गा॒ल्हि सिंधी क़यादत जी


 

सिंध में तोडे हिंद में हिंदु सिंधीयूंनि लाई हालतयूं हिक बे॒ जे उभतरि हूअण जे बावजूद सियासी कयादत तोडे सियासी सोच में वाईडो कंदड हिक जेडहाई डि॒सण में ईंदी रही आहे। इन जो वडे॒ में वडो॒ सबूत संदुनि बिं॒हि मूल्कनि में बिन पार्टियूंनि डा॒हिं अंधी वफादारी हिकु वडो॒ सबब रही आहे । हिक पासे जिते  सिंध जा हिंदु भूट्टे जे पाकिस्तान पिपिल्स पार्टी में शिर्कत करे गिद गिद थेनि सागी॒ रित हिंदुस्तानि जा सिंधी भाजप में पाण खे अर्पण करण में पूरा हूंदा आहिनि।

सिंधीयूंनि में हिक धारिनि जो थी वञण जी प्रथा या फितरत का अजु॒ जी नाहे। विर्हांङे खां अगु॒ सिंधी हिंदु कांग्रेस सां तेसताई वफादार रहया जेसिताईं विर्हांङे तोडे लड॒पण जा वाक्या संदुनि हिकु कापारो धकु कोन हयों। इहो धकु ऐतिरो जबरदसत हो जे विर्हांङे जे 65 सालनि खां पोई भी हिंदुस्तानि जा सिंधी उहे मंजर खे किन वासारे सघया तह आखिरि सिंध जा कांग्रसी  किअं सुता रहजी वया …त किअं हो सिंध जे मटिंदड सियासी माहोल खे समझी किन सघया ऐ रातो रात पहिंजे डे॒हि में इ परडे॒हि थी करार डि॒ञा वया।

ऐडही गा॒ल्हि नाहे जे मूसलमानि जो हिक इसलामी रियासत डा॒हिं लाडो हर कहि खां गु॒झो हो। अंग्रेजेनि जे डिं॒हनि जो सिंधी नस़र जो हिकु अहम थंबो लेखिंदडु -सिंधी लेखक तोडे अखबार नुवेस जथेमल पर्शराम गुलराजाणी मोमिनिं जे इन फिरयलि मनोवरती बाबत सिंधुवासियुनि खे आघाहि कंदे चवंदो हो – खिलाफत आहे आफत, ऐं इहा खिलाफत सचु पचु वडी॒ आफत खणी आई। खिलाफत तहरिक में पाक थी निकतलि हर अगवान भले इहो जी ऐम सेईद हूजे,या वरी  अबदुल माजिद सिंधी, पिर ईलाई बख्श, अयूब खुरो या वरि हिदाईतुल्लाह पहिंजी सियासी सघ हिंदुनि खे हिसाअण सबब ई पुख्ती कई जेको सिलसिलो संदुनि वारिसनि तोडे पोईलगनि पारां कहिं न् कहिं शकल में वडी॒ संजिदिगीअ सां अजु॒ भी पई हलाईदां अचनि। सिंध में पीर-मिर-जागिर्दार जी जमायति आजु॒ हिंदुनि खे उनही रित ई पई हिसाऐ जहि रित जहि रित मसजिद मजिलगाह जे वकत पई हिंदुनि खे हिसायो हो। पिछाडीअ जे मुञे सदी में उनहिनि की इसलामी कयादत में जरे जो भी फेरो किन आयो आहे भले इन अर्से में सिंध जे शहरनि जा सेकडो अण सिंधी दावेदार पैदा थी छोन न वया हूजिनि ।

सिंध में हिंदु सिंधी कयादत जे ठिकेदारनि जूं अख्यूं तहिं महल खुलणु खपिंदी हूयूं जड॒हि मस्जिद मंजिलगाह जा फसाद थिया। हिंदु अगवान न् तहि महलि ई हालितुनि खे समझी सघया ऐं न् ही भगत कंवर राम जे कतिलनि जा नाला सिंध ऐसेलमबली में खणिंदड हिंदु अगवानु पंमाणी जे कतल महलि, जहि खे सिंध ऐसेलमबली खां निकरिंदे ई कत्ल कयो वयो हो। अंग्रेजनि जे पिछाडीअ जे डि॒हनि में सिंधी हिंदु अगवानि जे सियासी नादानीअ जो किमत आम हिंदु पई चुकाई जेका रिवायति आजु॒ ताई सांदह पई वरजाई वञे।

जेका गलति सिंधी हिदुनि कयादत सिंध में कई तनि जो नुकसानि रिवाजी सिंधीयूंनि पहिंजी मातृभूईं खे कुर्बान करे बर्पाई कई। मूल्क वयो, लड॒पण थी, हिक सुबे में रहिदड कणो कणो थी पूरे हिंदुस्तान तोडे दुनिया भर में टरि पिखरजी वया, साण साण हिंदु सिंधीयूंनि जो सियासी जोर हमेशाहि लाई निबरी वयो सो धार ढचो। जड॒हि तह हिंदी-उर्दू-गुजराती गा॒ल्हिईंदडनि लाई लडवण 1954 में ई हमेशाहि लाई निबरी वई सिंधीयूंनि लाई अजु॒ ताई पहिजे पुरो रुतबे सां पई हले।

अजु॒ मूल सवालु इहो आहे तह आखिर छो हिंद जी सिंधी कयादत अहिडे मसले थे खामोश आहे। हिंदु छो पया लडनि.केडहि हातल सबब पया लडिनि, केरु थो खेनि लडण लाई मजबूर करे इहे सवाल हिअर कहिं खां भी गु॒झा नाहिनि रहया। अजु॒ सिंध में अकलितयनि जो हाल सजी॒ दुनिया जे आडो॒ आहे पर असां जी कयादत ई कजहि अहिडी खामोशी अक्तयार कई आहे जे असां खां पहिजनि ते थिंदड जूलमअ ते भी वाका करण नथा पुजि॒नि। हिंदुस्तान जे सिंधीयूंनि जो इहो रदेअमल सिंधी हिंदु कयादत जो हिउ निहायत डुखाईंदड बाबु रहयो आहे।

हिंदुस्तान में सिंधीयूंनि जा ब॒ह कदेवार अगवानअ जेके इअं त् पाण खे सिंध जा॒वलि करार डे॒अण में कड॒हि भी को हिजाबु कोन कयो आहे पर सिंध में रहजी वयलि हिंदुनि जे सुरनि ते वाईडो कंदड खामोशी अख्तयार कई। सिंध में हिंदु छोकरिन ते थिंदड लिंग-कंडा॒इंदड वारदातुनि समाजवादी पाईटी ऐं बी जे डी ताई खे संसद में वाका करण लाई मजबूर कया पर जेकरि के माठ रहया तह हिंद जा सिर्स ते वेठलि हिंदु सिंधी अगवान। न आडवाणी लफजु उकारियो ऐं जेठमलाणी जो की राजसथान मां राज्य सभा पारां चूडिजण जे बावजूद (जिते अजु॒ जी तारिख में 4 लख सिंध लड॒यलि हिंदु रहिनि था) का भी हलचल जो अंदेशो ताई किन डि॒ञो।

पिछाडीअ जे 65 सालनि में भी जेकरि सिंध में रहजी वयलि हिंदुनि जो वाउ साउ लहजे तह इहा हकिकत चिटी रित साबित पई थिये तह हिंदुनि जो सायदि ई को तब्को रहयो आहे जेको पाकिस्तान में इसलाम जे नाउ ते कयलि जूलमनि जी मार न् झेली हूजे। आम सिंधी मूसलमानि इअं 1947 खां अगु॒ वारी सिंध लाई जजबाती त् थिऐ थो पर पहिजे निजी फाईदे लाई मठजी वललि हालूतनि जो फाइदो भी हथ करण खां बी कबा॒ऐ नथो। वरि जेके जूलम नथा भी कनि से पहिंजे बचाउ में मिंहू –साईं इहो सब असां सा पई थिऐ थो जे साऐ हेटि पहिजो पचाउ जी वाठि नेठि गो॒ल्हे था लहनि। अंदरुनी सिंध में हिंदु ते जूलम जो डोहारी सिंधी मुसलमान रहया आहिनि जिनि खे पूरो फाईदो हूकूमती इरादनि डि॒ञो आहे। जिते किते भी हिंदुनि जू नयणयूं अग॒वा थियूं आहिनि, मलकतयूं हडपयू वयूं आहिनि, हिंदु मंदिरअ ढाहा वया आहिनि,  हिदु नियाणियूं खे इसलमा कबूल कराअण जो मिहू करे विकयो वयो आहे, इन हर वारदात में सिंधी मूसलमान खे भरपूर साथु अण सिंधी मूसलमान तोडे हूकूमती इरादनि ऐं सिंध जे  पीर- मिर-जागिर्दारनि जी कि हिक जेतरि भागेदारी तहत साथु डि॒ञो आहे।

सिंध में हिंदुनि लाई के घणयूं वाटयूं किन रहयूं आहिनि। सिंध में अगवानि में भी जिनि खां पहिंजे माण्डनि जा डुख नह सठा वया तनि ऐतजाज कयो पर नेठि मूल्क मां लिकी, रात जे उंधारे में खेनि लडणो पिणि पयो। इंहिनि मां व् नाला हवा श्री राम सिंह सोडा ऐं राम सिंह सोढा। दिलचसप गा॒ल्हि त् इहा आहे जे इहे अग॒वान नह रूगो॒ लड॒ण महलि ऐसेलमबली तोडे वजिरात जा मेमबर हवा पर थर परकार जा हवा जिते चयो थो वञे तह वध में वध हिंदु था वसिनि। जड॒हि चूंडयलि अवामी नुमाईंदनि जी ऐडही हालत हूंदी तह आम हिंदुनि जी केतरि हलिंदी पूजदी इन जो अंदाजो बखूबी लगाऐ थो सघजे।

सिंध में हिंदु हिक अहिडी रियासत में फाथल आहिनि जिते साणसि हिक इंसासन ताई करे कोन लेख्यो वेंदो आहे। हूकूमत भले पाकिस्तानि पिपिल्स पार्टी जी हूजे या बे॒ कहि जी, हर सघेरे भोतार तोडे वडे॒रे खे खबरि आहे तह हिंदुनि लाई मर्दु माणहू थी बिहण जी कोई हिमथ शायदि को हिंदु मेडे सघिंदो। वरि हिक खामोश हिदुस्तान तोडे हिंदुस्तानी सिंधी समाज इन रियासती इरादनि जो हौसलो वधायो आहे। सिंध में बचयलि हिंदु नेठि जेकरि वोट डे॒ त् कहिंखे डे॒नि…। ब॒यो त् ठहयो पर हिअर त् कोमीप्रसतनि लाई पिणि मञयो थो वञे तह हो भी पया हिंदुनि खां भतो उघारिनि। मतलब हिंदुनि सां थिदड जूलमनि में कोई पोईते नथो रहण चाहे।

पाकिस्तनि जा 95 सेकिडो हिंदु सिंध यानी सिंधी आहिनि सो हिंदुनि खे इहा आस हूदी  हूई तह ब॒यो कोई न त् सिंध में संदुनि सुर पाकिस्तानि पिपिलस पार्टी हिक सिंधी पार्टी हूअण सबब जरूर कहिं रित संजिदगी डे॒खारिंदी पर हिअर सा भी उमेदि नाहे रही। पिछाडीअ जे पंजनि सालनि में हर वडी॒ नंढी वारदात जहि में हिंदु सताया वया आहिनि भले इहो चक में हिंदु डाकटरनि जो कतल हूजे या रिंकल कुमारी या बे॒ कहि हिंदु नयाणी जो अग॒वा के स हूजे पाकिस्तान पिपिल्स पार्टी जा अग॒वान मलूस रहया आहिनि। इहो सब इन जे बावजूद जे सिंधी हिंदु पहिजो हर हिक वोट प प प खे डे॒ थो। बाकि सिंध बचाओ कमिटि (सिंधी मूसलिम कोमिप्रसतनि जी जमायत) वारनि लाई त् चवण मूशकिल आहे चूंडियनि बैदि केर किथे हूंदो, इन हालति में हिंदु जे लाई चूंड जे डि॒हि या तह घऱनि में वेही रहणो आहे या न् तह बि॒हर प प प खे इन उमेदि सां वेट डे॒अणो आहे तह हो हिंदुन ते रहम खाई साणसि हिंक इंसान जेडहो वहिंवार कदी।

हिंदुस्तान जी सिंधी कयादत पहिंरिं नजर में जेतोणेकि सिंध जेडहि वेवसि न बी महसूस थिऐ पर इन में को भी शकु नाहे त हिंदुस्तान जा सिंधी हिक पार्टी जे जा॒र में मख्मल तोर फासी चुका आहिनि। हिंदु सिंधीयूंनि जो भाजप या हिंदु हिमायती पार्टीयूंनि डा॒हि झुकाउ सिंध में ई साफ नजर इंदो हो जड॒हि कांग्रेस हिक पासे सिंधी हिंदुनि खे मायूस कयो तह बे॒ पासि आर ऐस ऐस तोडे हिंदु महासभा हर मदद लाई त्यार हूंदी हूई। बदकिसमतीअ सां सिंधी कयादत हालितुनि सही रित समझण में कासिर रही ऐं विकहांङे बैदि इंदड माहोल खे समझी किन सघी, जहिंजो नतिजो इहो निकतो तह जड॒हिं हिंदुस्दतानि मां मूसलमानि काहि आया हिंदुनि खे पहिंजा जान बचाअण खां सवाई ब॒यो को चारो रहयो ई कोन्हि। हिंदुनि अग॒वानि जिनि जे आसिरे सिंध में जे विरहांङे की गा॒ल्हि ते माठ रहया से मिडई साईं हिंदुनि सां वडो॒ जूलम थियो नाहकु थियो वारे नारनि ताईं पाण खे महदूद रखो। अजु॒ भी जड॒हि सिंध जा शहर संदुनि हथनि मां खिसकी चुका आहिनि हो धारयनि जो सामनो करण लाई असुलि ई तयार नाहिनि, जड॒हि तह हिंदुनि जी लड॒पण अजु॒ भी पहिजे पूरे शबाब में पई हले।

रिवाजी सिंधी भले सिंध खसिजण जे मातम में अजु॒ बी बु॒ड॒यलि हूजिनि पर हिंदुस्तानि जी सिंधी कयादत 1947 वारी हिंदु कयादत जे नक्शे कदम ते हलिंदे 1947 में कयलि सियासी आपघाती कवायति खे वरजाअण में ई पूरी रही आहे। इहो ई सबब हो त जड॒हि 1971 वारे हिंद पाक जी लडाई में ज॒ड॒हि लग॒ भग पूरो थर परकार हिंदुस्तान जे हथनि में अची चुको हो हिंदुस्तान जी सिंधी कयाद तोडे सिंधी सियासी अगवान थर ते सिंधी हिंदुनि जी दावेदारी पेश करण जी सघ ताई किन मेडे सघया, इन लाई जाख़डो त परे जी गा॒ल्हि थी।

