जे हिमायत में ऐतजात हिंदुस्तान में शुरु थिया हूं हिंन जाखडे में बराबर जो हिमायति रहयो आहे।

sudheer

जईफाउनि जे आलमी डि॒हिं ते हिंदी कवि तोडे लेखक सुधीर मौर्य को रिंकल जे नाऊं कविता ।

रिंकल जूं मिंथां

gzala shah

अजु॒ जी राति पिणि

कारी ई निकती

भिंभ कारी उंदाहि

छो लिखी डि॒नुइ

मूहिंजा साईं

नसिब में मूहिंजे

आऊं त बु॒धो हो

उभ जी भूंई ते

सरहदयूं न हूंदियूं आहिनि

उते को

हिंदु या मोमिनु नाहे

उते को

सिंधु या हिंदु नाहे

तूं मथे आहिं

इन रिवाजन खां

आखिर तूं

उभ वारो आहिं

पर वरि छा थयो

जे मूहिंजो सडु॒

तुहिंजे कनन ताईं

दसतक न डे॒ई सघयो

अडे मूंहिंजा साईं

अडे मूंहिंजा इशवर

आऊं अञा भी

तोखे

उभ वारो ई लेखिंदी आहियां

पर तूं छो

मूंखे

भूंई जी

निधिकणि कोन समझुई

अडे उभ वारा

नाउं यादि आथी न मूंहिंजो

आऊं रिंकल कुमारी आहियां

या वरि

तूं पिणि

मूंहिजो कोई ब॒यो नाऊं

रखि छड॒यो अथी

कवि – सुधीर मौर्य सुधीर

 

सेकूलर सिंध जे मूहूं तांउ लहिंदड नकाब

22 सालनि जो हबीब हैदराबाद सिंध जो जावल नोकजवान लेखक आहे।  संदुसि लेख रोजाने अबरत ऐं अवामी आवाज में शाईं थिंदा रहया आहिनि। हित संदसि लिखयलि ताजो लेख हिंदुस्तानि जे सिंधीयूंनि लाई शाई कजे थो। जसु लहणे हबीब जहि सिंध जे हिंदुनि सां थिंदड नाइसाफियूंनि बाबत आवाज उधारण जी कोशीश कई आहे। उमेदि तह हू अग॒ते बी साग॒ऐ मसले ते लिखिंदो रहिंदो।

 habib

 

सेकूलर सिंध जे मूहूं तांउ लहिंदड नकाब

 

रोईंदड डा. लता ऐं डा॒हिंयूं कंदड रिंकल कुमारीअ जी दर्दनि भरी कहाणी खे आखिर केरु शाई कंदो? सिंध जी इजत खे दाउ ते लगा॒अण वारनि खां आखिर केरु पुछिंदो ? हे सवाल सिर्फ सामाजिक कारुकनिं ऐं कालम निगर मार्वी सरमद जो नाहे ऐं नह् ई वरी ऐं नह् जेकोकाबाद जे रहवासी डा. लता जे पिणसि डा. रमेश कुमार ऐं नह ई मिरपुर माथिले जी रिंकल कुमारीअ जे मामे राज कुमार जो आहे, पर हे सवाल हर हिक अमड जो आहे जिन जे दीअरनि खे हथियारनि जे जोर ते अगवा करे जबरदसती मजहब तभधील कराअण बैदि साणनि शादयूं करायूं वयूं ऐं अमडयूं याद में हेल बी डि॒अरी जूं खुशयूं नह मञाऐ सघयूं , संदुनि लेखे सिता अजु॒ भी रावण जे कोट में कैदि आहे। पर इहा हिक भयानक हकिकत आहे तह मजहब जी आड में हिंदुनि खे ऐतिरो तह हिसायो  वयो जो हो धर्ती धणी ऱोज रोज खुआर थिअण खां बचण लाई धर्ती माउ जे हथ मां हथ छडा॒ऐ सभ रिशता, नाता खतम करे हमेशाहि लाई भारत वञी रहया आहिनि। हू धर्ती काण खणी जूलम तश्द बरबरयत भी कनि पर पहिंजी नयाणियूंनि जे इजतयूं खे लूटिंदे नथा डि॒सी सघिनि।

डा लता ऐं रिंकल वारे मसले ते बी मिडिया समेत सियासी पार्टियूं ऐं उन जे अकलयती (हिंदु) अगवान भी मजरमाणी खामोशी इख्तयार कई, इहो ई सबब आहे जो हिंदु भाउर मायूंस थी धर्ती माउ सां वेवफाई करण वारो रसतो अख्तयार कयो, ऐं हेल ताईं हजारनि माण्हूं धर्ती खे अलविदा करे चका आहिनि।

तोजो ठूल (सिकाकपूर) मां पंज हिंदु खांदान जेके सोरहनि भातियूंनि खे मशमतिल हवा मातृभूमि खे आखिर सजदो करे छडे॒ वया।

माईटनि खां मोकलाअण वक्त संदुनि अख्यूंनि मां रत जा गो॒डहा वहण लगा॒, संदुनि कैफत खे लफजनि में बयान नथो करे सघजे, इहा हिक हकिकत आहे तह सिंध हिक वडो॒ अर्से खां डो॒हारियूंनि खे मफाहमत जे नाले ते छडवाग॒ छड॒यो वयो. सिंध जा हिंदु भी इंसान आहिनि खेनि इख्लाकी तोर मदद करण बिदरां उलटो खेनि इंसान ई नह समझण साणनि वडी॒ जयादती आहे ऐं ऐडहे जयादतीयूंनि करे मजबूर थी सिंध खे अलविदा करे रहया आहिनि, को भी शख्स खुशिअ मां पहिंजा अबाणा कख ऐं पहिंजी माउ जेडही धर्ती नथो छडे॒, जहिं धर्तीअ सां संदसि नंड्हपण जूं यादूं वाबिस्तह हूंदयूं आहिनि.

rr

जहिं जे सिने ते तरयूं खोडे बांबडा डे॒अण सिखो हो ऐं माउ जूं आंङुर पकडे हलण सिखो हो , अजु॒ जड॒हिं उहे मातृभूमि खां कच्चे धारे वाङुंरु टूटी धार थी रहया आहिनि तह इअं महसूस थिऐ थो ज॒णु सिंध जे वजूद जा ब॒ह हिस्सा थी रहया आहिनि।

कड॒हिं वई आखिरि उहा सेकूलर सिंध ?? .जहिं में हिंदु ऐं मूसलमानि माने खाईंदा हवा, कंलंदर ते धमाल भी ग॒ड॒जी कंदा हवा, तह् डि॒आरीअ जा डि॒आ भी ग॒ड॒जी बा॒रिंदा हवा, हाणे जड॒हि हिंदु भाउर सिंध छडे॒ वञी रहया आहिनि तह् लाजमि आहे तह् संदुनि जाई अची ब॒यनि मूल्कनि जा पनाहगिर  वालारिंदा, जहिं सां सिंधी बो॒लीअ जे मस्तकबिल (भविषय) ते नाकारी असर पवंदा ऐं सिंधीयूंनि (मूसलमानि सुधा) जी अकलियत (थोडाई) में तबधील थिअण जा ख़दशा पिणि मोजूद आहिनि। हिंअर बी जरुरत उन गा॒ल्हि जी आहे तह कहिं राम जे इंतजार करण बिदरां मजहबी तोडे सियासी पार्टियूंनि, अदीबनि ऐं दानेशव्रनि खे हिन नाहायति ई अहम मसले जे हल लाई संजीदगी सां सोचण घूर्जे, किथे इअं नह थिऐ जो मजहबी इंतहापंसंदी हर जहनि ते हावी थी वञे ऐं असां हथ महटींदा रहजी वञोउ !!!