पिछाडीअ जे 70 सालनि खां अजु॒ ताई सिंधी कयादत हिंअर पिणि उते फातल आहे जिते अंग्रेजन जे डि॒हनि में हई। न पार्टीयूंनि जो वहिंवारु मठयो आहे न ई सिंधीयूंनि जो पहिजो किरदार मठण जी का चाहि ई डे॒खारी आहे । पहिंजो कोम खां अगु॒ पहिजे निजी फाईदे जी पचर अजु॒ भी संदुनि ते हावी रही आहे जेतरी सिंध में रहिंदे हूदी हूई। इहो हिक वडो॒ सबब आहे जे असीं हर चूंडनि महल सियासी पार्टीयूंनि खे मिंथा कंदे रहजी वेंदा आहियूं तह रहम करे हिक अध तकयूं सिंधीयूंनि खे डे॒। असी कड॒हि पाटियूंनि ते जोर विधो ई कोनहि वरि असां जो पार्टियूंनि डा॒हि वहिवार ऐतिरो तह रिवाजी थी पयो आहे जे को तमाम घणी सहूलाईअ सां सिंधी वोटनि जी आसानी  सां अग॒कथी करे सघबी आहे। फर्कु रूगो॒ ऐतिरो ई रहयो आहे जे कांग्रेसी जी जाई ते हिअर भाजप बिठी आहे।

राम जन्म भूमि वारो मसले ते भी असी पहिंजे कदेवार अगवान जी पुठिभराई में इअं त का भी कसर कोन छडी॒ पर मोट में थिंदड सिंध में हिंदुनि सां थिअल कहरनि खां बेखबरि रहयासिं। सवनि हिंदु मंदिरनि खे ढाहो वयो, हिंदु घर साडया या वरि हिंदु नयाणयूंनि खे अगवा कयो वयो। बलूचिस्तान में तह जिंदा माणहूनि खे साडयो ताई वयो। सिंधी कयादत हिक बर्फ सां जमयलि हिक गलेशिअर वाङुर ई रही, इन जे बावजूद जे तहि महल जे कदेवार बी जे पी अगवान श्री अटल बीहारी वाजपेई इन कहनि बाबत डुख ऐं अफसोस जाहिर कयो, पर असां जी सिंधी कयादत उते भी असां खे धोको डि॒ञो। सिंध जे हिंदुनि सां असांजी उहा इ वाठि आहे जेका बंगाल ऐं बंगलादेश जे हिंदु बंगालिनि जी या वरी हिंदुस्तानि ऐं श्री लंका में रहिंदड तमिल कोम जी। पर जड॒हि तह बंगाली ऐं तमिलअ पहिंजे रत लाई हाई गोडा कनि असी पहिंजनि लाई बेखबर रहूं।

सिंधी हिंदु कयादत खे जेकरि पहिजे ऐं कोम जो वजूद सोघो करणो आहे तोडे पहिजा हक हासिल करणा आहिनि तह खानि वोट बैंक जी सियासत मूयूनिसिपल तकयूंनि तां लोक सभा जे तकयूं समझणी वपंदी। साणु साण इन मटयलि कयादत जे जोर ते फहिजा ऐजेंडा भी रखणा पवंदा। बदकिसमतीअ सां सिंधीयूंनि जे जहनि में इहो वेठलि आहे तह खेनि भापज इन रित इजत डि॒दी जहि रित खेनि हिंदु महासभा सिंध में रहिदे डिं॒दी हूई।

हिंदुस्तान में सिंधी कयादत खे वकत सा मठणो पवंदो, साणु साणु सिंधी हिंदुनि खे ..रूगो॒ लोहाणा (वाणिया) ई सिंधी लेखबा वारी कवायत मां निकरी हर सिंधी लडयलि हिंदु खे इपनाअणो पवदो, ढाटी तोडे कच्छी लहजो गा॒ल्हिइंदड भील, मेघवार, सोढा राजपूजनि या ब॒यनि जातियूंनि खे सिंधी मसाज हो हिस्सो मञणो पवंदो। हो भी असां वंहुरि सिंधी मूसलमानि जा सतायलि आहिनि जेडहा असां अहियूं । हूनिनि भी सागी॒ लड॒पण कई आहे जिअं असां जे वड॒नि कई। ऐं वडी॒ गा॒ल्हि त असां हजारनि सालनि ताई हिंकु धी रहया अहियूं सिंध में।

सिंध जा हिंदु जेकरि कहिं डा॒हि आलयूं अखयूंनि खणि इन मूशकिल हालतुनि में डि॒सिनि था पया तह उहो आहे हिंदुस्तान में वसयलि हिंदु सिंधीयूंनि डा॒हि। इतहास अजु॒ वरि सिंधीयूंनि खे उन मोड ते वेहारो आहे जिते असीं 1947 में हवासीं। सिंधी कयादत खे संजिदगी डे॒खारिंदे पाण ते लगल मेरा दाग उघणा वहदां या न तह हिक मतलब-प्रत, समाज जो लिगाब पाअणलाई तयार रहणो वपंदो।

 

 

लद॒पण, सियासत ऐं सिंधी हिंदु कोम

लद॒पण, सियासत ऐं सिंधी हिंदु कोम

इत्हास ऐं उन ते दारूम्दार रखिंदड कोमिप्रसती सिंधूनि (हिंदु बरादरीअ) ते कद॒हि को घरडो असर कोन छद॒यो, ना ही सिंधीयूंनि को इत्हास खे याद करण या उन मां सिख वठण जी का जरुरत ई महसूस कई आहे। पहिंजी विञायलि विरासत खां परे थियलि सिंधी बिरादरी पिछाडीअ जे 1300 सालनि में रूगो॒ पहिंजे पाण खे जिंदो रखण ही हिक वदी॒ किरामत पई समझी आहे। इहो ई सबब आहे जे माहाराजा दा॒हिसेन बैदि असीं ऐडही का भी सियासी शख्शियत तोडे सोच कोन पैदा करे सघयासीं जेका सिंधी हिंदु बिरादरीअ खे कही हद ताई पहिंजी विञायलि विरासत खे बि॒हर हासिल करण लाई जाखडे लाई तयार करा सघे।

अंग्रेजन जे सिंध फतहि खां अग॒ हिंदु सिंधीयूंनि जी हालत बाबत सिंधी  लेखक लाल सिंह हजारीसिंह अज॒वाणीअ लिखे थो तह जेतोणेक अंग्रेजन जी हकूमत पिणि हिक परदे॒हि अण सिंधी हकूमत हई पर उहा हकुमत हिंदु सिंधीयूंनि लाई बे-ढप जिंदगी गा॒रण जी राह खोली । जेतोणेक अंग्रेजअ पिणि परदे॒ही हवा पर हिंदुनि खे हजारल सालनि बैदि मूसलमानि हूकूमरानन जे  जुलमनि खां निजाद मिलि। (हवालो द हिस्टरी आफ सिंधी लिटरचर, साहित्य अकादमी नई दिल्ली)। इहे हकिकतूं इन गा॒ल्हि जी शाहिद आहिनि तह महाराजा दा॒हिर सेन बैदि ऐं अग्रेजनि जे सिंध अचण ताई सिंध जी हिंदु बरकादरी हमेशाहि पहिंजो वजूद खे सोघो करण में ई पूरी रही।

बदकिसमतीअ सां पहिजे विरासत खां भिटकयलि सिंधी कोम अंग्रेजनि जे दि॒हिनि में समाजिक तोडे सियासी रित उभरी तह अचण में कामयाब थी- पर ऐडही हालतुनि जे मार्फत पहिजे वजूद खे सोघो करण बजाई खवाह ऐडही का भी सियासी सुजाग॒ता कोन पुख्ति रित अवाम अगयां अणे किन सघी जहिं सबब पहिंजो वजूद ऐं इंदड टेहीअ लाई सिंधी थी हूअण जी राहि कहि कदुर सहूली थी सघे।

विरहांङे महल सिंध में हिंदु  सिंधी बिरादरी, सिंध जे मूल आबादीअ जी 35 सेकिडो हई, इहा भी पहिंजे पाण में हरु भरु का नंढी आबादी नाहे। साणु साणु इअं भी मूमकिनि नाहे तह अंग्रेजनि हिंदुनि खां संदुनि मस्तकबिल (भविष्य) बाबति रायो किद॒हिं जा॒णण की कोशिश ही नह कई हूजे। इहो किअं मूमकिन आहे तह जेका विरादरी सिंध में ऐतरी कदर उभरू आई आहे, नोकरशाही, तालिम तोडे धंधे में जहिंजो ऐतिरो रुतबो हो तन खे नजरअंदाज करे अंग्रेज रूगो॒ सिंध ऐसेलंबली में घणाई में रहिंदड सिंधी मूसमानि खे ई रूगो॒ ऐहमियत दि॒ञी हूजे।

इत्हास गवाह आहे तह इहा बिलकुल पक हूई तह हिंदुस्तानि जे मूसलमानि पारां लद॒पण थिंदी। लद॒पण जा गा॒ल्हि नह रूगो॒ मौलाना अबू कलाम आजाद सरेआम कंदो हो पर केरु थे विसारे सघे पीर महमद राशदी ऐं जी ऐम सईद खे जनि खे हिदुनि जो उबरी अचण अची ऐतिरो सतायो हो जे बिहारी ज॒टनि आगा॒या पहिंजा मूल्क हूंदे, पहिंजो हथनि में हूकूमत हूंदे पहिजा गो॒दा॒ टेकया ज॒णु हिंदुनि संदुसि उथण वेहण हराम कयो हूंजे। हाणे सवालु इहो आहे तह छा इहो सभ काफि किन हो इहो समझण लाई तह हिंदुनि जी सिंध में हालत सागी॒ कोन रहिंदी !!!

सवालु इहो भी थो अचे तह केडही सोच तहत ईहो ममझयो वयो हो जे सिंध दा॒हिं हिंदुस्तान मां मूसलमान जी लद॒प नह थिंदी। जेकरि लद॒पण नह भी थिऐ तह छा सिंध जा मूसललिम लिगी अगवान जनि पहिंजो सियासत रूगो॒ हिंदुनि जी मलकतयूं फबा॒अण जे हिर्स नसबत कई से हूकूमत में अचण बैदि माठि करे वेहिंदा। छा साणसि विसरी वयो हो तह किअं सिंध जो बंबई प्रेसिडेंसी मां धार थिअण या वरि मसजिद संजीलगाह वारा मसला रातो रात सिंध जा मसलना खा वदा॒ हिंदु मूसलिम जा मसला करे पेश करण में कामयाब थीया हवा। तह किअं हर मसले ते सिंध जा मूसलिम लिगी॒ अल्हा बख्श सा वेरु पातो हो ऐं नेठि तंदुसि खे शहिद करे ई माठ थिया। अल्हां बख्श सूमरो तोडे भगत कुंवर जूंदतु उन वक्त जूं वद॒यूं ऐतहासित वारदातूं हयूं जहि खे असी सही रित समझण में कोन सघयासिं। इन जे तह ताई कोन पुजी॒ सघयोसिं।

अल्हां बख्श जी हूकूमत जेका हिंदु मेंबरन की मदद सा ढही। जी ऐम सईद, पिर मूहूमद राशदी, आब्दुल माजीद सिंधी, अयूब खूरो तह अग॒वाटि ई अल्हां बख्श के कद हवा पर छा इहो नाहे तह सिंध जे तहि महल हिंदु मेमबरनि अल्हा बख्श जी हूकूमत ढाहे इनहिन सिंध दुशमनि जा हथ सोघा कया ? छा असी सिंध पिछाडीअ जे 80 सालनि में कद॒हि इनहि सियीसी गलतियूंनि खां सिख वठण जी कोशिस कई आहे ? इहो सबब हो तह जद॒हि हिक पासे सिंधी मूसमानि हिदुस्तानि मां लदे॒ इंदड मूसलमानि खे वसाअण में पूरा हवा बे॒ पासे हिंदु सिंधी पहिजे ई मूल्क में परदे॒हि थी पया !!! सिंधअ मां लदे॒ आयलि हिंदुनि लाई जाखडो कंदड श्री हिंदु सिंह सोढा जो चवण आहे –साईं जेकरि जेरामदास दौलरराम जा वारिसअ लद॒नि हा तह भी समझी सघबो हो पर हो पर हो तह पाण ई लद॒पण कई। जद॒हि पाण ई लद॒णो सोसि तो हून केडही सोच तहत ईहो रायो दि॒ञो हो तह सिंधी हिंदी विरहांङे बैदि सिंध में ई रहा सघींदा !!!!!

गा॒ल्हि रूगो सिंधी सियासतदानि जी ई नाहे। पिछाडीअ जे 65 सालनि में जेकरि कहि जो सिंध सां सांधई वाटि रही आहे सो आहिनि सिंधी साहित्य जी लेखक बिरादरी। ऐडही गा॒ल्हि नाहे तह हिंद जे सिंधीयूंनि लेखकनि खे सिंध में हिंदुनि ते थिदड जूलमनि बाबति खबर नह हूदी पर इन जे बावजूद संदुनि के लिखणी तोडे वातोऊ कद॒हि भी हिदुनि ते थिदड जूलमनि बाबति शायदि ही को लफजु उकिरो।

मां जद॒हिं ईंडयनि इंस्टियूट आफ़ सिंधोलाजीअ जे डाईरेक्टर श्री लखमी खलाणीअ सां सिंध में हिंदुनि ते थिदड जूलमनि जो जिक्रु कयो तह संदुनि पिणि चवण हो तह असी सिंध मां निकरी आयासी इहा भी का नंढि गा॒ल्हि नाहे। जेकरि असी पिणि तहि महल सिंधी मूसलमानी के कुडी दिलजाई ते वेसाउ कयूं हा तह सायदि रतु जा गो॒डहा असां खे भी वहायणा पवनि हा। इहो नह नह हूनि अग॒ते चया आऊं सिंध जे शिकारपूर शहर में ऐडहनि सिंधी वाणियनि सा भी ग॒द॒यो होसि जेके लद॒ण लाई मांदा पई नजर आया। संदुनि चवण हो तह जेकरि पहिजी मलकतयूं को अधके अध में भी को जेकरि जो वणजण ताई त्यार होजे तह भी विकणे लदे॒ हिंदुस्तानि सुख जो साहू वठऊं। बदकिसमतीअ तह इहा इ रही आहे जे ऐडहयूंनि हकिकतुनि जो कद॒हि भी जिक्रु करण वाजिबु किन समझयो आहे ।

जिन विरहांङे बैदि सिंध में रही सठो सो भी खुली तोर लिखण खां पासिरा ई थिंदा रहया आहिनि। सिंधी कवि हरी दरयाणी दिलगीर जो कि 1965 में सिंध मा लदे॒ गांधीधाम वसो। पहिंजी आत्म कहाणी में संदुनि रूगो॒ इशारा दि॒ञा हवा तह किअ सिंधी में विर्हांङे बैदि माहोल जो फाईदो सिंधी मूसलमान पई वठण शुरु कयो। हून पाण भी लिखो आहे तह विरहांङे बैदि उमालक हिंदुनि पाण खे हिक म़टयलि सामाजिक माहोल में पातो जहिंजो फाईदो हर तब्के जे सिंधी मूसलमानि कहि नह कहि सतहि ते पई परतो।

हिंदुस्तानि जे सिंधी लेखकनि इंअ तह लद॒पण या 1947 ताई हिंदु मूसलिम माहोल बाबत तह जाम पई लखो पर जेसिताई 1954 बैदि थियलि लद॒पण ऐं सिंध में सिंधी समाज जी गा॒ल्हि कजे तह हूनिनि माठ रहि रूगो॒ सेकूलरिजम जी कूडी माला ई जपण में पहिंजी भलाई समझी आहे। इहो ई नह पर अजु॒ भी जद॒हि सिंध जे हिंदुनि पारां या वरि किन सिंधी कोमिप्रसतनि पारां पूरे सिंध में लद॒पण जे विरोध में ऐतजाज पया थेनि, दे॒ह – परदे॒हि जी अखबारुनि में सांधई अहवाल पया शाई थेनि शायदि ई कहिं सिंधी लेखकनि तोडे लेखिकाऊ सिंध में बचयलि हिंदुनि के सुरनि बाबत कजह लिखण जी जरुरत महसूस कई आहे!!!

सिंध में खासि करे मूसलमानि में लद॒पण जे नसबत सभिनि खे पहिंजा पहिंजा राया आहिनि। को चवे तह साईं हिंदु द॒कणा थिंदा आहिनि सो था बदमाशनि जे जूलमनि खां था पया लद॒नि, के वरि चवनि तह साई हिंदुनि खे अण सिंधीयूंनि में सङु करणो हूंदो आहे सो पया सिंध मां लद॒नि ऐं किनि खे तह हिंदुनि जा सुरअ ब॒धी उमालक पहिजा सुर यादि था यादि अचनि मसलनि हिंदु जेकरि लदिं॒दा तह सिंधी पहिंजे ई सुबे में थोडाई वारा साबित थिंदा, मार्कट में सिंधीयूंनि जो जोर घटिबो (वाणियनि जे लद॒ण सा), के वरि चवनि तह सिंधी हिंदु किअं धर्ती माउ सिंध खां परे थी था सघनि वगीराह वगिराह। वरि वदे॒रनि तोडे भोतारनि जा धार सुर ऐडहा निधीकणा मजूर किथु मिलिनि जनि ते जिअं वणेनि तिऐं जूल्म कनि।

सिंध मां लदे॒ आयलि सिंधी भिल सुख राम (नालो मठयलि) जहि सा आऊ जोधपूर में गद॒यूसि मूखे चयो तह किअं हूं छो ऐं किंह सबब हून सिंध मां लद॒ण जो फैसले कयो। हून चवण शुरु करण तह अदा, अदा सिंध में हिंदु थी रहण हिकु वदो॒ जूल्म आहे। धार्मिक आजादी नाले जी का भी शई नीहे। गीता जो पाठ छा पढउं तऊं अची मथे थे अची विहिनि- चवनि छदो॒ हे रनअ जो पाठ। नियाणियूंनि जे अग॒वा थिअण जो खौफ सबब, असी तह नियाणयूंनि खे पढअण खां आगे॒ ई तोभां कई आहे। वरि पुटनि खे जेकरि कहि नमूने स्कुलनि में जेकरि दाखिलो मिली भी थो वञे तह खेनि पढाअण पर परे असांजे ओलादुनि खां स्कूल जा काकुस पया साफ कराईंदा आहिनि। गो॒ठ जे वदे॒रे जे खेतनि में कुम भी कयूं तह बि॒णो कम तह वठे पर मजूरी दे॒अण महलि उभतो हिसाऐ, मारा दे॒नि या कतल भी कनि।

हून अगते चयो साईं जेसिताईं हिंदु जिंदाहि रहिनि तेसिताईं सिंध में  मूसलमानि वेरु तह पाईनि पर मोऐ बैदि भी जिंदु किन था छदी॒नि।  मोऐ खां पोई  शमशान ते अग्नी भी नसिब नथी थिऐ। लाश खे सारण तह परे असां खे तह पहिजे मोअलनि खे तह दफनाअण भी किन दे॒नि। मूअल लाश खे गंगा जल सा स्नान भी कोन कराऐ सघऊं। मां पहिजे पिणसि जी लाश खे दर दर खणि भिठकयो आहियां। को दफनाअण जी भी मोकल नह दे॒। नेठि पहिजे पिणस जो बा॒रहो भी कोन कयूंमि, लद॒ण जी तह अग॒वाटि पक हूई सो विना बा॒रहें कऐ हलयो आयूसि।

मूसलमान गो॒ठ में वरि दफनाअल लाश ते टेकचर हलाईनि। ब॒यो तह ठयो पर हिक 9 सालनि के नेंगरीअ की लाश मिठीअ मां कदी॒ बा॒हर फिटो कई। इहे वाक्या सिंध जे गो॒ठ गोठ में पया थेनि। असीं जेकर नह लद॒उ तह नेठि छा कयूं ???. गा॒ल्हि रगो॒ असी भीलनि जी नाहे ऐडहा जुल्म घठ मथे हर हिंदुअ सा पया थेनि।

 

सुख राम (नाले मटयलि) जेकरि सेकिडो सचु किन थो गा॒ल्हिऐ तह अगो॒पोई कूड भी कोन पई गा॒ल्हियो। रिंकल कुमारीअ जो अग॒वा थिअण तह सिंधु साणु पूरी दुनिया पई दि॒ठो तह किअं पहिजी नयाणी जे रिहाई जी लडाई लणिंदड रिकल कुमारीअ जा माईट हिकु हिंदु करे सिंध वादाईंनि पया। सिंध मां शाई थिंदड अवामी आवाज सां गा॒ल्हाईंदे रिंकल कुमारीअ जे घर वारनि चयो तह खेनि घर में कम कंदड मेंघवार जाईफुनि खां चवायो वयो तह माठि करे घर में मानी खाओ या सरे आम सोटी खाओ . रिकल जा घर हेकला नाहिनि। अञा महिने अग॒ हिंदुनि जे हिमायति में अवाज उथारिंदड वजील मल मारवाडीअ खे अग॒वा करे कतल कयो वयो। अग॒वा, लूटमार, नयाणियूंनि जो जबरनि ईसलाम कबूल कराअण, भतो वसूलण ऐ जेकरि जो विरोध करे तह कतल करे रखण आम गा॒ल्हि थी पई आहे। बलूचिस्तान जे मसतूंग शहर मां लदे॒ आयलि हिकडे हिंदु हिंदुस्तदान जे हिक अख्बार साणु गा॒ल्हईदे चयो तह सिंध तोडे बलूचिस्तान में हिंदु रहिनि जरूर था पर रहण जेडहयूं हालतु नाहिनि ।

सिंध में कहि भी हिंदु लाई हिंदु थी रहण को सहूलो कम नाहे। जेकरि अव्हां कहि भी हिंदुअ खां संदुनि दीन धर्म बाबत पुछिंदा तह अव्हां खे जवाबु मिलिंदो –आउं अण-मूलसमानि आहियां, हू पहिंजी हिंदु  हूअण जी सुञाणप तद॒हि दिं॒दो जद॒हि अव्हा खेसि पंच – छह भेडा किन  पूछीदा या हू कहि सबब मजबूर किन थिंदो। हिंदुनि खे हिसाअण सिंध में आम गा॒ल्हि आहे। सिंध में हिंदु चवनि तह असी हिंअर सोन जा आना दिं॒दड मूर्गी करे लेखया वेंदा आहियूं। सिंध जा हिंदु नूमाईंदा जेडहा आहिनि तेडहा नाहिनि। अजु॒ भी जद॒हिं सिंध में 1947 जेडहयूं हालतु आहिनि तद॒हि हूनिनि मां शायदि ई कहिं पाकिस्तान पिपिलस पार्टी छद॒ण लाई त्यार आहे इहो जा॒णिंदे भी की हिंदुनि ते थिंदड जूलसमनि में वदे॒ में वदो॒ हथ पाकिस्तान पिपिल्स पार्टी जो रहयो आहे – उहो भले ई रिंकल, आशा या लता जो हूजे या वरि चक, पूञेआकिल में हिंदु जो कतल हूजे। अजु॒ जद॒हिं सिंध में चूंडयूं मथे ते आहिनि तह खेनि पहिंजा हिंदु भाऊर पया याद अचिनि। हे इहे ई अग॒वान आहिनि जेके पहिंजे औलाद खे तह हिंदुस्तानि लदा॒ऐ छदनि बाकि आम हिंदुनि खे वेठा सिंध धर्ती नह वांदाअण जो पाठ पढाईनि।

सिंध में हिक जबरदस्त कोशिश रही आहे कहि नह कहि नमूने इहा लद॒पण खे रोकिजे, हिंदुनि खे लद॒ण नह दि॒जे ऐं हिंअर तह पाकिस्तान हकूमत पारां भी विजा हूंदे भी हिंदु खे हिदुस्तानि लद॒ण खां रोकयो पयो वञे, संदुनि हिंदुस्तान वञण जूं टिकेटां रद पयूं कयूं वञिनि। सिंध मां भले कहि भी तब्के जो हिंदु छोन नह हूजे हू लद॒पण हमेशाहि ई लिकी गुझायप में थो करे। सिंधु जी गादी कराची मां लदे॒ आयलि ऐं अहमदाबाद में वसेयलि हिक डाक़टरअ साणसि जद॒हि आऊ गद॒यूंसि तह हून साई पिणि सागी॒ गा॒ल्हि दहूराई तह साई असी तह पहिंजे मिटनि माईटनि ताई खे कोन द॒सयूं पहिजे लद॒ण जा गा॒ल्हि। संदुसि जोणसि पिणि पई चयो तह अदा, मां तह पहिजे पेके घर खे भी कोन बु॒धायो असी लदे॒ था वञउ जिऐं ओसे पासे कहिखे भी इन गा॒ल्हि जो छिड्रु ताईं नह पवे!!!!

ऐडही गा॒ल्हि नाहे तह लदीं॒दड हिंदुनि खे हिंदुस्तानि खे इंदे ई सुख था मिलिनि। हित नागरिकता जा वदा॒ मसला आहिनि। हिंदुस्तान में खेनि 12 साल ताई थो रहणो पवे ऐं इन बैद् भी नागरिकता कोन थी मिले। मसलो उनहिनि लाई वदो॒ आहे जनि खे नोकरी थी पई करणी पये, आम तोर सां पाकिस्तानी हूअण सबब को नोकरयूं नथो दे॒, नाई ई वरी सहूलियति सां मसवाड जी जाई थी मिले, हिक शहर खां बे॒ शहर में वञण खां अगवाटि हूकूमत खां मोकल थी पई गुरणी पऐ, जेकर कहिजो मिट माईटू बीमार भी हूजे थो तह जेसिताई धारे शहर में वञण जी मेकलि मिले तेसिताई तह बीमार माण्हू हिन फानी दुनिया मां मोकलाऐ थो वञे। मिटी माईटी में भी तकलिफयूं पयूं थेने सो धार, पहिंजे चाहि मोजीबु शहरनि में वसी कोन था सघनि, बारनि जी स्कुलनि में दाखिले में पई दिकत थिऐ या वरि गरिब तब्के मसलनि भील, मेघवार लाई हाथियूं वदी चटी इहा तह खेनि दलित हूअण जे वावजूद नागरीकता नह हूअण सबब का भी सरकारी मदद नथी मिले।

अजु॒ सिंध में 1947 वारयूं हालतु आहिनि या खणी चईजे तह 47 खां भी बदतर आहिनि तह वधाउ कोन थिंदो। विरहांङे वकत तह रूगो॒ शहरनि में पई गोड थियो पर हिंअर तह लग॒ भग॒ हर कुड कुर्च मां  सिंध में हिंदु लद॒ण लाईं मादां आहिनि। इहे केडहा सबब आहिनि जे सिंध मां लदे॒ आयलि हिंदुनि मोटी मञण जे नाले ते खौफ में था सिकूडजी वञिनि, पहिंजा पास्पोर्ट ताई पया साडिनि। सिंध मोटण जे बीदरा हू जेलनि में रहण ताई लाई कबूलिनि।।। गुजरात जे शहर अहमेदाबाद में लदे॒ आयलि मां डाकटर, सुठी बैक में सुठी पघार वारा नोजवान पिणि मिलया जेके तमाम घणनि तकलिफून खासि करे नागिरकता जे मसले नसबत तह सहण लाई त्यार आहिनि, मूशकिल माली हालत में रहण तह कबूलिन था पर सिंध मोटण लाई असुलि तयार नाहिनि। हिंकडे लदे॒ आयलि हिंदु सिंधी जो चवण हो तह जेकरि सिंध – राजिस्थान जी सर्हद रूगो॒ कलाकनि लाई भी खोली वई तह भी घट में घट हजारनि जी तादादि में लदिं॒दा !!!!