 

लेखक- श्री हबीब अलरहमान जमाली

उलथो – राकेश लखाणी

सूरअ पहिंजनि जा

 

सिंध मां लडे॒ आयलि दलित सिंधी
सिंध मां लडे॒ आयलि दलित सिंधी

साईं हिंदुस्तान वारा असां खे पाकिस्तानी हूअण जा मेहणा था डे॒नि, पाकिस्तान वारा असां खे हिंदुस्तानि जा ऐंजेंट करे था लेखिनि वरि सिंधी (हिंदुस्तान जा)  तह् असां खे सिंधी करे लेखिण लाई तयार नाहिन, असीं वञऊ तह वञउ किथे।

हे लफज हवा माली जातिअ जे हिक सिंध लड॒यलि नोजवान जा जेको हिअर जोधपूर में रहे थो ऐं सिंध मां लदे॒ इंदड हिंदुनि ऐं खासि करे भील मेघवार, कोली जातियूंनि खे हिंदुस्तानि जे सुबे राजस्थान में वसाअण से नसबत तंजीम सिमांत लोग संघठनि जे हिक अहम करूकनं मां आहे।

नोजवानअ जे लफतनि जी हकिकत जा॒णण लाई मूखे को घणो परे नह् पर जोधपूर में ई मिली जड॒हि जोधपूर जे सिंधी (लोहाणिनि) पंचायत जे हिक अहम ऐह्देदार मूंखे साफ चिटी रित मूंहू सामहूं बेहिजीबु चई डि॒ञो हो तह साई असीं खेनि (भील, मेघवार माली वगिराह) सिंधी करे कोन लेखिंदा आहियूं। दिलचस्प गा॒ल्हि तह इहा आहे जे संदुनि राये जी उते मोजोद कहिं भी लोहाणे सिंधी पंचायति मुखातलिफ कोन कई। इहो सभ इन जे वावजूद जे भील मेघवार भले सिंध मां लडे॒ आया हजिनि या सिंधी ताईं गा॒ल्हिईंदा हूजनि। वरि जेसताई मसलो लडे आयलि हिंदुनि जे माडवारी  बो॒लीअ आहे ऐडहा जाम सिंधी भी आहिनि जेकि राजसथान में पहिंजे घरनि में माडवाडी पई गा॒ल्हाईंदा आहिनि, पर पहिंजनि खे पहिंजा करे लेखण लाई असूल ई तयार नाहिनि।

इहा ग॒ल्हि मूंखे पाकिस्तान पिसथापिथ संघ जे सदर हिंदु सिंह सोढा भी पई वाजी कई तह थर परकार में बि॒न किसमनि जा भील- मेघवार था रहिनि – हिकडा उहे जेके सालनि  अगु॒ राजस्थान मां लडे॒ वया ऐं हिअर पया मोटिनि पया ऐं बया जेके उतोउ जा मूल रहाकू आहिनि जेके ढाठी बो॒ली (सिंधीअ जो हिकु लहजो).गा॒ल्हिईनि आहिनि पर दिलचसप सवाल इहो आहे तह जेकर इहा गा॒ल्हि हिक लंङे मञे बी वठजे तह इहे लडीं॒दड भील मेघवार हितुऊ जा ई मूल निवासी आहिनि तह सवाल इहो भी आहे तह पोई छो विर्हांङे महल जड॒हिं जाम लड॒पण थी पोई हू छोन नह लडे॒ आया…. छोन नह अजु॒ ताईं संदुसि हिदुस्तान जा सागी॒ जाती जा हिंदु खेनि हिंदुस्तान में वसाअण जे नसबत हाई घोडा कोन कई।

ब॒यो तह् ठहयो पर अजु॒ भी जडहिं सिंध जे धर्ती धणी हिंदुनि खे सिंध मां लडायो पयो वञे ऐं लग॒ भग॒ हर वडीं नंढी हिंदुस्तान जी हिंदी तोडे अंग्रेजी मिडीया पाकिस्तान में हिंदुनि जूल्मनि खे झझो मोल ड॒ञो पयो वञे पई ऐं सिंध जे हूंदुनि बाबति अहवाल पई शाई करे पर इन जे बावजूद राजीस्तान में जहिं रित मारवाडी या हिंदी गा॒ल्हिईंडनि में हलचल डि॒सण में कोन आई आहे।

राजस्तान सुबे में जेकरि डि॒सजे तह तमाम घणयूं वडि॒यूं हसतियूंनि आहिनि जनि जो सिंध सा लागापा आहिनि। मसलनि अगो॒णो परडे॒हिं वजिर जसवंत सिंह जा नानाणा सिंध जे थार परकार जा आहिनि। हाणेको राजीस्थान सुबे जो वडो॒ वजिर (मुख्य मंत्री) श्री अशोक गहलोत पाण भी कबूल कयो आहे तो हो 1965 में सिंध मा लडे॒ आयो हो। जेकरि जातियूंनि जे नसबत डि॒सजे तह सिंध जे हिंदुनि जूं जातयूं ऐं सिंध जे पाडेसी सुबनि मसलनि गुजरात ऐं राजिस्थान में ईअं भी को घणो फर्कु नाहे। भील, कोली, मेघवार वगिराह जातियूं राजस्थानि ऐं गुजरात में जाम थयूं मिलिनि। कोली जातिअ जो गुजरात में खासो रूतबो आहे। पर जड॒हिं गा॒ल्हि सिंधी कोम जी थी पई अचे  नह जा॒ण कहि सबब हिंदुस्तान में सिंधी अण-लोहाणनि खे सिंधी ताईं कोन लेखिंदा आहिनि।।।।

मूल सवाल हित इहो आहे तह इअं छो आहे सिंध मां लडिं॒दड हिंदु दलितअ (जेतोणेकि मां भायां थो तह हू सोउ सेकिडो सिंधी ई आहिनि) अण सिंधीयूंनि में पहिंजी सुञाणप गो॒ल्हण लाई मांदा नजर इंदा आहिनि…छो हिंदुस्तान जो सिंधी समाज सिंध मां लडे॒ आयलि 4 लख भील मेघवार, सोढा राजपूतनि या कोली, माली जातियूंनि खे पहिंजो हिस्सो मञण खां हबकिंदो पई नजर इंदो आहे। हिकु ऐडहो कोम जहिं में जाती कड॒हि भी का खासि अहमियति कोन रखी उहा किअं ऐडहे समले ते खामोश रही आहे। मूमकनि आहे तह 1947 वारो विरहांङे सबब लोहाणनि ऐं अण लोहाणि में (छाकाण तह 1947 जी लड॒पण थर परकार में नह जे बराबर थी) विछोटयूं वधाऐ छड॒यूं ऐं रही वयलि कसरि सिंधीयूंनि पहिजें इतहास खां परे थी पूरी कई।

खैर, जोधपूर वारे ताजे दौरे जे पहिंरें डि॒हूं मूखे बु॒धायो वयो तह सर्कीट हाउसि पुज॒णो आहे। मूहिंजे साण दिल्ली मां आयलि हिक सिसर्चर पिणि हूई जेका पाकिस्तान मां ऐं खास करे सिंध मां  लडे॒ आयलि हिंदुनि बाबति का रिर्सच पई करे। सर्किट हाउस पुजिं॒दे ई मोजूद संगत सां हिक बे॒ खे पहिंजी सुञाणप जो सिलसिसो हलो, उते मोजूद माण्हूं इन गा॒ल्हि जी खास दिलचस्पी हूंई तह असीं मिडीया वारा आहियो तह नाहिंयूं । मोजूद माणहूनि मा हिकडे तह वडे॒ चाह सां हिक हिंदी अखबार में हिकु अहवाल पढायो जिनि में संदुनि तंजिम जे सदर जे जोधपूर अचण जो अहवाल शाई थिअल हूई। खैर इन बैदि गा॒ल्हि बो॒ल्हि जो सिलसिलो हूनिनि पाण ई शुरु कयो (संदुसि उहो गा॒ल्हि बो॒ल्हि घटि ऐं भाषण वधिक हो)। संदसि चवण हो तह असीं आदिवासीनि ते कम कंदा आयूं। आउं राजस्तान ईकाई जो सदर आहियो ऐं साईं (पहिंजे रहबर डा॒हिं इशारो कंदे) पूरे हिंदुस्तान जो। सांईजन श्री सोमजीभाई पूरो महिनो कशमीर खां कन्याकुमारी ताई दौरे में ई मुंझयलि रहिंदा आहे। नह रूगो॒ हिंदुस्तानि जा पर असी पूरे दुनिया में जिते भी अदीवासीयूंनि ते जूलम थिंदा आहिनि असी आवाज उथारिंदा आहियों।