वाईडो कंदड गा॒ल्हि तह इहा आहे जे लद॒पण में या इन बैदि हिंदुस्तान में जाम तकलिफयूंन जे बावजूद लद॒ण जो चाहि वक्त सां घटण खां बिदरां हमेशाहि वधी आहे। 1971 जी हिंद-पाक लडाई महल 90,000 हिंदु सिंधी लदे॒ आया । तहि महल नह तह जिया हो ऐं नह ई मिया मिठू तह पोई छो इअं थियो ? इहो ई नह पर लद॒ण बैदि हिंदुस्तान हकूमत जे लख कोशिशन जे बावजदू छो हो मोटी सिंध कोन वया ? चवदां आहिनि तह खेनि हिंदुस्तानि मां मोटाअण लाई जेलन में बंद करण ऐं ऐतजाज करण ते गो॒लयूं ताई हलाअण जी धमकयूं दि॒नयूं वयूं पर इन जे बादजूद हो कोन मोटया। हिंदु सिंह सोढा जो चवण आहे जेकरि हिंदुस्तान पाकिस्तान जी सर्हदयूं टिन दि॒हनि लाई भी खोलयूं वयूं तह शायदि हिकु भी हिदु सिंध में कोन बचिंदो। इहो सब इन जे बावजूद जे कराचीअ तोडे बलूचिस्तान मां खोखरापार पूज॒ण में हिकु दिं॒हूं जो पंधु आहे। इअं छो पयो थिऐ, छा लाई पयो थिऐ इअं छो पयो थिअण दि॒ञो वञे … इनही सभ सवालनि नह तह हिंद जा सिंधी अग॒वान ऐं नह ई सिंध जा हिंदु अग॒वान कद॒हि भी संजिदगीअ सां विचार करण जी जरूरत महसूंस कई आहे।

ऐडही गा॒ल्हि नाहे तह हिंदुस्तानि के सिंधी अगवानन जी हिंदुस्तानि जे हूकूमत हलाईंदडनि ताई पुज॒ण जी सघ नाहे पर असीं हिंदु सिंधीयूंनि पहिंजी सिंयासत ई ईन रित तयार कई आहे जे पहिजे बिरादरी लाई कहिंखे मिंथा करण दो॒हू समझिंदा आहियों। हर कहि व़ट पहिंजो पहिजो मिहूं आहे। गा॒ल्हि रूगो॒ हिंदुस्तान जे सिंधीयूंनि जी ई नाहे पर ऐडहो वरजाउ सिंध में हिंदु नुमाईदन जो कहयो आहे वरी जेकरि को मिसकिन माण्हू हूजे तह उन जी वाई बु॒धे केरु।

ऐडही गा॒ल्हि नाहे तह सिंधी ई हेकली बरादरी आहे जहिंजा अवाम परदे॒हि में था वसनि। हिंदुस्तानि में तमिलनि जो हिकु हिस्सो श्रीलंका में रहे थो , हिंदी गा॒ल्हिईंदड जो हिकु तब्को फिजी या मोरिशियस  में थो वसे वरि अजु॒ भी हिंदु बंगालिन को हिकु हिंस्सो अजु॒ भी बंगलादेश में रहे थो पर इन जे बावजूद उनहिनि कोमनि लाई संदुनि परदे॒हि में रहिंदड बीरादरी उपरा (धार्या) नाहिनि। हिंदुस्तान जी संसद में सिंध तोडे पाकिस्तान जो मसलो राज्य सभा तोडे लोक सभा में आयलि आहिनि पर बदकिसमती ऐडही आहे जे नह तह बहस में आदवाणी नाह ही जेटमलाणी कजहि गा॒ल्हिअण जी जरूरत महसूस कई जद॒हि तह हर सिंधी जलसे में खेनि घुराऐ सिंधी पहिजी शान समझींदा आहिनि। इहो ई नह खेनि सिंध में थिंदड जूलमनि बाबत जा॒ण हूअण जे बावजूद कहि खा भी हिकु खतु परदे॒हि तोडे प्रधान मंत्री दा॒हि लिखण कोन पुगो॒।

पाकिस्तान जो 95 लेकिडो हिंदु सिंध तोडे बलूचिस्तान में थो रहे या खणि चईजे तह सिंध अवाम आहे पर इने ऐकड बे॒कड जलसनि खां सवाई हिंदु सिंधी माठ ई रहया आहिनि ज॒णु कदहि कुझ थियो ई नह हूजे। असीं उहे ई सिंधी आहियूं जिन राम मंदिर जे जाखडे महल वदा॒ हिंदु थी विठा हवासि इहो विसारिंदे की बाबरी मसजीद जे ढाचे जे ढहण बैदि लिङ कादा॒ईंदड जूलम हिंदुनि सां सिंध तोडे बलूचिस्तान में थिया। असी तहि महलि भी पाकिस्तानी सिंधीयूंनि ते थिंदड जूलमनि जो समाउ कोन वरतो नह ई उन जो समाउ वठण जी जरुरत ई महसूस कई नह ई अजु॒ पाकिस्तानि में फातलि सिंधी हिंदुनि लाई का वदी॒ आवाज उथारण लाई त्यार आहियूं।

चवंदा आहिनि तह जेकरि कहि कोम खे नासु करणो हूजे तह उन कोम जे इतहास खे ई खतम कजे। सिंध फतहि बैदि अर्बनि सभिनि खां अग॒वाटि सिंध इहो ई कम कयो जहिंखे असीं हिंदु सिंधी पया दहूरायो। हिंदुस्तानि इंदे शर्त ई सिंधी हिंदु अगवान इनही वाट ते ही हलया। खेनि खबर हूई जेकरि हिंदु सिंधी, हिंदुस्तान में पहिजे वजूद खे विरारे जुदा जुदा कोमनि में सिमजी वेंदा तह को भी खेनि सिंध में दहूरायलि पुछिंदो ई कोन। आचार्य क्रिपलाणी तह सरे आम चवंदो हो तह सिंधीयूंनि खे सिंध विसारे जदा जुदा कोमनि में अटे में लूण थी वञणो खपे।  जोधपूर में हिक लोहाणे तह मूखे चई दि॒ञो तह साई असी भील, मेघवार, कोली या वरी सोढनि खे सिंधी करे कोन लेखिंदा आहियो भले हू संदुनि मादरी बो॒ली सिंधी छोन नह हूजे। इहो इन जे बावजूद जे असीं विरहांङे खां अगु॒ हजारनि सालनि खां  साणसि रहयासिं ऐं हिअर छह द॒हाकनि जे अंदर ई असीं खे अण सिंधी करार था द॒ऊं।

असीं रिवाजी सिंधी भले पाण खे केतिरा नह वदा॒ निज॒ हिंदु या हिंदुस्तानी कोठायूं पर पर कहि नह कहि दि॒हूं , कहि नह कहि हंद असा खे हिंतोउ जा मूल वासी जरुर समाल कंदा तह साई जद॒हि अव्हा पहिजनि जा नथा थी सघो तह असांजा किअ लेखिबा…..

इन सवाल लाई हिंदुस्तान में वसयलि हर हिंदु सिंधी खे तयार रहणो खपे।

छो सिंधी हिंदू निंधकणा थिंदा आहिनि


 

26 तारिख नेठि रिंकल कुमारीअ ऐं डा लता खे पाकिस्तान सुपरिम कोर्ट जे मुख्य नयायधिश जसटिस इफतिकार महूमद चौधरी जे अग॒यां पेश कयो वयो। रिंकल जे रिहाई जी लडाईं विडहिंदड संदुसि वेझा माईट, हिंदु पंचायति तोडे सिविल सोसाईटीअ जे करिरुनिं लाई सुपरिम कोर्ट ताई इहो जाखडो कहिं भी रित सहूलो किन हो। सुरुआति जे दि॒हनि में सिंध जी हिंदु पंचायति खां सवाई मस जेडहा अंङरयूं ते गणिदड सिविल सोसाईटी जा मेमबरि ईन ऐतिजाजनि में मिडिबा हवा। पर इन जे वावजूदि रिंकल कुमारिईअ जा मिट माईट कद॒हि बि॒ हिमथ कोन हारी। जहि रित संदुनि ईहा लडाई अग॒ते वधाई आहे इहा भी पहिंजे पाण में हिक मिसाल आहे।

 

सिंध में रहिजी वयलि सिंधीयूंनि में हमेशाहि ई ऐके जी कमि रहि आहे खासि करे 1947 खां पोई जे हालतुनि में। अजु॒ जी तारिख में सिंध जा 80 सेकिडो हेठोउ जातिअ जा आहिनि जद॒हि तह नुमाईंदगी (सिंध तोडे कोमी ऐसम्बली में) रिवाजी सिंधीयूंनि जी ई घणी रहि आहे जहि सबब हिंदु कद॒हि भी हिक पेल्टफार्म में अचण खां कासिर रहया आहिनि। रिंकल कुमारीअ तोडे ब॒यनि सिंधी हिंदु नियाणीअ जी आजादि जे जाखडे जे नसबति भी इहे फर्कअ चिटा पधिरा थिया खासि करे शुरुआति जे दि॒हनि में। सिंध दलितनि में ऐडहि का चाहि कोन दे॒खारि इन जाखडे जे नसबति पर कनि दि॒हनि बैदि नेठि इन ऐतजाजि में इचि मिटया जद॒हि खेनि लगो॒ तह इहा लडाई हर हिंदु जी।

हिक लंङे दि॒सजे तह सिंधी नियाणियूंनि जे अग॒वा थिअण- जि इसलाम कबूल कराअण- जोरि पणजाअण  ऐं इन बैदि कोर्ट जे अग॒यां पहिजी चाहि जो परणो करे दे॒खारण जूं वारदातयूं जो शिकार वध में वध शिकार सिंधी दलित नयाणियूंनि खे ई थिअणो पयो आहे। इहो ई सबब आहे तह जद॒हि इहा मुहिमि कहि हदि ताई पधरि थी तह सिंधी दलितनि मर्दअ तोहे जाईफाऊं घणे चाहि सां हिस्सो वर्तो। मिपुर माथिले खां हैदराबादि ताई पेदलि ढिगी मार्च कई वई जिअं सजी॒ दुनिया खे सिंधी हिंदु बिरादरीअ सां थिंदड वयलिनि बाबति मिडीया में हूल पवे। संदुनि ऐं सिंध में कनि सेकुलर अखबारनुवेसअ जे जाखडे सबब नेठि इहे मसलो सुपरिम कोर्ट ताईं पुगो॒।

26 तारिख सुपरिम कोर्टि में रिंकल ऐं बयनि सिंधी हिंदु नयाणयूंनि जो मामले शुरु थिंदे ईं सामाजिक तानेबाने जी वेबसाईट फेबूक तोडे टूविटर में इन केस बाबति अहवाल वंढजण लगा। सिंध में अवामी आवाज  में कालम लिखिंदड साईं असद चांडियो मिंट मिंट जो अहवालि फेसबूक जे जरिऐं वंढायो। अहवालि मोजिबु शुरु में जद॒हि रिंकल खे घुराऐं मुख्य नयायधिश जनाब ईफतिकारि मूहमदि संदूसि नालो, संसुसि पढाई ऐं के ब॒या सवालि पुछण शुरु कया पर जिअं तह रिंकल इहे जवाब दि॒अण में कहि रित मुंझे पई सो  जज सभिनि खे बा॒हरि वञण जी हिदायति  दि॒ञी। चयो थो वञे तह व बैद रिंकल ऐं डा लता  सां मुख्य नयाधिश जस्टिस इफतिकार महूमद चौधरि लग॒ भग॒ अध कलाक ताईं सिंधीअ में गा॒ल्हिइयो जिंअ रिकल जो बे-ढप (बे-खोफ) बयान रेकार्ड करे सघजे। सागे॒ रित डा. लता जो पिणि बनान वरतो। बिहिनि हिंदु नयाणियूंनि साग॒यो ई ब॒यानु दि॒ञो तह खेनि को चाहि जो परणो किन कयो आहे, तह खेनि अगवा कयो वयो आहे-तह हूं पहिजे माईटनि जे साणु पहिजे घर थयूं  वरण चाहिनि।

 

मुख्य नयाधिश जा भी जेके बयानि फेसबुक में नसर थिया से भी ऐतबार, थाईंको दिं॒दड हवा। हुन इहो वाजिहि कयो तह इहे नय़ाणयूं संदुसि धिअर रित आहे, तह हिंदुनि खे पहिंजी जिंदगी पंहिजे रित जुजारण जो पूरी आजादि दि॒ञी वञे वगिरहि वगिराहि…पर जेके फैसलो चिफ जसटिस दि॒ञो सो घणनि खे हैरान जेकरि नह भी करे वाईडो जरुर कयो। मुख्य नयाधिश पहिजे फैसले में इहो वाजिहि (साफ) कयो तह ब॒नहिनि बयाणियूं पहिजे माईटनि साणु पिहिजे घर वरण जी गा॒ल्हि कई आहे। पर छो तह संद्नि इसलाम कबुल कयो आहे (या करायो वयो आहे) सो 18 ऐपरिल बि॒हरि संदुनि खां बयानि वर्तो वेंदो। हून अग॒ते इहो भी चयो तह खेसि उमेदि आहे ऩयाणयूं साग॒ये बयानि पहिजे इंदड पेशि में पिणि दिं॒दयूं जहिजे बैदि खेनि पहिंजे माईटनि जे हवाले कयो वेंदो।

मुख्य नयायधिश जो फैसलो यकिनि के अहम सवालि पैदा कया मसलनि

क)   जद॒हि नयाणयूं बयान थयूं देनि खेनि पहिजे माईटनि जे साणु संदुनि घर वञण दि॒ञो वञे तह पोई छो नयाणियूंनि खे जालाणे पनाहि घर (दारासलाम) में मोकिलो पयो ?

ख)   जेकरि रिंकल ऐं डा. लता इहो बयानु दे॒नि हा तह खेनि इसलाम कबूल कयो आहे ऐं संदुनि खे माईटनि जे घर वञण जी का भी शुवाईश नाहे तह छा तद॒हि बी नयाणियूंनि खे पनाहि घर में मोकिलयो वञे हा ?

ग)    मूख्य नयायधिश पाण बि मञयो तह इन मसले खे मज़हबी रंङु नह दि॒ञो वञे पर संदुसि फेसले में इंऐ ई पई भासयो तह जज जे दिमाग में इसलाम हावि हो। जेकरि इंऐं नाहे तह पोई छो रिंकल ऐं डा. लता खे जालाणे पनाहि घर में मोकिलो वयो जिते हूनिनि अगे॒ भी ब॒ह हफता गुजारा आहिनि ?