हून पहिंजे रहिबर बाबति वाकफियति डिं॒दे चयो तह साईं सोमजीभाई गुजरात जे दाहोद मां छह घुमरा सांसद रही चूका आहिनि। जेतोणेकि पिछाडीअ जे चूंडनि में साई जन खटी किन सघया पर संदुनि वाकफियति हिंदुस्तानी जे लग भग हर सियासी अगवान तोडे पार्टी सां आहे। इअं ई हेड॒उ होड॒उ जा गा॒ल्हियूंनि जे मंझ में सिमातं लोग सघठन जा सदर अदा हिंदु सिंह सोढा अची पहूता ऐं असी सिंध मां लडे॒ आयलनि के जी बसती डा॒हि निकतासिं।

उहा बसती जोधपूर शहर खां 10-15 कोहि ते हूई । ईलाको पूरो विरान पई लगो॒। नह तह बसती में बिजली हई ऐं नह ही रसता पका हवा। घर सब  कच्ची झोपडीयूंनि वारा हवा जड॒हि तह बसती जो हेकलो स्कूल जी इमारत पकी हूई। हिंदु सिंह सोढा मेजिबु इन हेकले स्कुल जे पूठया वडी॒ मेहनत लगलि आहे। संदुनि वधिक  चयो तह भर में गैशाला ताईं खे छपर आहे जेको हूकूमत पारां ठारायो आहे पर इंसानि लाई जकहि करण अजायो कम पई समझे, ज॒णु टूकर जमिन ड॒ई हूकूमत थोडो लाथो अथउं।

इन जलसे जी रथा मोजिबु असां खे सिंध मां लडे॒ आयलनि भील- मेघवारनि जी हिक बसती में पूज॒णो हो जिते हिक आम मेड (हिक रित जी पबलिक हेअरिंग) जो इंतजाम कयो वयो हो। इअं तह मेडाडको 10 लगे शुरु थिअणो हो पर आदीवासी आगवानि जे देर सां पूजण सबब इहो लग भग॒ बा॒रहें लगे॒ शूरू थियो। अदीवासी अग॒वान जे आजां बैदि जलसे जी शुरिआत थी उते मोजूद सभनी पहिंजा पहिंजा विचार रखा जिन में के लडे॒ आयलि हिंदु भील ऐं मेघवार पिणि हूवा।

हिक वाईडो कंदड मंज़र इहो हो  तह जेतोणेकि अदावासी अगवाणि पूरी दुनिया जे आदीवासी खे मदद करण जी गा॒ल्हि पई कई पर खेनि सिंध जे दलितन बाबत जा॒ण नह के बराबर हूई। जड॒हिं तह राजिस्तान ईकाई वारे अगवान पहिंजे रहिबर जे खुशामंदी में पूरी तकरिर कई ऐं रहिजी वयलि वक्त जेतोणेकि भिलनि बाबत हो जहिं में हून भलनि खे कहि धार्मिक गुरुअ रित हिदायतूं पई डि॒नु। (हून खे संदसि विच तकरिर में इशारो कयो वया तह अबा हिंअर बस कयो)। संदुसि रहबर जेतोणेकि सिंध मां लडे॒ आयलि हिंदु सिंधी (लोहाणनि) बाबत जाम मिसाल डि॒ञा तह किअ हूं 1947 जे विर्हांङे के वक्त मर्द माणहू थी विठा ऐं पहिंजी हयातयूं कि वरि खां सवारियूं । हून भीलनि खे उन सरकारी जमिन ते कब्जो करण जी गा॒ल्हि कई जहिजो जो को दावेदार नह हूजे। पहिंजे तकरिर जे पिछाडीअ में हून दिलजाई डि॒ञी तह हूं दिल्ली में पुजी॒ जुदा जुदा दलित संसथाउं साणु गा॒ल्हिईंदो जिअं सिंध मां लडे॒ आयलि दलितनि बाबत कजहि करे सघजे।

सिमांत लोक संघटिनि जे कारूकनि मोजिबु जेतोणेक सोमजी भाई हे पहिंरा भेरो संदुनि जे कहिं मेडारके में मोजूदि रहयो आहे पर राजस्थान जो अगनाव सालनि अगु॒ नजर आयो हो पर इन बैदि गायब ई रहयो। इन जे  विच में सिंध मां जाम भील लडे॒ आया, डुख डि॒ठा, जाखडो कयो हून जो कड॒हि भी को अतो पतो नह रहयो। इहा गा॒ल्हि श्री हिंदु सिंह सोढा पिणि वाजि कई तह संदुसि इहा खुवाईश रहि आहे माडवाडी भीलनि खे भी सिंध में लडे॒ आयलि जे अग॒यां आणिजे जिअ इन खेनि उतसाउ मिले तह संदनि बिरादरीअ मां भी को ऐडही कामयाबी माणे सघयो आहे पर इन कम में खेनि का खासि कामयाबी कोन मिली आहे ऐं हिअर हू इन में को भी चाहि कोन वठिंदा आहिनि।

सिंध मां लडे आयल सिंधी भील या मेघवार रिवाजी सिंधीयूंनि खा तमाम घणो जूल्मनि जो शिकार हूंदो आहे। जबरनि इसलाम कबूलाअण, दीन-धर्म जे मञण जी आजादी नह हूजण, आम सरकारी सहूलितयूंनि खां महरूम कहिं मिरू खां भी बदतर हयाती गारिंदड थिऐ थो। इअं तह पाकिस्तान में हिदु थी रहण ई जूल्म करे लेखयो वेंदो आहे ऐं वरि जेकरि को दलित हूजे थो तह संदुनि छा गा॒ल्हि कजे।

जलसे में किन थोडनि भिलनि पिणि गा॒ल्हियो जहि जो चवण हो तह सिंध मां लड॒ण बैदि सिंध वारा जूलम तह् निबरी था वञिनि पर ब॒यूं तकलिफयूं खे मूहूं थो डे॒अणो पवे, असां जी इहा निमाणी मिंथ आहे तह हिंदुस्तान सरकार असां ते रहम करे असां खे मदद करे। साईं हिंदु सिंह सोढा पहिंजे तकरिर में के ऐडहो भी खुलासो पिणि कया जहि बाबत सायदि ई कहि खे का घणी जा॒ण हूंदी। संदुसि चवण हो तह जड॒हि सालनि बैदि भीलनि जे किनि आकहिंनि खे विजा मिलो सालनि जे इंतजार बैदि तह पाकिस्तान जे रेंजर तह खेनि वनण डि॒ञो पर हिंदुस्तानि जी बी ऐस ऐफ संदुनि ते गोलियां वसायूं जहि सबब के भील मारजी वया जनि मां हिक माउ भी हूंई जेका पंहिजे बा॒र खे पहिंजो खिर पई पियारे जद॒हिं संदुसि गोली लगा। हे सब इन्ही मूलक में पयो थिऐ जिते परडे॒हि मां जेकरि को पखि भी इंदा आहिनि तह कलेकटर उन पखियूंनि साण पहिजा फोटू खिचाऐ गिद गिद थिंदो आहे असां जा तह इंसान था अचनि जहिंसा मिरू खां भी बदतर वहिंवार पयो कयो वञे। असां खां इहे डु॒ख विसिरिया नाहिनि ऐं असी तेसिताईं माठ किन कंदासिं जेसताई असी भीलनि के कातिलनि खे सजा॒ किन था डेआरऊं।

इन मेडारके जे यकदम पोई हिंदु प्रेस कांफरेंस थिअणो हो पर पोई इहो बु॒धायो वयो तह सोमजी भाई तह अगो॒पोई जोधपूर मां निकरी चुका आहिनि। सिमांत लोक संघठनि जे कोरूकनि मोजिबु राजिस्तान वारे इकाई जे सदर इहो नह पई चाहियो तह हिंदु सिंह सरकार जे विरोध में कजहि गा॒ल्हिऐ सो कहि भी रित सोमजी भाई खे इन प्रेस कांफरेंस खे थिअण ई किन डि॒ञो। मायूस कंदड गा॒ल्हि तह इहा आहे जे इहो अग॒वान भील बिरादरीअ मां आहे ऐं पाण खे हिक अगवान जे हैसियत में पेश कंदो रहयो आहे।।।।

सोमजी भाई तह पहिजे तकरिर में तह भीलनि खे वांदी सरकारी जमिनि वालारण जी गा॒ल्हि कई पर इहो इंतहाई डू॒खयो आहे पक रित चवण तह जेकरि सिंध लड॒यलि भीलनि इअं कयो भी तह हूं केडही मदद कंदो पर इन तह पक आहे तह सोमजी भाई भीलनि लाई कहि  हद ताई जिक्रु जरुर कंदो इहा भी पाण में का नंढि हरकत नह समझण खपे।

लडे॒ आयलि को भी पाकिस्तानी भले हो दलित सिंधी हूजे या वरि रिवाजी लोहाणो हिंदु, मसला साग॒या ई आहिनि तह सत साल (जेकरि संदुनि माईट 1947 खां अगु॒ जावलि हूजिनि) जेसिताईं खेसि नागिरकता नथी मिले हो हिक लग॒ भग॒ कैदि वारी जिंदगी थो गुजारे। जहिं शहर लाई खेसि ऐल डी वी (ढघे अर्से लाई विजा) मिले थी तहि शहर जे 20 लिमोमिटर जे दाईरे में थो रहणो पवे। हर साल ऐल टी वी, पहिंजे चाहि जो कम नह करे सघण, बारनि जे स्कुनि में खाखिले में दिकत वरि पाकिसान मां अचण जो डो॒हू सो धार। सिंधी दलितनि लाई वरि गरिब हूअण (सिंध में भी दलित तमाम गरब आहिनि) हाथियूं हिक धार ड॒चो।

परसाल 1100 हिंदुनि जो जथो सिंध मां लडे॒ आया धार्मिक विजा जे तहत जिन मां 200 खां 300 बागडी कोम जा सिंधी हिंदु दिल्ली डा॒हि आया। बाकि 900 मां हिकु वदो॒ भांङो ईंदोर में ई रहयलि हो। इनहिनि बागडी कोम वारनि जाम डू॒ख डि॒ठा छाकाण तह संदुनि लाई हूकम ताईं जारि कयो वयो जिअ खेनि पाकिस्तान जबरनि मोकलो वञे। ऐं 1 डिसमबर जी रात खेनि दिल्ली जेडहे शहरि में जिते डिसबर जे महिने में जाम थद थी पवे खेनि यमूना के किनारे सठयो वयो। नेठि कनि हिंदु संसथाउ जी मदद सा इहो केसि दिल्ली हाई कोर्ट में टिन पेशिनि बैदि हकूमति धर्मिक जथे विजा दे॒अण जो फैसलो कयो। मजे जी गा॒ल्हि तह् इहा आहे तह इन फैसले जो फाईदो आम रिवाजी सिंधी लोहाणिनि पिणि वरतो पर इन जे बावजूद दलित सिंधीयूंनि सां ग॒ड॒जी जाखडो करण असुल ई कबूल नाहे।

सिंध जो थर वारो इलाको ऐतिहासिक तोर नह रूगो॒ भील मेघवार, सोढे राजपूजनि जो गड रहयो आहे पर सिंध जे हिंदुनि जो भी हिकु खसूसि ईलाको रहयो आहे। जड॒हि तह समूरो सिंध कशमोर खां संमूडी तटनि ताईं मूसलमानि जे हेठ हो इहो इहो थर ई हो जहिं सिंध जी हिंदु सकाफत जो मर्कज रहयो हो। थर परकार जी सखाफत ते जाम विदवानन पी ऐच डी ताईं कई पर इन जे बावजूद खेनि असीं सिंधी करे लेखण लाई तयार नाहियों।

सिंध मां हिंदु सिंधीयूंनि जी लड॒पण हिंद जे सिंधीयूंनि लाई हिक वडी॒ चूनौती आहे पर बदकिसमतीअ सां हिंदुस्तान जे सिंधीयूंनि जेको रदेअमल डे॒खारो आहे हिंदुनि जे लडपण जे नसबत सो यकिनिं डु॒खाईंदड रहयो आहे। ऐडही गा॒ल्हि नाहे तह सिंधीयूंनि खे इन पैमाने ते थिंदड लड॒पण सां वाकिफ नाहे ऐं ऐडही भी गा॒ल्हि नाहे तह सिंधी कोम को ऐडहो भी बेवस आहे जे कजहि भी करे नथो सघजे। बिं॒हिनि वड॒यूं सियासी तंजमयूंनि में सिंधी मोजूद आहिनि। पर साल टे गुमरा सिंधीयूंनि जा जथा सोनिया गांधीअ साणु गड॒या जुदा जुदा मसलनि ते पर हिन साल जड॒हि की हिंदुनि लाई जाम मसला रहया आहिनि असां जा सियासी शिहिं खामोश आहिन ज॒णु कजहि थियो ई नाहे।

बी जे पी में जिते सिंधूयींनि जी ऐतरी वधीक नूमाईंदगी  सिंधीयूंनि जी रही आहे उते भी साग॒या मंज़र आहिनि। सिंधूंयूंनि लाई को भी को भी कुछण लाई तयार नाहे। जेतोणेकि बी जे पी सिंध तोडे पाकिस्तान में हिंदुनि सां थिंदड जूलनि जे नसबत आवाज उथारिंदी रही आहे पर इहा उमेदि करण भी आजाई आहे तह सिंधूंयनि जी लडाई भी बी जे पी करे सा सोचण डो॒हूं थिंदो।

सिंध में पाकिस्तान जा 95 सेकिडो हिंदु था वसिनि मतलब हू हिंदु सिंधी आहिनि। जेकरि को सिंध लडे॒ आयलि जा सुर समझिंदो तह उहो सिंध कोम ई आहे पर मसलो इहो तह किअं ऐडहे कोमअ खां का भी उमेदि रखजे जेको पहिंजनि खे भी पहिंजो समझण में हिजाब सरेआम कंदो रहयो आहे।

नह ब॒च्चा महफूज आहिनि नह ईं ईझा रही छा कयूं ? 25 हिंदू कूंटूंब हिंद रवाना

  • खपरे, खेडाउ ऐं पिरूंमल जा मेघवार कुंटूंब पांद में सिंध जे वारी बु॒॒धी जीरो पोईंट तां घोडा घाम, जोधपूर असहया
  • ब॒च्चा महफूज आहिनि नह ई ईझा रही छा कयूं …25 हिंदू कूंटूंब हिंद रवाना
  • सिंध में रहिंदड हिंदुनि जी पारत अथव  धर्ती छडे॒ वेंदड मेघवार खांदान जी हंजियूं हारिंदे सिंधीयूंनि खे अपील 
  • पहिंजे डा॒डा॒णे डे॒हि खे खुशी सां नह पया छड॒ऊं, पर हर तरफ बदनामी जी बा॒हि पई भडके
  • चोरयूं , फूरियूं , धाडा ऐं अगवा कारोबार बणजी चूको आहे दिल हारे मात्रभूमी अलवादा पया कयूं – धर्ती छडे॒ वेंदड