घ)    अञे हफतन अगु॒ जी गा॒ल्हि आहे जे पाकिस्तानि पिपिल्स पार्टी जी हिक जाईफां मेंबर सेनेट जी चूंडनि महलि हिक चुनावी कम में मुकर्रर कयलि हिक छोकरिअ खे चमाठ हईं हूईं तह मुख्य नयायधीश इन वारदाति सबब नह रूगो॒ इन मेंबर खे दब॒ पटी हूईं (फटकारि) ऐं इन खे पकिस्तानि जी जमुरियति (गणत्रंत) लाई हिकु वदो॒ खतरो करार दि॒ञो हो पर जद॒हि मिया मिठू जे कहि लुचे दोस्त रिंकल कुमारिअ मिरपुर माथिले जे अदालति कारवाई जे विच में रिंकल जे पहिजे माईट दा॒हि मोठी वञण जे ब॒यानि ते जज जे हाजुरि में चमाठ हईं हूंई तह नह तहि महल ऐं नह  ई 26 तारिख मुख्य नयायधिश इन वारदाद बाबति लफजु किल गा॒ल्गिईयो।

ङ)     जद॒हि हे केस अगवा जो आहे तह पोई इन जी पुलिस रिपोर्ट छो नह तलब कई वई। ईहो यादि रखण घुरजे तह रिंकल ब॒नि पुलिस ऐदेदारनि ते इन मामले में मिडया तोडे सिविल सोसाईटी जे ऐतजाजनि बैद कारवाही थी चूकी आहे।

च)    ऐ सभनि खां अहमि गा॒ल्हि छा पाकिस्तान जो मुख्य नयायधिश कठिन ऐं मुशकिल फेसला वठण खां कासिर आहे। छा खेसि मोलवियूंनि जो ढपु पयो सताऐ।

 

सिंधी मिडिया जे अहवालनि मोजिबु रिंकल ऐं डा लता खे कहि भी अखबार नुवेसनि खां परे रखयो वयो। मिडिया मोजिबु जद॒हि कोर्ट जो फैसलो पधिरो कयो वयो तद॒हिं रिंकल रोईंदे जेको कजहि तह जो तर्जूमो कजहि हिंन रित आहे…..

सभ हिक – बे॒ साणु गंडयोलि आहिनि। हित रूगो॒ मुसलमानि खे बुधो वेंदो आहे। मुखे भले हिन कोर्ट में ई मारे छदो पर जालाणे पनाहि घर दे॒ नह मोकिलो। मुखे हूं मारे छदिं॒दा।  

रिंकल तोडे डा. लता जे माईटनि जो भी इहो ई चवण हो तह खेनि नियोणयूं मोटायूं वञिनि। पर इन जे बावजूद नयाणयूं कोन मोठायूं वयूं। सवालि हाणे इहो थो अचे तह जेकरि रिंलक खे आजादि करणो ई कोन हो तह हेतिरो डरामो छो रचायो वयो। सभनि खे खबरि आहे तह जालाणो पनाहि घर में हिक हिंदु नियाणी इहो भी पहिजो वातु खोलण खां पोई केतरे सुख में रहण दि॒ञो वेंदो। पर जिअं मिरपूर माथिले में थियो तिअं ई सुपरिम कोर्ट में थियो रिंकल तोडे ब॒यनि नियाणिअ जे माईटनि जी हिक बी गा॒ल्हि कोन बुधी वई। सचु तह रिंकल चयो हो पाकिस्तनि में हिंदुनि जी कोम बूधी वेंदी आहे। जेकरि कहिंखे इन जो सबूत खपे तह मिरपुर माथिले में ई वञी दि॒से जिते हिक हिंदु छोकरे इसलाम कबूल करे हिक मुसलमानि छोकरिअ सां प्यार जो परणो कयो। पर पुलिस इन प्यार जो परणो कंदड आशिक खे छोकरिअ खे अग॒वा जे केस थोपे हिरासत में वरतो हो हिक महिने खां जेकलनि में पयो सडे थो।

 

जेका गा॒ल्हि रिंकल कुमारी कई सुपरिम कोर्ट खां बा॒हिर कई सा गाल्हि हर हिंदु अव्हां खे कंदो बस अव्हां खे संदुसि वेझो वञणो पवदो। मां शोशल नेटवरक फेसबूक जे जरिऐ जाम सिंध में हिंदु सिंधीयूंनि जे वेझो रहयो आहियां। आम तोर तह हूं सुफी मत जूं गा॒ल्हियूं कंदा आहिनि, सिंध खे पहिजो सभ कजहि मञनि पर जद॒हि चेट ते अचिनि तह सभनि जो सागो॒ ई रोअण, चवनि अबा॒ हाणे सिंध खां बस कई। खद॒ में पवे ऐडहो मूलक जेको सिंध में हिंदुनि खे तहफूज (सुरकक्षा) नह द॒ई, जिते असां जी लज॒ कद॒हि भी निलाम थेअण में मिंठू नह लगे॒। ऐ इहा गा॒ल्हि मूंखे हर हिक हिंदु सिंधी कई आहे। के चवनि जां खां इहो मसलो आयो आहे तह असां हिंदुनि खे माऊं भेण जूं गारयूं पयूं दि॒ञयूं वञिनि। सरे आम हिसायो पयो पञे। मियां मिठू जा हिमायति था चवनि तह जेकरि हिक रिंकल खे आजादि कयो वयो तह असीं 4 हिंदु नियाणियूंनि खे अग॒वा कंदासि। इहे सब धमकयूं सरे आम पयूं दि॒ञयू वञिनि। इहा धमकी अवामी आवाज जे पहिरे सुफे में शाई थियलि हूंई। इन सां समझी थो सघजे सिंध में हिंदु बिरादरी जी हालति केतरि नह निधिकणि (बे सहारे वारि) आहे।

सिंध में का भी सियासी तंजिनि अग॒ते कोऩ वधी आई आहे इहो चई तह साईं हिदुनि सां इहो थिऐं छा पयो, सवाई ऐकड बे॒कड अग॒वानि जे मसलनि जिऐ सिंध जो रियाज चांडियो। श्री रयाज चांडियो हिंदुनि खे पूरो साथु दि॒ञो आहे जद॒हि तह सदूसि पार्टी जा ब॒या अगवाण पहिजे चपनि खे ज॒णु ठाका द॒ई छद॒या आहिनि। हो हिंदुनि जे हिमायति में 24 फरवरि खां हिक भित (दीवार) वाङर बिठो आहे। जद॒हि तह संदूसि पार्टीअ जो सदर बशिर खां कुरिशी जेको इअं तह पाण खे सेकूलर कोठाअण मिंटु जी देर नह कंदो आहे पर रिंकल तोडे ब॒यनि हिंदु नियाणियूंनि में बिलकुल माठ आहे। चयो थो वञे तह छो तह बशिर खां जी आकहिं बरचंडे पिर मिया मिठू (जहि रिंकल खे अगवा कयो ऐं जहिजे पिणसि भगत कंवर राम खे कतल करायो हो) जा पोईलग (चेला) आहिनि सो पहिजे धर्म गुरु जे विरुध हो किअं थो आवाज उथारे ?..अयाज लतिफ पलेजो – अवामी तहरिक जो सदर भी 8 मार्च ते (जेको जाईफाईनि जो आलमि दि॒हिं हो) दि॒हिं तह थोडो घणो ऐतजाज कयो पर नेठि हून भी माठि कई। जद॒हि ऐतजाजि में हिस्सो भी वरतो तहि लहमे खां हो चवंदो रहयो तह रुगो॒ मां ई छो हिंदुनि जे हिमायति में अचा, ब॒या छो माठ कई आहे। संदुनि मतलब साफ हो तह हो हिंदूनि जी हिमायति करे शहिद नह पई थिअण चाहियो। दरअसलि सिंध में मूं जहिसां भी इन मसले ते गा॒ल्हियो तनि मां घणनि इहो चयो तह – हिंदुनि ते वाक्ई जूलमु पयो थिऐ। असां खे इन वारदातयूं जाम लजा॒यो आहे,  इहा वारदाति तह सिधो सहिंयूं जबरनि अगवा जी आहे वगिराहि वगिराहि पर इन जे बावजूद को भी खुलि तोर अचण खां पाण खे पासिरो था कनि।

 

जां खां हिंदु सिंधी सिंध मां लदे॒ आया आहिनि तां खां हिंद जा सिंधी साहित्यकार  सिंध वेंदा रहया आहिनि पर अजबु जेडही गा॒ल्हि तह इहा आहे जे कहि में भी इन जा॒ल्हि जी तात कद॒हि भी कोन रहि तह रहिजी वयलि सिंध जी हिंदु बरादरी किअं पर दि॒हिं गा॒रे, किअं पई पहिजे पाण खे हिक ऐडहे मूल्कअ में पई पहिंजो वजूद सोघो करे जिते संदुनि कोम खे काफिर करे मञयो वयो आहे। पिछाडीअ जे पंज छिह द॒हाकनि में सिंध में हिंदुनि जा ग॒णप तमाम तकडी घटी आहे।  1950 में 13 सेकिडो हिंदु जेके हिअर घटजी 1.5 सेकिडो वञी वचया आहिनि। गा॒ल्हि रूगो॒ आम सिंधीयूंनि जी ई नाहे पर मशहूर लेखक तोडे कवियूंनि खे भी कोन बख्शयो वयो आहे। महान सिंध कवि हरि दरयाणी दिलगिर लद॒पणि जो जाखडो 1955 खां शुरु कयो हो 1960-65 ताई लद॒ण में कामयाब थियो। संदुसि पहिंजी आत्म कथा में लिखो हो तह किअं विरांङे बैदि ऐं खासि करे 1960 खां पोई सामाजिक हालतु फेरो खादो हो। खेसि समझ में अचि वयो हो तह नयाणि जद॒हि घर मेंहूजे तह सिंध में हिंदुनि लाई हयाति केतिरो जोखिम वारी थी पवंदी आहे।

 

इन गा॒ल्हि में को भी शकु नाहे तह सिंध वेंदड असां जा लेखक कद॒हि भी पहिंजे भाउरनि खे समझण जी कोशिश कोन कई। बस मिडई हाई घोडा सिंध दि॒ठी सिंध दि॒ठी में ई पूरा थिं रहजी वया। जद॒हि भी को लेखक वञे तह या तह पहिजो अबाणो घर दि॒सी खुश थिऐ या नह तह पहिजे मुसलमानि दोस्तनि में महमान-नवाजीअ में पूरा। हूनिनि कद॒हि भी सिंध में हिंदुनि बाबत सोचण जी जरुरत कोन महसोस कई- बस जिअं खेनि ब॒धायो वयो मूसलमानि दोस्तनि पारां सो ई बु॒धी तोतनि वाङुर रठायलि सठ पर सठ पहिजे सफरनामनि में लिखिंदा रहया आहिनि। अञा महिनो खनि ई थियो हूंदो जो सिंध जे दौरे ते टे सिंधी साहित्यकारि सिंध उमडि आया। हिरो ठाकुर, विमी सादारंगाणी ऐं दादी इंदिरा पूनावाला। केतरि नह अजब जेदडी गा॒ल्हि आहे सवाई दादी इंदरा जे ब॒ऐ कहि भी इन जुलमनि खे खलाफ आवाज कोन उथारि। दादी ईंदरा नह रुगो॒ आवाज उथारि पर सिंध जे मूसलिम साहित्यकारि जी भी जाम गि॒ला कई जेके इअं तह वदा॒ सुफि कोठाईनि पर वक्त इंदे ज॒णु बो॒डा काणा थी वया आहिनि। ऐडही भी गा॒ल्हि नाहे तह हो कहिं भी सियासी मसले ते चुप रहिंदा आहिनि। वेझडाईअ में कराचि में कनि उर्दू गा॒ल्हिईंदड मूसलमानि कराचि खे सिंध मां धारि करे नऐ सुबे जी घुर में के पोस्टर लगा॒या जहि ते सिंध ऐसेलमबली में रातो रात हिकु ठहराउ पास कयो तह सिंध जो विरांङो मूमकिन नाहे ।इन विच में सिंध जे कनि मूसलिम सिंधी मेंमबरनि खणी वाका कया तह खेनि प्रसताव पास करण सबब धमयकूं पयूं मिलिनि। पर दिलचसप गा॒ल्हि तह इहा आहे तह इन धमकयूंनि जे विरोध में जाम सिंधी साहित्यकारि ऐतजाज करण लगा॒ पर जद॒हि हिंदुनि ते ऐतरा वदा॒ जूलम पाया सठिनि तह  भी हिनिन सेकूलल तोड् सुफि कोठोईंदड साहित्यकारनि जे निडीअ मां हमदर्दीअ जे हिकु भी लफजु नथो निकरे। छा हिअं ई सिंधीयूंनि जी लेकुलरिजम आहे…..छा ऐतरि कमजोर थिंदी आहे सिंधी-कोमिप्रसति….छा सिंधी मुसलमान ऐं बे॒ कहि भी मुसलमानि में को भी फईकु नाहे…..छा असी जेको सतर सालनि खां बु॒धोई पया तह सिंधी मुलसलमानि ब॒यनि मूसलमानि नह थिंदा आहिनि सो कूड हो या इहा सिंधी कोम जी वदे॒ में वदी॒ घलतफेमि हूई….

 

पाकिस्तानि जा 95 सेकिडो हिंदु सिंध में रहिनि यानि सिंधी थेनि। पाकिस्तानि जे हिंदु काऊंसिल जे मोजिबु सिंध में 60 खां 70 लख हिंदु रहिनि पया। इन जो मतलब इहो थियो जे सिंध में असां खां भी वधिक हिंदु सिंधी रहिनि पया। इन में को भी शकु नाहे भले सामाजिक तोर इन 60 70 लखनि में घणाई उनहिनि जी आहे जेके दलित कोठया वेंदा आहिनि पर वदी॒ गा॒ल्हि तह इहा आहे तह असीं सभ सिंधी आहियो। मूहिजी जहि भी सिंध में रहिदड हिंदुअ सां कचहरि थी आहे से इहो ई चवंदा आहिनि तह ऐतजाज तह कंदासे ई पर साणु साणु इहो भी चवंदे देर नह कंदा आहिन तह अबा असीं हाणे  सिंध में रहण खां बस कई। ऐडही सिंध भी केहे कम जी जहि में असां जी इजति तोडे आबरु जी रुपऐ जी अहमियति कोन हलणे। सिंध में हिंदुनि जी नह तह का सियासी अहमियति आहे, नह वकालति ती बुधे तह ई हकूमति। सभनि खे खबरि आहे तह हिंदु छोकरयूं अग॒वा पयूं थेनि, उहे भी रुगो॒ पणजणि जे लायकि छोकरयूं। सवालि इहो आहे तह छा इशक जो जनुन रूगो॒ जनावि हिदु छोकिरूनि जे हावि हूंदो आहे? .छा मुसलमानि छोकरिनि में हिल नह हूंदी आहे? .छा हो इंसानि नह थिंदूं आहिनि ?.इहा गा॒लिहि तह पाकिसतानि सदरि श्री आसिफ अली जरदारि जी भेण जेका पकिस्तानि पिपिल्स पार्टी में तमाम घणे अहमियति जी जाई थी वालारे पिणि थी मञे तह इन अग॒वा में मिया मिठूअ जो सिंधो सहू हथ आहे. पर इन जे वादजदू मजाल आहे जे मिया मिठूअ खे को पार्टीअ मां कद॒ण जी को गा॒ल्हि करे। इहो सब इन गा॒ल्हि जो शाहिद आहे तह  पाकिस्तानि में अव्हां भले केतरो नह जुलमि कयो पर जेकरि अव्हां इसलाम जो नालो खणो तह सब दो॒हि माफ ता थि सघिनि। ऐडही हालति में जेकरि सिंधी हिंदु नह लदि॒नि तह छा कनि ?