खपरो – (रिपोर्ट राजा रशिद कंभर) खपरे, खेडाउ ऐं पिरूंमल जा 25 मेघवार कूटूंब बदनामी जी बाहि खां तंक अचि सिंध छडे॒ हिंद रवाना थी वया। सिंध छडे॒ वेंदड हिंद चेतन जय पार कांजी मेघवार सिंध जा वारी पहिंजे पांदन में छडे॒ बदनामी जूं डा॒हूं कंदा जीरो पोईंट जरिऐ जोधपूर जे घोडा  घाम रवाना थी वयो। कांभर दडे खां पोइ पिरूंमल शहर भी हिंदुनि खां खालि थिअण शुरु थी पयो आहे। पहिंजी धर्ती छडिं॒दे हिंदु खांदान हंजियूं हारिंदे चई रहा हवा तह  “जिते बच्चा  ऐं ईझा महफूज नह हूजिनि, उते रही छा कबो? . पहिंजे डा॒डा॒णे डे॒हि खे खुशी सां नह पया छड॒ऊं, पर हर तरफ बदनामी जी बा॒हि पई भडके,   चोरयूं , फूरियूं , धाडा ऐं अगवा कारोबार बणजी चूको आहे दिल हारे मात्रभूमी अलवादा पया कयूं । इन करे दिल हारे मात्रभूमि खां मोकिलाऊं पया। अव्हां खे सिंध में रहिंदड हिंदुनि जी पारत हूजे”  बे॒ पासे हिंदु ऐकशन कमिटी जे अग॒वान डाकटर धर्मू खांवाणी चयो तह् “डि॒हूं डि॒हिं हिंदुनि सां जलम वधी रहयो आहे पर पोई धर्ती छड॒ण बजाई हिमत सा हालतियूं जो मूकाबलो करण घूजे”।

 

फैसलो करयो रहण डिं॒दौउ या लडे॒ वञऊ – हिंदु अगवानि जूं दाहिं

हे अहवाल सिंधी मां शाई सिंदड अखबार अवामी आवाज मां लरतल आहे। सिंधूयूंनि जे समझ लाई हित देवनागरी लिपीअ में शाई कजे थो

मूल लेख की लिंक

http://www.awamiawaz.net/%D9%81%D9%8A%D8%B5%D9%84%D9%88-%DA%AA%D8%B1%D9%8A%D9%88%D8%8C-%D8%B1%D9%87%DA%BB-%DA%8F%D9%8A%D9%86%D8%AF%E2%80%8D%D8%A4-%D9%8A%D8%A7-%D9%84%DA%8F%D9%8A-%D9%88%DA%83%D9%88%D9%86%D8%9F-%D8%B3%D9%86/print/

फैसलो करयो रहण डिं॒दौउ या लडे॒ वञऊ – सिंध मां 1947 खां भी लड॒पण पई थिऐ – इंसानी हकनि जी स्डिंडिग कमिटी जे आडो॒ हिंदु अगवानि जूं दाहिं

कराची (रिपोर्ट शकिल नाईच)- इंसानी हकनि बाबति कोमी ऐसमबली जी ऐसटेंडिग कमिटी सिंध सरकार खे सिफारिशयूं कयूं आहिनि तह हिंदुनि जो जोरी मज़हब (धर्म) वारे अमल खे रोकण ऐं हिंदुनि जे आग़वा जे डो॒हारिनि खिलाफ कार्वाही करण ऐं हिंदुनि जे लद॒पण खतम करण लाई कानुनसाजी कई वञे। सुबे जे अंदर कारो कारी (हिक प्रथा जिन में शक जे आधार ते मूसलमानी पहिजे उलाद जो खासि करे नियाणियूंनि जो कतल कनि) जे खातमे लाई सख्त कानून ठाया वञिनि ऐं जिल मेनूअल हाणे तबधील करे जदाऐद दोर मूताबिक जा जेल मेनूअल ठाया वञिनि। इहे गा॒ल्हियूं जूमे डि॒हूं ऐस्टेंडिग कमिटीअ जे चेअरमैन रेयाज फतयाना जे सदारति में थिअल इजिलास में कयूं वयूं। इन मोके ते ऐडिशनलि आई जी सिंध पूलिस पारां हिंदुनि के अगवा ऐं लड॒पण बाबति पेश अंग अखरनि खे कोमी ऐसेल्मबली जी ऐसटेंडिग कमिटी ऐं अकलमत (अल्पसंख्यक) तंजमयूं जे ऐहदेदारनि रद करे छड॒यो। इजलास में ऐडीशनलि आई जी फलक खुर्शिद अंग अखर पेश कया तह् केतिरा हिंदु अगवा थियलि आहिनि ऐं केतिरा हितोऊ लडे॒ वया आहिनि … इन ते ऐम ऐन ऐ ( मेमबर नेशनलि ऐसेलबली) अरेश कुमार सिंह चयो तह पंजनि सासनि में ऐतरी लड॒पण थी आहे जेतरि 1947 में भी नह थी हूंदी, सिर्फ मिरपुर खास में सवन माण्हूं अगवा थियलि आहिनि ऐं हितोउ खां लडे॒ वया आहिनि। ऐडिशनलि आई जी चयो तह हिंदु मेंहिंती आहिनि सो खेनि टारगेट करे निशाणो पयो बणायो वञे। हो हर शबऐ में कामयाब आहिनि। सदर जरदारी टिन मेम्बरनि जी कमिशन जोडी आहे। आरेसर कुमार सिंह चयो तह असां खे अन अंग अखरनि ते कतई ऐतबार नाहे। हिंदुस्तान सरकार पाण चयो आहे तह् सिंध मां आयलि 500 हिंदु खांदान इते तर्सया पया आहिनि ऐं वापस वञण खां इंकार कयो आहे। केतिरा हिंदु कतल भी थिया आहिनि, जेकरि हिंदु नह रहया असीं तबाहि थी वेंदासी। हिंदु माईनार्टी ऐलाईंस जे मंगला शर्मा चयो तह सिर्फ सेपटेंबर में 12 हिंदु छोकरियूं मसलमान बणायूं वयूं आहिनि इन्ही मां सिर्फ हिंक हिंदु नेंगरी वारिसन खे मोटी मिली आहे। हिंतोउ सिर्फ हिक साल में साढा सत हजार हिंदु खांदान हिंदुस्तान लडे॒ वया। गूजरलि 20 सालनि में डे॒ढ लखु हिंदु लडे॒ चूका आहिनि। सिंध में पंज सेकिडो नोकरयूं भी हिंदुनि जे हथ में नाहिनि। हिंदु पर्सलनि ला (कानून) भी नाहे। हिंदु काउंसिल जे टिकम मल चयो तह हिंदुनि जी वडी॒ तकलिफ इहा आहे तह खेनि जबरदसती मूसलमान बणायो वयो वञे।  असां खे इन सिलसिले में हकिकत में ऐतराफ करण घुरजे, छोकरि खे 20 डि॒हनि में कोर्ट अंदर आणे मूसलमानि हूअण जो बयान था देअरो ऐं आडही छोकरि खे धीअ, भेण बणाअण बजाई शादी छो पई करई वञे ??. असां पैसो तह कमाऐ वठींदासि पर इजत वापस नह मिलिंदी। असां खे नौकरियूं, तरर्कियूं , कम नह घुगजिनि. असी अकलमियत (थोडाई) में आहियूं, असां जो कमु फर्मानबरादरी करण ऐं समाजिक तालूक बेहतर बणाअण आहे। हाणे वकत अची वयो आहे तह असां खे रहण दि॒ञो वेंदो या लडो॒यो वेंदो. .जोरी मूसलमान करण जो ऐतराफ कंदे कानून ठहयो तह असी दडे॒ वञण ते मजबूर थिंदासि। “या तह रहण ड॒यो यह भज॒ण डि॒यो”  ऐडीशनल आई जी चयो तह असां कोनून जा पाबंध आहियूं। कोनून मूताबिक नेंगर ऐं नेंगरी खे अदालत में पेश कंदा आहियूं, पोई जेको फैसलो अदालत कंदी आहे उन ते अमल कंदा आहियों। ऐम कयू ऐम जे ऐम ऐन ऐ कशूर ज़रही चयो तह हिंदु असां खा वधिक देश भग्त आहिनि, वाक्ई असां खे हाणे सोचणो खपे ऐं आमली कदम खणणा पवंदा, हे संगिन मसलो आहे। आमली लेविल ते मूसलमान बणाअण वारे मामले ते पाकिस्तान जी बदनामी थी रही आहे ऐडहो कोनून ठायो जो अगते को भी इंअ नह करे सघे। माईनारटी अतहाद जो रमेश सिंह चयो तह मसला आहिनि इन लाई तह हिंदु लडे॒ था वञिनि। हिंदुस्तान जो वजीर चवे थो तह 3 सालनि में 1290 खांदान पाकिस्तान मां हिंदुस्तान आया ऐं 790 खे शहरियत (नागरिकता) भी मिली वई आहे। शखर रेंजनि मां घणा हिंदु लडि॒नि था, जेकड॒हिं असा खे अगवा थिअण बैदि भूंग (फिरोती) दे॒अणी पवे तह पूलिस जो केडहो कम । अल्पसंखयक (धार्मिक)  जो तहफूज कयो वञे। बलूचिस्तान जो ऐम पी ऐ (ऐम ऐल ऐ) सतराम सिंघ डोमक ऐं सिंध जो ऐम सरहिंदो चयो असां खे काईदे आजम वारा हक डे॒यो। काईदे आजम पाकिस्तान जी पहिरीं सदारत जोगिंरनाथ मंडल खां कराई। पाकिस्तान ते सभनी खां अगु॒ तिर खाअण जी गा॒ल्हि ऐम पी सिंघा कई हूई। पाकिस्तान ते डू॒खयो वकत आयो तह पोई अल्पसंख्यक अगु खां अग॒ते रहिंदा। ऐम ऐन ऐ अरेश कुमार सिंह चयो तह सिर्फ पूलिस इहो बु॒धाऐ तह छा इहा सरकार जी पालीसी आहे तह अलपसंख्यक लडे॒ वञिनि!!! जे इअं आहे तह बुधाऐ छडो॒ तह असीं चूप करे वेही रहिंदासी। ऐम ऐन ऐ इनायत अल्लाह चयो तह हिंदुनि सां थिंदड कार्वाही दहशदगर्दी आहे। इहा शर्म जी गा॒ल्हि आहे जे हिंदु इतोउ खा लडे॒ वञिनि। असां 20 सालनि खां सिंध अंदर निजी जेलनि जो बू॒धोउ पया। हिंदु पर्सनल ला ठाहयो वञे। हिंदुनि खिलाफ डा॒ढाईनि जा केस देहशदगर्दी जे खातमे वारे केसनि वाङुरु ऐ टी सी अदालतुनि में हलाया वञिनि। थोडाईवारी बिरादरी असांजो किमता सरमायो आहिनि, असां संदुनि लड॒ण खे बरदास्त नथा करे सघऊं। ईसपेशल होम सेक्रेटरी मूदसर ईकबाल चयो तह हाणे असां हिंदुनि जे तहफोज लाई हर जिले में डेपटी कमिशनर जे सर्बरादीअ में कमिटूयूं ठाहयूं आहिनि जिन में ऐस ऐस पी ऐं पंज अल्पसंख्यक बिरादरी जा नुमाईंदा हूंदा, इन मोके ते खिताब कंदे कमिटी जे चेअरमैन रियाज फतयाना चयो तह इन में को भी शक नाहे तह थोडाई वारे कोम खे भी ओतिरा ई हक मिल्यलि आहिनि जेतिरा मूसलमानि खे आहिनि। काईदे आजम जी 11 अगस्त वारी तकरिर में मजहब बाबत चयो हिते को भी बालातर या मातहत नाहे, असा वठ मजहबी जनूनेत जो कलचर जियां उल हक पैदा कयो ऐं हून नफरत जो बि॒जु॒ पोखियो जेको असी अजु॒ भोगियूं पया। चेतराल में केसाश नसल खे मूसलमान करण लाई कजहि इंतहा पंसंदी उते पहूता मके जे फतहि वकत हजरत पाक सली अल्लाह वसलम वाजिहि ऐं सख्त पेगाम दि॒ञो हो तह अजु॒ खां पोई सभनि खे हिक जेतरा हक हासिल हूदा। अजु॒ पाकिस्तान में हिदु अगवा वया थेनि, संदुनि नेंगरिनि खे जोरी मूसलमानि पयो कयो वञे, हिंदुनि जे तहफूज जी जिमेवारी रियासत जी आहे। गुंजरवाला में ईसाईंनि साणु इंतहापंसंदी डा॒ढाई कई वई तह असीं वाजी लफजनि में मजमत कई। हिन हकूमत सिंध खे शिफारशू कयूं तह थोडाई वारे कोमनि के ईबादतगारि ते गु॒झयूं केमेरा लगायूं व़िनि जहिं जू कनेकशन थाणे सां हूजिनि। थोडाई वारे कोमनि जे इबादतगारनि जी जिमेवारी रियासत जी आहे। हिंदु छोकरी जे मूसलमान थिअण लाई धार कोनून सिंध सरकार ठाये ऐं इन द॒स में क्रिमिनल कानून में तरमियम करे छोकरीअ खे “सेफ हाउस” में रखयो वञे ऐं खेसि हिक महिने ताईं कहिं सा भी मिलण नह डि॒ञो वञे। औकाफ खाते में थोडाई वारे बिरादरी ऐबादतगाहिनि जी सार संभाल लहण अकलियत बिरादरी जे आफसर खे डि॒ञी वञे सूमर दि॒हिं अकलियत बिरादरी जा नुमाईंदा इसपेशल होम सेक्रेटरी होम मूदसर इकबाल साणु ब॒ टे कलाक गद॒जाणी कनि। हून चयो तह हिअर सभनी दा॒हि इहो सख्त पैगाम वञणो घुरजे तह् अकलतियूंनि सां डा॒ढायूं बरदास्त नह कई वेंदी। खेनि जोरी मजहब बदलाअण ते मजबूर नह कयो वोंदो। खेनि अगवा नह कयो वेंदो आई जी सिंध पूलिस जे आफिस में हिकु सेल कायम कयो ऐं इन जी ओज सा मिली अंगनि अखरनि जी भेटि कयो, नोकरयूंनि में पंज सेकिडो कोटा अकलियतिनि खे दि॒यो असा बि॒हर बी॒ टीन महिनिन में इंदासी तबधीली अचण घुर्जे। इजलास में कारो कारी बाबति रियाज फतियाना चयो तह सिंध पूलिस हे सुठो अमल कयो आहे जो 1213 सेल खोलयो आहे। सिंध सरकार खे घुर्जे तह कारो कारी जे खातमे लाई मजहबी अग॒वान आलिमनि साणु राबतो कयो वञे। तालिमि अदारनि में कारो कारी खे निसाब में शामिल कयो वञे ऐं इन मूहिम में सिविल सोसाईटी खे भी शामिल कयो वञे, मिडिया खां मदद वरती वञे तह जिअ मिडीया जे खबरूनि जो नोटिस संसद ऐं अदालत वठनि। असीं यूं ऐन डी पी जा भी शुकरगुजर आहियूं जे हो कारो कारी जे खातमे लाई कम करे पई । हिन ऐसट्डिंग कमीटी खे कारो कारी ते गण॒ती आहे ऐं सिंध हकूमत खे शिफारिश थी करे तह इन मसले खे हल करे। सिंध जे जेलनि बाबति रियाज फातियाना खाते जे सेक्रेटरी अली हसन बरोही जरिऐ सिंध हकूमत खे शिफारिश कई तह जेल मेमूअल में हिअर ई तबधीली कई वञे। कैदिनि खे फोन जी सहूलियत डि॒ञी वञे। नंढे डो॒हनि वारनि खे जमानत कराई वञे। जेलनि में सब-पोस्ट आफिस कायमि कराई वञे। जेलनि में अखबारनि जा इसटेंड लगाया वञिनि। अखबारनि के मालिकनि खे लिखित में दर्खासतयूं डि॒नियूं वञिनि तह हो जेलनि में मूफ्त में अखबारु डे॒नि, जेलनि में रांदियूंनि जो बंदोबस्त कयो वञे, जेलनि में नंढयूं बेरेकनि में घणनि कैदियूंनि खे बंद करण वारो सिर्सलो बमद कयो वञे। हेपटाईटिस समेत सभिन बिमारियूंनि जी टेस्ट वरती वञे। जेलनि में वड॒यूं इसक्रिननि वारयूं टी वी लगा॒ऐ फिलमसूं डेखारयूं वञिनि। कैदिनि जा ऐकाउंट खोलया वञिनि जिअ संदनि मेहनत मजूरि जो मोआफजो ऐकाऊंट में जमा कराऐ सघजे। कैदिनि खे वकिलनि साण मिलण डि॒ञो वञे। कैदियूंनि जो नफसयाती माहिरनि खां पिणि ईलाज करायी वञे कैदिनि खे कट कार्ड डि॒ञो वञे जहिं में हिनिन जा तफसिल लिखयलि हूजिनि।