 

पर इन सभनि मंजरि खां भी वधिक वाईडो हिंदुस्तानि में सिंधीयूंनि कयो जेके इन मसले बाबत सभ कजहि जा॒णिंदे भी ज॒णु पहिंजा चप ठाके छद॒या। के चवनि तह हिंदु हित भी मुशकलिनि में आहिनि तह असीं सिंध में रहिदड सिंधी हंदुनि जी छो ग॒णति कयोऊं। ब॒यनि खे वरि इहो को मसलो ई कोन लगे॒। असां हिंदुतानि में सिंधीयूंनि में हिंदुवादीयूंनि जी कमि नोहे। शायदि ई असां घणनि खां अञा भी विसरियो नाहे तह किअं सिंधी ऐल के आद॒वाणी लाई चरया थिया हवासिं जद॒हि हून हिंदुत्व ते हूल करण शुरु कयो हो। पर अजु॒ जद॒हि हून जा पहिंजा (छा काणि तह हो भी सिंधी ई आहे भले हो मञे या नह) 1947 जेडहयूंनि हालतयूंनि खे मूंहूं था दे॒नि हिकु लफजु संदुसि वातो कोन निकतो आहे। सिंधीयूंनि कोम मां का भी संसथा तोडे तंजिम अग॒ते कोन वधी आई आहे जिअं सिंध में हिंदुनि जे मसले खे हूकूमति जे अग॒या रखि सघजे। सिंध में हिंदुनि ते थिंदड ऐतिजाजनि में भोपाल में रुगो॒ राजा भाई दूर्गेश (भाजपा) पारां थोडा घणा ऐतजाजि थिया आहिनि बाकि इन खां सवाई नह कहिं सिंधी संसथा ऐं नह कहि जातलि सुञातलि सिंधी इन मसले ते को हूल कयो, पर दिलचसप गा॒ल्हि तह इहा आहे तह जद॒हि सिंखनि या कशमिरियूंनि ते जलम थेनि था उमालक नह जा॒णि किथोऊ सिंधीयूंनि जो जमिर थो जागि॒ पवे। नह जा॒णि संदुनि में उमालक पहिजे धर्म ते खतरो पयो महसूस थिऐ। केतिरो नह अजबु आहे तह नह रूगो॒ आदवाणी पर जेठमलाई या ब॒या कहि भी सिंध अग॒वाण जो जमिर नथो जागे॒। मां जद॒हि इहा गा॒ल्हि श्रीकांत भाटिया सा कई तह हून जेको जवाबु दि॒ञो सो शायहि आऊं पहिजी जिंदगीभर कोन विसारिदुसि। हून चयो तह केडहो सबूत आहे जे हिंदुनि ते जलमु पयो थिऐ। हाणे सजी॒ दुनिया खे खबर आहे तह सिंधी हिंदुनि सा वयलि पया थेनि, हू जेको सिंधीयूंनि जो अग॒वाण ठहि फिरे थो तहि खे खबरि ई नाहे???.मां इन बैदि अखबारि (अंग्रेजी) जी पेपर कलपिंग मिणि मोकलि मास पर अज॒ ताई संदुसि को भी जवाबु कोन आयो आहे, शायदि इंदो भी कोन…..इहा असांजे सिंधी कोम जी वदे॒ में वदी॒ बदकिसमति आहे जे असां खे ऐडहा सियासतदानि मिला जेके हमेशाहि ई पहिजे लाई सोचयो आहे ऐं सायदि हमेशाहि ई सोचिंदा रहिंदा।

 

हिंदुस्तानि जूं ऐडहयूंनि चङयूं कोमून आहिनि जहिंजा हिकु हिस्सो धारे मूंल्कनि में रहे थो। मसलन तमिलनि जो श्रीलंका में, हिंदी गा॒ल्हईंद़ड जो मोरिशियस या फिजी में ऐं सिखनि जो पाकिस्तिनि वारे पंजाब में। पर जद॒हि तह अण- सिंधी हमेशाहि ई कहिं भी सुशकलि जे महलि पहिजे कोमनि जो साथ पयूं दे॒नि असां जा सिंधी अग॒वाण सुता पया हूंदा आहिनि। डा. श्यामा प्रसादि मूखर्जी जी नेहरु जे मंत्री मंडल मां इसतिफो दि॒ञो हो जद॒हि नेहरु पाकिस्तानि वारे बंगाल में 1950 में हिंदु बंगालियूंनि जे कतलेआम खे रोकण में कजहि कोन करे सघयो। पर अजबु जेडही गा॒ल्हि आहे तह पिछाडीअ जे सतर सालनि खां हिंदु सिंधी लदि॒नि पयो पर मजालि आहे किद॒हि में  असां जा अग॒वाण इन ते लफजु बी ओकारो हूजे। अञा हफतो बी मस थी गुजरो आहे जे तमिलन जे दबा॒उ सबब नेठि हिंदुस्तानि जी हूकुमत नह चाहिदे भी सयूंक्त साष्ट् में श्री लंका में तमिलनि सां थिंदड नाईसाफियूंनि बाबति हिक ठहराउ खे नाठि तसमर्थनि  कयो। याद रखजे तह इहो फेसलो को हिंदुस्तान जी हकूमत पहिंजी चाहि सां कोन वरतो। पर सवालि वदो॒ आहे तह जेकरि तमिल जोर था लगाऐ सघिनि तह असी सिंधी छोन नह ……असां खे ऐतजाज करण खां कहिं झलयो हो। जेकरि बी जे पी जो अग॒वाण राजा भईया ऐतजाज करे थो सघे तह ब॒या सिंधी छोन नह ……

सिंध में हिंदुनि  70 लख सिंध असां वाङुर ई सिंधी आहिनि जेडहा असां सिंधी अहियो, तह पोई असीं छो पहिंजे भाउरनि जे हिमायति में अग॒ते नता अचि सघऊं। विरहांङे महलि,  बिहार जा के  मुसलमानि ओभरि (पूवि ) पाकिस्तानि दा॒हि लदे॒ वया। जिअं ई बंगलादेश वजूद मे आयो तह बंगालिन इन बिहार जे मुसलमानि खे चयो तह अबा हाणे तह बंगाल, बंगलादेश थी पयो आहे सो साई महर्बानी कयो ऐं लदे॒ पाकिस्तानि वञो। इनहिनि मां के सिंधी मुसलमानि जे विरोध जे बावजूद पाकिस्तानि में लद॒पण कई जहिंजी तादादि लखनि मे आहे। अजु॒ भी ऐडहा जाम पाकिस्तानि बंगलादेश मां बिहारि मुसलमानि खे लदा॒अण जा गा॒ल्हि कंदा आहिनि। जेकरि पाकिस्तानि जा मूसलमानि पहिजे मुसलमि भाउरनि लाई जाखडो करे था सघिनि तह असीं सिंधी छोन नह ???? सिंध में हिंदु तमाम घणे दु॒खनि ऐं सुरनि में आहिनि। जेकरि असी खेनि मदद कोन कंदासि तह ब॒यो केरु कंदो…..जेकरि हो हिंदु लदे॒ हिंदुस्तानि इंदा तह   हो सुख जो साहू खणि सघिंदा ऐं असां जी तादादि वधिंदी पर इन हकिकत जे बावजूद असीं असी पहिजे अखयूंनि जे सामहूं पहिजे रत जी इजत ऐं आबरु निलाम थिंदे दि॒सोऊ पया।

 

सिंध में का भी वदी॒ सियासी पार्टी हिंदुनि जी हिमायति नह पई करे, तह जेकरि हो निधकणा नह पया हमसुस कनि तह इसा छो ऐतिरा निंधकणा पाण खे महसुस कयोऊ।

इहा गा॒ल्हि सोचण जेडही आहे।।।।।।।

 

 

सिंधी दलित –हिक विसारियल कोम

दलित सिंधी बाबत जेकरि कहिं सिंधी हिंदु (हिंद में) नह भी भी बु॒धो हुजे तह वाईडईप जी गाल्हि नह थिअणी खपे। हिंदु सिंधीयनि जो दलित सिंधीयनि बाबति अण – वाकफिति जो हिकु वदो॒ सबबु इहो आहे तह विरहाङे सबब लद॒पण सिंधी दलित जी नह के बराबर थी। आम तौर सा इहो ई दि॒ठो वया आहे तह सिंधी दलितनि लद॒पण रिवाजी सिंधीयनि वाङुरु कोन कई। हिंदुस्तानि में सिंधी गा॒ल्हिईंदड ईलाके में कच्छ ई हेकलो इलाको आहे जिते सिंधी कच्छी (हिंदु) दलित भी रहिनि था। पर छो तह आम रिवाजी सिंधी संदिनि सां को भी राबतो कोनि रखनि सो आम सिंधीयूं खे सिंधी दरितनि बोबत जा॒ण भी तमाम महदूद ई आहे। जेतोणेक सिंधूनि में ब॒न लेखकनि श्री परसो गिद॒वाणी ऐ जेठू लालवाणी कच्छ में सिंधी जातयूं बाबति किताब शाया कया आहिनि पर इहे किताब मूल तरहि सिंधी – कच्छी बोलीयूनि जे पाण मे वाटि जे नसबत ई आहिनि। जेतोणेक श्री परसे गि॒द॒वाणी कच्छे जे सिंधी ऐलाईके ऐं खासि करे बी॒नी में रहो सिंधी दलितनि जातयूनि बबति तमाम सुठो कमु कयो पर छो तह हिंद में आम रिवाजी सिंधीयनि में आर्बी लिपीअ जी जा॒णी नाहे सो चङनि सिंधी लेखकनि वाङुरि श्री गी॒द॒वाणीअ जे महेनति जो भी कदुरु कोन थयो जिऐं थिअणो खपिंदो हो।

जेसिताई सिंध में दलितनि जी गाल्हि कजे तह परु सालि ताईं मुखे सिंधी दलितनि बाबत ओतरी जा॒ण हुई जेतरि कहि आम हिंद में रहिंदड सिंधी नोजवानअ खे। सिंधी दलितनि बाबत मां पहिरों लङे साईं जेब सिंधी जे लिखयलि कालम दिल जी गा॒ल्हि में पढहो (हे कालम सांदहि कराचीअ मां शाईं थंदड अखबारि काविश में शाईं थिंदा अहिनि) हो लिखे थो तह बदिईनि जीले में (दखिण सिंध जो हिकु जीलो) दलितन खे बो॒द॒ सतालयनि लाई अदा॒यलि कैंपनि में खाधो नथो दि॒ञो वञे। वरि जद॒ही हिन साल भी सिंध में बो॒द॒ आई आहे तह साग॒या मंज़र पया दि॒सण या बु॒धण में अचिनि। दलितनि जे इन हालतनि जो बयानि सिंधी मिडिया खां वधिक कहि कदुर पाकिस्तानि जी अग्रेजी मिडीय में शाई थयलु आहे। अखबारिन में ईहा खबरि शाई थी आहे तह सिंध जे दलितनि खे खुले आसमानि हेठि दिं॒हि ता गा॒रणा पवनि। खेनि राशण पाणि भी कोनि थो दिञो वञे। मां लग॒ भग॒ ब॒नि सालनि खां सिंध मां शाई थिंदड सिंधी अखबारिनि खासि करे आनलाईनि अखबारिन खे नजरि खां कदां॒ पयो पर अजु॒ ताईं वरली ई सिंध जे दलितनि बाबत का खबरि शाई थी हुजे। वरि जेकरि असीं सिंधी साहित्य दा॒हिं पहिजी नजर वराईंदासिं तह उते भी सागयो मंजरि नजर इंदो। मतलब तह जद॒हि जद॒हि बो॒द॒ या का कुदरिति आफतिनि सबब मिडिया (खासि करे अंग्रेजी या परदे॒हि मिडिया) जी नजर पवे थी तह गा॒ल्हि बी॒ आहे बाकि घणो तणो दलितनि ते थिंदड वयलि खे का आम रिवाजी गा॒ल्हि करे ई लेखो वेंदो आहे। सायदि इन अखबारि पढिंदडन जो को भी चाहि ई नह हूंदो आहे दलितनि बाबति।
सिंध में दलितनि बाबत का भी विचूडनि खां अग॒वाटि असां खे हाणोके पाकिस्तानि जे अण मुसलमानि दा॒हि पहिजी नजरि दोडाअणि पवंदी। पकिस्तानि में अदमशमारीअ जी ग॒णप कजहि हिन रित आहे….
मुसलमानि- 96 सेकडो
हिंदु (रिवाजी) – 0.5 सेकडो
क्रिसचनि-1.5 सेकडो
हिंदु दलित – 1.5 सेकडो
ब॒यूं अण मलसलमानि कोमयूं (बौध, फारसी, यहूदि वगिराहि) – 0.5
जेसिताईं आजिविका जी गा॒ल्हि कजे तह दलितनि में मर्द तोडे जाईफुनि हेठि जा॒णायलि पेशे सां लग॒लयि समझया वया आहिनि।

मर्दनि में-

खेति में मजूरि-50 सेकडो

लठनि जे कारखाने में मजूरि- 20 सेकडो

मोची-20 सेकडो

साफ सफाई में – 5 सेकडो

सरकारि नोकरि-0.5 सेकडो

ब॒या मुखतलिफ रोजगारि में- 4.5

जाईफाउनि में

खेति जे नतबति कमनि ते-50 सेकडो

लटे कपडे सिबण जे कमनि में-20 सेकडो

घरि जे कमंनि में – 30 सेकडो

हिक अनुमानि मोजीबु सिध में खासि करे खेतनि में मजूरि जो कमु 70 सेकडो दलितअ कन। बाकि 30 सेकडे में मुसलमान इन कम लग॒यलि आहिनि जहिंखे हारि थो कोठया वञे। जेकरि इलाके जी गा॒लिह आहे तह जद॒हिं उतर सिंध में घणो तणो खेतनि में मजुरी मुसलमानि हारि कन पर थार परकारि ऐं बदिईन (दखिण सिंध) में इहो कम हिंदु दलित ई कनि। अदमशमारि मोजिबु सिंधी दलित थारि परकारि में 35 सेकिडो आहिनि ऐं वदिईनि में 20 लेकिडो। सिंधी हारिनि लाई सिंध जूं सियासी तंजिमयूं तोडे सिंधी अगु॒वाण तमाम घणी जदेजिहद पई कई। इहो ई सबब आहे तह सिंधी हारिनि जी हालति सिंधी दलितनि खां कहि कदरु सुठी आहे। मथे जा॒णायलि आकडनि मोजीबु सिंध में रिवाजी हिंदुनि खा टिनि गुणा खां वधिक हिंदु दलितअ आहिनि। हिक सर्वे मोजिबु सिंधी हिंदु जेके अञा ताई सिंध में रहलि आहिनि तनि जा 80 सेकडो सिंधी दलित आहिनि। पर इन जे वादजूद सिंध में हिंदु दलितनि में जेका नुमाईंदगी मिलणी खपे सा कोन मिलि। जद॒हि भी सिंध में सिंधीयनि जो जिक्रु अचे थो तह हमेशाहि ई रिवाजी सिंधीयनि जो जिक्रु इंदो आहे –केतिरो नह अजीबु आहे तह सिंध में हिंदुनि जो ऐदो॒ वदो॒ तब्को मोजोद हुअण जे बावजूद संदिनि बाबत सिंधी समाज में को भी जिक्रु नाहे- नको हिंद में ऐं नह ई सिंध में। सिंधी साहित्य में भी संदिनि जिक्रु लग भग नह जे बराबर आहे। मां जेतिरो भी सिंधी सीहित्य पढो आहे इन में मेंखे सिंधी दलितनि बाबति कहिं भी जिक्र जी गा॒ल्हि जेकरि मां पढी हुजे मुखे यादि नथी अचे। इहो ममकिनि आहे तह संदिन बाबत को भी जिक्रु कयो ई नह वेंदो हुजे।
असां भले मञोउ या नह पर पाकिस्थानि जो वजूदअ में अचण जेकरि कहि कोम में वदे॒ में वदी॒ उथलि पथलि आंदी आहे तह उहो आहे सिंधी कोम। ऐडहो को भी तब्को नाहे जहिं ते हिन विरहाङे पहिजो असरु कोन विथो। छा हिंदू ऐं छा मूसलमानि। पाकिस्तानि जे वजूद में अचण बैद ज॒णु माहोलि उमालक ई मटजी वयो। सिंध जोतोणेकि माजीअ में निज मूसलिम सलतनत जो हिस्सो रहि हूई पर 1947 खां पोई उमालक तालिम , समाज ऐं सियासति में हिदु हिकु जूलमि ऐं मुसलमानि हिकु सतायलि करे पेश कयो वयो। सिंध जो हिंदु तोडे मुलसमानि इन हमेशाह ई संतनि ऐं पिरनि खे मञिदा आया आहिनि पर विराहांङे बैद उमालक हिकु ऐडहो इसलाम संधीयनि ते थोपो पयो जहिं सा सिंधु अणवाकिफु हो। जेतोणेक हर तबके में इहा उथलि पुथलि थी जहि तबखे ते सभनि खां वधीक वयलि थया सो आहिनि सिंधी दलित। सिंध में दलितनि थे थिंदड वयलनि में नशाने ते दलित जेफाऊं ऐं नयाणयूं ई थयूं आहिनि। मसलनि
1. जबानी यीतना
2. जंसी यातना
3. जोर जबसती धर्म जो बदलाउ
4. लज॒ लुट, आम लज॒लूट ऐं अग॒वा
5. हाथापाई
6. तबीबी लापर्बाही
दलित जईफाउनि ते जूलमनि सबब आहिन क) जेईफां हुजण, ख) दलित हूअण ऐं ग) अण-मुलसलमानि हुजण
दलितनि ते जूलमनि सां मसलो ईहो आहे तह संदनि ते थिंदड कहरनि जी फरयादि भी बी को ब॒धण लाई तयारि नह हूंदो आहे। जिअं रिवाजी तोर हिंदुस्तानि में भी थिंदो आहो आहे तह दलितनि पारां पर्यादनि ते ऐफ आई आर नह दर्ज कोन कई वेंदी आहे। वरि पाकिस्तानी अदालितनि जो हाल भी ऐंडहो रहयो आहे जे कोर्ट या वकालती भी सघेरनि जूं रहयूं आहिनि। अदालतिनि जो हाल सिंधी मुसलमानि बाति भी साग॒यो तह पोई हिंदुनि बाबति इहो भी दलित हिंदुनि बाबत तह सोचे सघजे थो। दलितनि जेफायूं ते थिंदड जूल्मनि मेंल हिक अहम जूलम आहे नियाणनि खे अगवा करण ऐं पोईं संदिनि खे मुसलमानि सां जबरदसति पणञाअण। जेईफउन ऐं नेंङरिनि खे अगवा करण जूं वाकदात तह रोज जूं गा॒ल्हिईयूं आहिनि। अगवा करण जो तरिको भी साग॒यो आहे। अगवा घणो तणो रात जो कयो वेंदो आहे जद॒हिं घर जा भाति सुता पया हुजनि। जेकरि घर जा माईट पहिंजी नियाणयूं खे गो॒ल्हे भी लहन तह बी संदिनि खे पहंजी नयाणुनि मोठाऐ नह दि॒ञयूं वेंदयूं आहिनि इहो चई जे हो हिअर हो मुसलमानि थी चूकयूं आहिनि, सो अव्हां जे हथ नथा करे सघोयूं। इन अगवा कयलि नयाणयूनि खे या तह संदिनि खे मुसलमानि सां परणायो थो वञे या नह तह कहि खे विकयो थो वञे जिअं हजारनि सालिनि आगु इंसानी समाज में थिंदो हो।

जेकरि गा॒ल्हि कजे सिंधी दलित मर्दनि जी जी तह संदिनि ते झुलम नंनढे हूंदे खां ई शुरु थी वेंदी आहे। स्कूलनि जे पाठ्यक्रम ई ऐडहो आहे जहि में हिंदुनि खे जिलमी करार दिञो वेंदो आहे। इन खां सवाई हिंदुनि जी जेका इशारनि इशारनि में जोको धर्म जे नाउ थे हेठ करे देखारो वेंदो आहे सो घारि। इन गा॒ल्हिईयूंनि खा बचण लाई जे हिदु मसलमानिका भी पया कखिनि जिअं संदिनि इन रित जे वहिनवार खां बची सघिनि पर कामयाबी तमाम घठिनि खे ई मिलिंदी आहे। वरि जेको अणपढयलि जोके खेतनि में मजूरि कनि तह लाई तह जिंदगी कहि सजा खआं घटि नाहे। संदिनि जी नह तह दाद ऐं नको फर्यादि बु॒धी वेंदी आहे।
जेतोणेक विरहाङे खां अगु पूरे नंढे खंड में जमिनदारनि जो राज हो तह आजादि बैदि इन में हिदुस्तानि में हिकु तारिखि फेरो आहे। हिंदुस्तानि में कांग्रेसि अजादीअ जी जदोदिहदि महल जमिंदारि खे हिंदुस्तनि जो हिक अहम मसलो केरे लेखो हो। पर जद॒हिं तह हिंदुसतानि में इन जो खातिमो थयो पर पाकिस्तानि में ऐं सिंध में जमिदारिनि खें बख्शयो वयो। संदिनि जे बख्शणण जी हिक अहम सबब इहो हो तह हो सिंध जे नऐ हुजुमरानं (यानी हिंदुसतानि मां लदे॒ आयलि मुसलमानि ऐं पजाबी मुसलमानि) जी संलतनत खे सोघो करण जी कम इनहिनि वदे॒रन ऐं भोतारनि ई कयो। हुकूमति भी संदिनि वदो॒ साथ दिञो जेके जुलम कयोयूं तहि जी नह दाद थी ऐं नको फरयादि दर्ज कई वई। जेकरि को कुछे तह संदिसु अकहिं ते ऐंतरि वयलि थेनि जे संदुसि बिरादरिअ में कहिं जी भी वरि का हिमथ नह थे।

सिंधी दलितनि सां थिंदड वयलनि जो हिकु मिसाल आहे भील जति जो मानो भील। मानो भील थर परकारि जो रहाकू आहे। चयो थो वञे तह मानू भील 1980 जे आकालि खां पोई मिठी जीले में हिक जमिंदारि हयात रिंद सां भाईवारी गं॒दी॒। पर कनि सालनि बैद रिंद इहो इलजामि हणी जे भील हूं जा उदार नह पई मोटाया ऐं हुन भील ऐं संदुसि घऱ जे कूल 21 भातियूंनि खे संघर जिले जे जमिंदारि अबदुल रहिमान मारीअ खे विकणे छदो॒। इतफाक सां मारीअ जे खेतन में इन बंधुआ मजदूरनि पाण खे आजादि करण जी सिट पई जोडी। पक ईहा कई वई तह किशन कोहली खे अग॒वाठि आजादि करायो वञे जिअं हो सामाजिक कार्ताउनि सां ग॒द॒जी ब॒यनि खे आजाद कराऐ सघे। शाजिशि कामयाब थी कोहली खे पाकिस्तानि ऐं इंगलेंड जे किन इंसानी हकनि जी तंजीमनि जे मदद सबब चङो हुलु पई थयो जहि सबब पूलिस इन रिंद जे खेतनि ते काहि करे 71 मुजुरनि खे जहि में भील जी आकहिं भी हुई तन खे आजादि करायो। भील छो तह सागे॒ जमिदारि खे धार खेतअ में पयो कस करे सो आजादि कोन थी सघो। जेतोणेकि भील कनि सालनि बैद रिहा थयो पर खेस चङयूं यातनाऊ दि॒ञयूं वयूं।

इन विच में बेनाजीर जी हूकदमत खत्म कई वई ऐं चूंडिनि बैदि नवाज शरिफ जी हूकूमत ठहि जहि जो साथु पिर पागरे जी क-लिग॒ पिणि दि॒ञो। अबदुल रहिमान मारीअ जेको की पीर पागरे जे वेझे हुअण जो फाइदो वठी पहिजे हिक जमिंदारि सजण –बशीर चौदरीअ जी मदद मोनू भील जे आकहिं जे 9 भातिनि खे अगवा कयो। अगवा थिअण में शामिलि हुवा संदुनि पिणसि -खेरो (ज॒मार 70 वरहय),माणसि अखो (ज॒मार 50 वरहय), जोणसि मोठण (ज॒मार 40 वरहय), भाणसि तलाल (ज॒मार 35 वरहय), धिणसि मोमलि (ज॒मार 10 वरहय), पुटसि चमन (ज॒मार 12 वरहय) ऐं कांजी (ज॒मार 390 वरहय) ऐं धिणसि धाणी । इन खां सवाई हिक वेझो माईटु किर्तो। इहा वारदाति बी॒हि अपरेलि 1998 जी आहे। पहिंजे घर जे भातिनि लाई मनु भील चङा थाबा॒ खाधा पर को फाईदो कोन पयसि। भीलअ हैदरआबाद प्रेस कल्ब जे अग॒यां भी चङयूं भूक लडतालयूं कयूं पर नेठि को फाईदो कोनि निकतो। पाकिस्तानि जे चिफ जसटिस आफतिकारि मुहमद चोधरी भी इन मामले जी सू मोटो नोटिस वठी चदको आहे पर इन जे वावजोद अजु॒ थाई मनो भील जी आकहिं जो को भी द॒सु कोन मिल्यो।
सवाल रूगो कहि भील, कोहलि या मङेवारि जो नाहे पर इअं हजारनि सिंधीयनि जी आहे जेके रोज पया अगवा थेनि। अग॒वा तह रिवाजी हिंदू ऐं मुसलमानि भी पया थेनि पर दलितनि ते जूल्मनि जे नसबत मसलो इहो आहे जे इहे मसला कद॒हि भी मिडिया जी सुर्कयूं थिअण तह परे पर घणो तणो ऐफ आई आर ताईं दर्ज कोन कई वेंदी आहे। गरिब माण्हुनि खे पयो विकयो वञे जेके मंजरि नंढे कंढ में किथे भी नजरि नथा अचिनि। हे सब थी रहयो आहे ऐं सिंध ऐं सिंध खां बा॒हिरि सहिंदड सिंधीयूनि जे जा॒ण जे वावजूद। असीं सिंधी सभी पहिंजयूं लडाईयूं लडण में ऐतिरा मुशगूल आहयूं जे असां खे इन गा॒ल्हि जी ताति भी नाहे जे धारयो असां खे होरयां होरयां असां जो कमु पया लाहिनि। विरहांङे खां अगु॒ सिंधी बो॒लीअ जो मिसालि असां जे अग॒यां आहे। जेसिताई हिकु हुवासिं तह पूरे हिंदुस्तानि में हुलु करण वारी नह हिंदी ऐं नको उर्दी सिंधी जो वार वंङो करे सघी पर जां खां धार थिया आहयूं हिक पासे हिंदी तह बे॒ पासे उर्दू सिंधी ते वार कया आहिनि।

पकिस्तानि जे वजूद जे अचण बैदि ब॒ह तकयूं दलितनि लाई महफूज हयूं जेके पोई वरि मटे थोरईवारे कोम जे नाले कयूं वयूं। (किन जो मञण आहे तह इहो सब पंजाब जे क्रिशचेनि जे जोर दे॒अण सबब तहि महल के प्रधान मंत्री मियां नवाज शरीफ कई हुई। इहो मूमकिनि आहे तह शरिफ खे इन में सयासी फाईदो पोगो॒ हुजे। वरि वेझडाईअ में हाणोके सदर असिफ अली जर्दार वधाऐ चारि कयूं आहिनि पर छो तह हिअर इहे तकयूं थोडाई वारनि लाई आहिनि सो इन तकयूं ते रिवाजी हिंदुनि जी ई नुमाईंदगी रहिंदी इहो सब इन जे बावजूद जें सिंध में 80 सेकडो हिंदु दलित सिंधी ई आहिनि।