 

 

सिंध में हिंदुनि जो नह बंद थिंदड कहरु

  • खपरे (सिंध) में खंभी वयलि हिंदु वाणियनि जा आजादीअ लाई अर्तवार ताईं पूलिस खे महूलत, रथयलि धर्नो मूतलवी, बू॒ख लडताल
  • डा. वासुदेव ऐं वेपारी सेहूमल खे 6 दि॒हनि गुजरी वढण जे वावजूद पलिस आजाद किन कराऐ सघी
  • हिंदुनि जी आजादीअ लाई ऐस पी पारां जोडायलि टिम भी कामयाबी कोन हासिल करे सघी।
  • डी आई जी मिरपूर खास जी खातरी बैदि महूलत आर्तवार ताई वधाई वई। 4 लकाकनि जी आलमाणी बू॒ख हडताल
  • बार्लटर के सियासी ताकत जे जोर ते डो॒हारी खिलाफ कार्वाही रोके पलिस वडे॒रनि सां डील में पूरी आहे।
  • डा. वासुदेव ऐं वेपारी सेहूमल जेकरि आर्तवार ताईं आजाद नह थिया तह सोमरअ खां धर्नो – हिंदु पंचायत

किरण कहाणी

जय प्रकाश मोराणी, सिंधी अखबार अबरत में सिंनियर ऐडीटर आहिनि, ऐं काफी दि॒हनि खां पत्रकारिता जे पेशे जा गंड॒यलि रहया आहिनि। सिंधी हिंदुनि नयाणियूंनि जो जबरनि अगवा ऐं धर्म मठाऐ इसलाम कबूल कराअण जूं वारदातु दिल दहलाईंद़ड आहिनि। इहे वाक्या नया नाहिनि। सिंध में 65 सालनि खां पयाहलनि ऐं हिकु अहम सबब आहिनि जहि सबब बचयलि हिंदु सिंध मां लद॒नि पया।

पत्रकार जय प्रकाश मोराणी
पत्रकार जय प्रकाश मोराणी

किरण जी काहाणी रिंकल , आशा,  लता, हेमी या मनिशा खां का धार नाहे। मूहिंजी हमेशाहि इहा कोशिश रही आहे तह सिंध हिंदुनि ते थिंदड जूलमनि ऐं खासि करे सिंधी हिंदु नयाणियूंनि ते थिंदड जूलमनि बाबति सूजागता पैदा करे सघजे जिअं सजी॒ दुनिया जा॒णे तह हिंदु सिंधी कहिं हालत में सिंध रहया पया आहिनि।

हे लेख साईं जय प्रताश जी मोकल सां साई थो कजे

किरन कहाणी

लेखक- जय प्रकाश मोराणी, सिंध

उलथो कंदड – राकेश लखाणी, कच्छ

मिया वदे॒ (उर्फ मिया मिठू) जे देरे दा॒हिं वेंदड रस्तनि ते संदुसि ई हिकु बागीचो आहे जहिं जे चौधारीअ दि॒नल कंडेदार तारन में केतिरयूं ई हिरणयूं हिसायलि निगाहुनि सां हर इंदड वेंडद खे शायदि इन निगाहूनि सां दि॒सिनि थयूं तह शाल इनहि मां को संदुनि आजादीअ जो परवाणो खणी अचे पर हर को मिया वदे॒ जी दहशद खां दहलजी इनही हिरणीअ खे दूर खां ई दि॒सी पासो करे हलयो वञे थो ऐं इन्ही आजादीअ वारे खुवाबनि खे हवा में उदा॒मिंदे हर को दिसे थो पर इनही जे साभयां लाई सोच को भी नथो करे। छो तह इनही सोच ते भी सवनि पहरा आहिनि।

जिअं मियां वदे॒ जे बागिचे में किअं हिसायलि हिरणियूं वाडयलि आहिनि ईंअ ई संदुसि कोट में भी आहिनि। इनही मां का कद॒हि कद॒हि जेकद॒हिं पहिंजे वेडहेचिनि वटि वरण लाई सड॒ करे थी तह कलाक जे मफासले ते मोजूद रहिम याहा खां जे शेख रिंद ईस्तपताल ई संदुनि सनधनि (घावनि) ते सेक करण जो वसिलो बणिजे थी। हूअ भी इन हिरणि जियां हूई, दा॒ढी मासूम, दा॒ढी सबा॒झी। संदुसि गो॒ठ रहिम यार खां जे भरसां मंठार नाले बु॒धायो पई पयो। किरण कुमारी नाले जी हिक मेघवार बिरादरीअ जी इन नेनगरीअ बाबति इहो ब॒धायो वयो तह गाहि कंदे खेसि कजहि नोजवाननि छेडहयो हो ऐं मज़ाहमत (विरोध) ते खेसि संदुसि माउ जे सामहूं अग॒वा कयो वयो। जमिंदार सजी॒ रात वापस कराअण जा आसिरा दिं॒दो रहयो ऐं खेसि इन दौरान बर्चंडे शरिफ पुजा॒यो वयो। जद॒हिं सहाफिन (पत्रकार) मथसि सवालनि जी बरसात वसाई तह हूअ जवाब दे॒अण खां अगु॒ ऐं पोई मिया वदे॒ दा॒हिं दि॒सी रही हूई। ज॒णु को सेखडात अदाकार रटयलि डाईलाग गा॒ल्हिअण बैदि हिदायतकार डा॒हिं डिंसिंदो आहे। हून खां जद॒हि संदुसि उमरि बाबति बुछयो वयो तह् हून चयो मूहिंजी उमरि 18 साल आहे। पुछयो वयो तह् जन्म जी तारिख केडही आहे तह जवाबु मिलयो खबर नाहे, साल कोडहो तह भी साग॒यो जवाबु तह उन जी भी खबर नाहे पर ऐतरी तह खबर आहे तह उमरि 18 साल आहे। पुछयो वयो तह हित किअं पहूती तह जबाबु मिलयो तह दीन (ईस्लाम) साणु मूहबत हूई। पछयो वयो तह् किअं थी तह जवाबु मिलयो तह बस थी वई। पुछयो वयो तह हित किअ पहूती तह जवाबु मिल्यो तह चंड रात, केरु वठी आयो तह जवाबु मिल्यो तह् भर वारे गो॒ठि जे हिक नोजवानु, इहो केरु हो … आऊं हून साणु प्यार कंदी आहियां, मूलाकात किअं थी… हू मूहिंजे गो॒ठि में इंदो हो, मोबा॒ईल ते राबतो थियो….नह मूं वटि तह मोबाई हूई ई कोन्हि, चिट्ठी लिखिंदो हो ऐं जाम लिखिंदो हो। इहो नोजवानु कंदो छा आहे. संदुसि जमिन आहे . हाणे छा कंदींअं, – उते ईं रहिंदसि। हूं भी इते ग॒दु आहे इन विचअ में मिया नंढो (मियां मिठू जो पुठ) उऩ नोजवान खे वठि आयो जहिं जे बारे में चया पयो वञे तह हे शब्बिर आहे जेको किरण खे खणी हिते आयो आहे।

किरण कुमारी (अगवा थियलि सिंधी मेघवार नियाणी)
किरण कुमारी (अगवा थियलि सिंधी मेघवार नियाणी)

वाईडे वांङुरु सहाफिन (पत्रकारनि) दा॒हिं दि॒सिदड इहो नोजवानु जहिं केतिरनि ई दि॒हनि खां संवरात भी नह थियलि हूते कहि भी रुख खां खूश नह् थी पई लगो॒। खाईंसि पछयो वयो तह तूं किरण सां प्यार करे थो तह हूं ठही पही वराणयो , मूहिजो तह हिन साणु प्यार ई नाहे । जद॒हि खाईंसि संदुसि गो॒ठि बाबत पुछयो वयो तह हून जवाब दे॒अण जे बिदरां किरण दा॒हि दि॒सण लगो॒ जहि चयो तह हे असां जे भर वारे चक में रहिंदो आहे । सहाफिन शब्बिर  खां पुछयो तह छा कंदो आहे तह हून जवाबु दि॒ञो तह हो राहकी (हारपो) कंदो आहियां जद॒हि तह किरण बुधायो कह हू जमिंदार आहे। मतलब तह हो हिकु भी जवाबु सही रित कोन द॒ई सघयो तह मिया नंढे टहक दिं॒दे चयो तह किरण ई हुन खा भाजाऐ आई आहे। पोई हितोउ हूतुउ गण गो॒त करण बैदि खबर पई तह खेसि कन खां झले इनही फर्ज जी अदाईदी लाई मूकर्र कयो वयो हो।

उन ई दौरान असां खे बुधायो वयो तह 15 सालनि आगु दीन जे दाईरे में आयलि हिक नारी अव्हां सां मिलण लाई आई आहे। सबहान खातुन नाले असां खे पहिजो लागापो उबा॒वडीअ सां बुधायो। बाकी कहाणी थोडी फेरघार सा सागी ई हूई। हून बु॒धायो तह खेसि माईठन जी याद ईंदी आहे पर साणसि को रातबो नाहे ऐं नाह ही को साणसि मिलण आया आहिनि। इन ते वदे॒ मिया चयो तह फोन ते राबतो थिंदो आहे तह सबहान खातुन पिणि पहिजो वकफ तुरत मठायो ऐं चयईं तह हा फोन ते रातबो थिंदो आहे। इअं ई सवाल जवाबनि जो सिलसिलो हलिंदे माञे (भोजन) लग॒ण जी खबरि बु॒धाई वई। आऊ ऐं काशिफ बलूच सभ खां पहिरो इन कमरे में दाखिल थियासिं तह किरण अकेले ई मोजोद हूई। मूं हून खां मारवाडी जबान में पुछयो तह छा तुं पहिंजे फैसले सां खूश आहें, तोखे माउ-पिउ जी यादि नथी अचे तुं इन नोजवान सा जिंदगी गुजारे सघींदीअ जेको हिंअर ई तोसां को वास्तो नह हूजण जी गा॒ल्हि करे थो तह संदुसि अख्यूंनि जे पंबडीयूंनि में अटकयलि लूडक मूंखे समूरा जवाब द॒ई छद॒या ऐं इन पिच में नंढे मिया खेसि बा॒हर वञण लाई चयो तह हूअ चोर निघाहूनि सां असां खे डि॒सिंदे इअं हली वई जिअं इंन्ही कंडेदार तारनि वारे बागिचे में बंद इन हिरणी दि॒ठो हूंदो। तहिं डो॒हाडे (दि॒हिं) असां पत्रकारनि जो ढंभ (जथो) जन में लाहोर, मूलतान, बहालपूर, इसलामाबाद, कराची ऐं हैदरआबाद मां लोक सुजाग जे सद॒ ते कोठाअल वण वण जी काठी समायलि हूई। जद॒हि रहडका जा चाहिं ऐं भडंचंडे जी थदी बो॒तल पी दो॒हरकी जे बाहिरां वाक्यई इन देरे डा॒हि पी वयो तह आसमान जे ककरन (बादल) कारोंभार हूई, मोसम ऐतिरो गर्म भी किन हो, कहिं कहि वक्त हिर भी पई घुले। जदड॒हि असीं इन देरे ताई पहितासिं तह आतरी का रौनक भी किन हूई। असां खे कमरे में वेहारो वयो जेको बा॒हर जी भेटि में थदो हो। इन देरे में पहूचण खां अगु॒ ई सभनी पत्रकारनि सुस पुस में हिक बे॒ खे पई समझायो तह किअ पुछबो, केडहे नमूने पूछबो, घणो तेज नह थिबो वगिराह वगिराह । खासि करे असां में शामिल जाईफां पत्रकार खे वदो॒ ढप हो। जड॒हिं मिया वडो॒ कमरे में दाखिल थियो तह संदुसि अंदाज फातिहाणो हो। हो पत्रकारनि खे तूं करे पई मूखातिफ थी रहयो हो । गा॒ल्हियूंनि दौरान हून खूले सिंधी अख्बारनि ते छोह छंडया। संदुसि चवण हो तह सिंधी अख्बारनि ते हिंदुनि जो कंटरोल आहे ऐं इन्हिन खे हिंदुस्तान डालर पयो दे॒, साग॒यो हशर जिऐं सिंध ऐं ब॒यनि कोमिप्रस्तनि जो भी कयो। संदुसि चवण तह सभ इसलाम खिलाफ साजिश में रूधल आहिनि। सजी॒ मिडीया में रगो॒ उमत (उर्दू अखबार) आहे जेका सचु पई लिखे। हो इहो चई रहयो हो तह असीं हर नारी खे तहफूज (पनाहि) डिं॒सी जेके दीन जे दाइरे में इंदयूं बाकी जद॒हिं खाईंसि इहो पुछयो वयो जेके मूसमानि प्रेमी जोडा शादी कंदा आहिनि इंहिनि जे पूठयां भी वदी॒ खूनरेजी थिंदी आहे इन्हिनि जो तहफूज अव्हां कंदा तह हून ठही पही  वराणयो तह इन्हिनि जी हिफाजत असी छो कयूं , उहे जा॒णिनि उनहिनि जो कमु। उन्हिनि पोयां वडा॒ कबीला आहिनि । इहे पाण ई संदुनि मदद कंदा। हून चयो तह खेसि का भी ताकत इन्ही फर्ज खां रोके नथी सघे। सियासत, सियासी ऐहदा, दो॒कड (पैसा) तमाम नंढी शई आहे । हूं पहिंजी पार्टी वारनि ते पिणि कावडयलि हो तह जेके संदुसि चवाणी बिदरां ब॒यनि जे चवे में था हलिनि। इहा कावड हो पत्रकारनि ते भी वदे॒ वाके कढे थो। जद॒हि कराची जे हिक पत्रकार साणसि फोटो कदा॒अण खां इंकार कयो यह हूंन चयो तह – मूं सां फोटो कदा॒अण में ब॒रो थो चडई छा..उतोउ वापसी ते सभ पहिरों सर बचण ते सरहा हवा पर इन दोस्त ते हर कहिं खे रहम पई आयो जोको असां खे इंसानी हकनि जो नूमाईदो चई मिलयो हो पर इन दर जो वडो॒ नुमाईंदो पई लगो॒ । इअं ई अकलितनि (थोडाई वारे कोम) सां थिंदड जादतियूं बाबति इनही वर्कशोप जी इहा फइलड वर्क इनही पुजाणी ते पहती तह इन हवाले सां जेके सवाल ज़हनि में गर्दिश करण शुरु थिया उहे अजु॒ भी ओतिरा ई जवाब तलब आहिनि जेतिरा अगु॒ हवा।

किरण जी कहाणी जेका आगु॒ कहि नह बुधी हूई उहा तह माणहूनि अग॒या पहूचि वईं हूंदी पर किरण जे पंबडयूंनि में अटकयवि लूडक, संदुसि सपना ऐं संदुसि माईटनि जा खुवाब जेके हवा में उदा॒मी वया इनहिनि जी केरु पर्गोर लहिंदो संदुसि माईटनि जी तह नयाणी भी वई, पाण भी वयलि में आहिनि जो ऐतजाज करण ते जमिंदार संदुसि खिलाफ केस दाखिल कराऐ बि॒ठे ड॒चे में विझी छद॒यो आहे।

मूल लेख
मूल लेख