हिंदुस्तानि जी भेट में सिंधी दलितनि जी हातलि कयासु जोगी आहे इन जा के अहम सबब आहिनि।
• दलितनि जो पाण में ऐको नह हुजण- सिंध में दलितनि जूं 27 खां भी वधीक जातयूं आहे जहि में जे तह पाण में भी ठही कोन हलिनि।हिक बे॒ सां वेर पाअण में देर कोन कनि।
• अण-पढयलि हुजण- दलितनि जो 80 सेकडो अण पडहयलि आहे। इंऐ तह पूरे सिंधी में तालिम को हाल कयासु जोगो आहे पर दलितनि में तह तालिम जो हालि साफा चटू आहे। दलितअ सिध में सभनि खां गरिबाणे ऐलीईके में हरिनि जिते ज॒णु जिंदो रहण भी कहि करिशमें खां घटी नाहे।
• जमूरियति जे उसुलनि जी अणाठि- पाकासतानि में हर कोम पहिजे नजरिऐ सा जमोरियति खे दि॒सिंदो आहे। पंजाबियन लाई जमोरियति का वदी॒ अहमियति नथी रखे छो तह हो पहिजे सघ जी जोर ते सभ हथु कंदा आया आहिनि, भले हूकूमत में को चूंडयलि नुमाईंदो हूजे या तानाशाह। मुहाजरिनि जी नोकरिशाहि में हले थी तह हो भी पहिजा हक हथ करे वठिनि। पठान में पहिजो कम करे वठनि पंजाबियूनि सां गदु॒ बाकि रहया सिंध तोडे बलूच तह हो सदाई झुकी करे रहया आहिनि -जेके इन उमेदि में रहिन तह जमोरियति हुजे तह खणी कूझ हथ अचे। घठि में घठि कुझ चवण लाई हुजे, छा काणि तह ब॒यो कझहि नह तह नुमाईदो हर चारि पंज वहरयनि में वोट तह घुरण इंदोई। दलितनि जी तह वाईं बु॒धण वोरो कोई नाहे। जते दा॒ढन जो ऐतिरो जोर हूंदो तह समाज में निधीकणो करे तह छा करे।

 

जेको भी सिंधी दलितनि सां थी रहयो आहे सो कहि भी अण मुसलमानि कोम में खासि करे हिंदुस्तानि में थिंदो आयो आहे। पर अजादीअ हिदुस्तानि में वदो॒ फेरो आंदो। सभनि खां वदो॒ फेरो तह इहो आहे तह खासि करे शहरनि में रिवाजी माण्हूं खे पहिजो बाबति गाल्हिईअण जी आजादी मिलि। तालिम जो वाधारो थयो। पर सिंध जी हलति विलकूल मूख्तलिफ आहे। सिंध में या वरि पाकिस्तानि में जमूरियति कद॒ही भी पहिंजा पेर पसारे कोन सघी। सिंधी दलितनि लाई जेकरि कहिं थोडो घणो कयो आहे सो आहे अवामि तहरिक पर छो तह दलितनि जो मसलो समाजीक आहे सो इहा उमेति करण जे सियासी जोर दलितनि खे मिंलदो तह समाजिक तोर संदिनि खे पहिंजायपि मिलंदी सो गलति थींदो। दलितनि जो मसलो आहे तालिम- जेसिताई खेनि तालिम नह मिलिंदी तेसिताई हो कद॒हि सामाजिक तोर आजाद नह थिंदा।

इहो हर सिंधी लाई अफसोस जी गा॒ल्हि थिअण खपे तह संदिनि कोम जो हिक तब्को हिअर जिल्त जी जिंदगी पयो गा॒रे। पर इने जे वावजूद सिंधीयूंनि इन मसले थे कझु करण तह परे पर इन मसले जो जीक्रु ताईं कोन कंदा आहिनि। दलित हिंदु मूसलिमि बि॒हिनि पारां सतायलि आहिनि। जेकरि असीं सिंधी कोम खे हिक दि॒सण जी उमेदि था कयों तह दलितनि लाई हमदर्दी रखणी पवंदी। सिंधी दलित सिंधी समाज जा मुल हिस्सा आहिनि,हुवा ऐं रहिंदा। सिंधी दलित भले हो भील जात को हुजे, मघेवार हुजे या वरि कोहलि विरादरि जो हुजे खेनि भी रिवाजीं सिंधीयनि वाङुर जिंदगी गारण जो हकु आहे। सिंधी दलित सिंध में उहो ई पया घुरिनि जेको हर सिंधी सिंध में पया घुरिनि ऐं जिऐं कवि ऐबराहिम मुंशी लिखो आहे ….

बराबरी सरासरी असां घुरों था ऐतरि
जे पुछे को केतरि तह असां बु॒धायूं हेतरि
हिक आजाद कोम जेतरि , हिक आजाद कोम जेतरि

[slideshow]

सिंधी बो॒लीअ में डिजीटाईलेजेशनि

जां खां कंपयुटर में ग्राफिकल इंनटरफेस (तसविरि नजारो) जो इजादि थयो आहे तां खां इन जे कम करण जे दाईरो खे कहि कदुरु वधाईण जी जदोजिहद हलिंदी पई अचे। खासि करे लखण पढ़ण जे नसबत। इन सोच खे तहि महल जोर मिलयो जदि॒हि माईक्रोसाइट विन्डोज माणहुनि जे अग॒यां पेश कयो। चवण लाई तह कमपयुटर सठ जे द॒हाके में ई वजूद में अची वया हवा पर कमपयुटर ऐं आम रिवाजी माण्हुनि जी वाटि विंडोज जे वजूद में अचण सां पुख्ती थी। पर छो तह कमपयूटर जी इजाद उलहँदे मुलकनि में थी, इन सबब इन जो पूरो फईदो भी रोमन लिपी ई माणियो। पर होरया होरयो अण-रोमन लिपि लिखिंदडनि में भी इन करिशमें दा॒हिं छकंदियूं वयूं। पर इन जे बावजूद यूनिकोड जेडही का शई नह हुजण सबब कमपयूटर में दे॒ही बो॒लयूनि लिखण ऐं पढ़ण हमेशाई ई कहि चूनोतीअ खां घ़टि नह रही आहे।

युनेकोड जो इजादि कमपयुटरनि की दुनया में हिक वदो॒ जूनून खणी आई। युनेकोड जे ईजादि खां वठि जेको मसलो रोमन ऐं अणरोमन रहयो हो सो लग॒ भग॒ हमेशाह लाई खत्म था वयो। युनिकोड सबब इहो ममकिनि थी सघो तह को भी शख्सु दुनिया जे कहि भी हिसे में हुजो ऐं को बी कंपयुटर जे कहि भी आपरेटिगं सिसटम हलाऐं भी पहिजी बो॒ली ऐं लिपी सा गंढजी रही थो सघे। युनिकोड जे इजाद बैद मसलो इहो भी आयो तह किअं यूनकोड खां अगु॒ जो मवादु खे कमपयूटर में आणिजे ऐं इतो खां ईं शुरु थी किताबनि जे डिजीटलाईजेशनि जो खयालु। डिजीटलाईजेशन पाण सां ग॒दु॒ के अहम सहुलतयू खणी आई जेके कजह हिन रित आहिनि…

  •  अणलभ किताबनि बि॒हिर पढिंदड अगयां पेश करण जी सहुलियति
  • लाईब्रेरि ऐं पढिदडनि जे वचियों दुरि खे कहिं हदि ताई खतम करण
  •  पहिजे जरुरत मोजिबु सहूलाई सां गो॒लह (Searchable text) जेको आम दसतावेजनि में ममकनि नाहे।

अणलभ किताब या छापे खां बाचहिरि किताबनि जो मसलो हिकु ऐडहो मसलो आहे जहिं सां हर कहि बो॒लीअ खे मुंहू थो देअणो पवे। मसलो इन लाई थो अचे जे कितावनि जे छापे जी तादाद हमेशा ई किताब जे घुर ते भाडयलि हुंदी आहे। इहो ई नह उन साग॒ये किबाब जो ब॒यो को छापो तद॒हि ई शाई कयो थो वञे जद॒हि उन किताब जी घुर वधे थी। इन सब कमन में वरि चङो वकत भी थो लगी वञे जहिसां पढिंदडनि थे चङयूं तकलफियूं थूं सहणयू पवनि। डिजीटलाईजेशन बैद अणलभ किताबनि जे नसबत फाईदो इहो थो पवे तह आनलाईनि छापे जो खुटण जो को सवाल ई नथो अचे। जहिंखे जद॒हि खपे सो डाउनलोड करे थो सघे।

ब॒यो मसलो आहे किताब ऐं लाईबरेरिअ जे मंझ वेचो घटाअण जो—अम तोर सा किताब पढहण जा ब॒ वसिला आहिनि। हिकु तह किताब वण्जे या नह तह कहिं लाब्रेरीअ मां उधारो वठजे। डिजीटईलेजेशन सां ऐडहनि मसलनि में अहम मदद थी मिले। जेकरि को किताब डिजीटलाईज थो कयो वञे तह ई-लाबरोरि जे जरिऐ पडही थो सघजे। हिदुस्तानि तोडे परदे॒हि में ई- लाबरेरि तमाम घणयूं मकबुल थयूं आहिनि। हाणे लग भग हर वदि॒ युनवरसिटि खे पहिजी ई- लाईवरेरि आहे जहिजी मदद सा पढिंदड दुनया जे कहि भी कुंड कुरच में रही इन ई-लाबरेरि जे जरिऐ किताब पडी था सघिनि।

डिजीटाईलेशन में जेका टियो अहम फाईदो थो दि॒सजे सो आहे किताब में कहिं खासि लफज जी गो॒ल्ह। आम तोर सां कहिं भी किबाब जे पिछाडीअ में पनोतिरो थिऐ थो जहिजे मदद सां किताब में लिख्यलि को भी लफ्ज गो॒ल्हे लधो थो वञे। पर डिजीटलाईजेशन सा साग॒यो कमु तमाम घट वकत में थी थो सघे ।

डिजीटालाईजेशनि में हिक वदो॒ जनून तहि महल आयो जद॒हि इंटरनेटि जी वदे॒ मे वदी॒ खोज साईट गूगूल दुनया जी 350 बो॒लयूनि खे डीजाटीलाईज करण जी पधराई कई। इन कम जे नसबत चङनि बोलयनि ते कम पिणि थयो । सिंधीअ में खास करे गुगुल टे किताब डीजाटीलाईज कया जहिजा कागरी छापा हिअर अणलभ आहिनि। मसलनि- केपटेन जोर्ज इसटेक जो सिंधी – अग्रेजी लुगति, अग्रेजी- सिंधी लुगत ऐं सिंधी वयाकरण। पर इन खां सवाई तमाम थोड़ा ई देवनागरीअ सिंधी में किताब डिजीटलाईज कया आहिनि, वरि जेके कया भी वया इहे मखमल किताब नाहिन। रुगो किताबनि जा कवर ई आहिनि। सागे॒ रित अर्बी सिंधीअ में ऐडहयो हाल आहे। अर्बी सिंधीअ में खीसि करे को घणो कम कोन थयो । हिंदुसथानि में इन जो हिकु सबब तह समझी थो सघजे तह नई टेही अर्बी सिंधी कोन थी पढे पर सिंध सां इअं गुगुल जो वहंवार सम्झ खां परे आहे। इहो ममकिनि आहे तह गुगुल पिणि पाकसथानि जे उर्दू खवाहि अंग्रेजी मिडया जा शिकारि थी थियलि भासिजे जेके सिंधीअ खे हिक मूअल बो॒ली करारि देअण जो को भी मोको कोनि विञाईंदा आहिनि।

जेतोणेक गुगुल जी नजरि खां सिंधी बो॒ली कहि कदरु विसरि वई आहे पर इन जे बावजूदि सिंध में सिंधी किताबनि जे डजीटाईलेजेशन में चङो कमु थियो आहे। सिंधी अदबी बोर्ड, जामशोरो सिंध खोड़ सिंधी किताबनि खे बि॒हरि कंपोज करे पहिंजी वेबसाईट में शाया कया आहिनि। साहित्य जी Wऐड़ही का भी संफ नाहे जहिते कमु कोन थयो आहे। कहाणयूं, नावेल, लोक अदब, लुगति, कविताऊ, अत्म कथा, सफरनामा, नाठक वगिराह ते चङो कमु कयो वयो आहे। संदिनि विरहाङे खां पोई तोड़े अगु॒ जे सिंधी साहित्य खे ग॒दु॒ कयो आहे जहिं लाई अदबी बोर्ड खेण लहणे। शाबसि आहे अदबी बोर्ड खे इन कम खे अंजामु दि॒ञो आहे। जेतोणेक इन गाल्हि मे को भी शकु नाहे तह टेकनोलाजी जे नज़रइऐ सां अदबी बोर्ड हिंदुसतानि में थिंदड़ डिजीटाईलेजेशन जे मयार खां कहि कदुरु घटि आहे पर तद॒हि भी जेको कमु अदबी बोर्ड कयो आहे सो को घटि भी नाहे। अजु॒ को भी सिंधी दुनया जे चाहे कहि भी कुंड कुरच मे थो रहे, सिंधी साहित्य खां वाकिफ रही थो सघे। इहा पाण में ई हिक वदी॒ कामयाबी जी गा॒ल्हि आहे।

इन खां सवाई सिंधी में एडहयूं चङयूं कोशिशयूं थिअल आहिनि जहिं जे मार्फत सिंधी बो॒ली ऐं साहित्य जे वाधारे नसबत कम कयो पयो वञे। जेतोणेक इहो कम शख्शी तोर थिअल आहिनि पर इन जे बावजूदि इन कमनि खे नजरि अंदाज नथो करे सघजे। इन जा मिसालि आहिनि वाऐसि आफ सिंध, शखर सिठी ऐ ब॒यूं वेबसाईटयूं. आहिनि जहिजे में जे मार्फति सिंधी साहित्य सां वाकिफ थो थी सघजे। पिछाड़ीअ में गा॒व्हि कंदसि इसकराईब जेहि में थोडो ई सहि पर सिंधी मवादि थो मिले।

जेसताईं हिंदुस्तानि में डिजीटलाईजेशन जी गा॒ल्हि कजे तह हित डिजीटलाईजेशन जो कमु घणो तणो सरकारि जे माली मदद सां ई थयो आहे। इन में सबनि खा पहिरों नाTऊं डिजीटल लाईब्रेरी आफ इंडिया जो आहे। इहा पराजेक्ट तमाम वदी॒ आहे। मुल्क में इन कम लाई 21 जायूं आहिन जिते किताबनि जूं इसकेनिङ जो कम थे आहे। इहा पराजेक्ट इंडईयनि इंसटियटि आइ साईंस, कार्नेग मेलनि युनवरसिटि, नेशनल साईंस फाउंडेशनि, मिस्र जी ऐम सि आई टी ऐं इंट्रा युनिवरसिटी सेंटर फार ऐंसटेरोनामी ऐं ऐसट्रोफिझीकस, पुणे जो गद॒यलि सहकार सां वजूद में आयलि आहे। इन पराजोकट जे माईफति लग भग अढाई लख किताब जुदा जुदा संफनि में डिजीटलाईज थी चुका आहिनि। जेतोणेक इन में अंग्रेजी किताबनि जी घणाई आहे पर दे॒ही बो॒ली जी जा भी चङा किताब शाई थियलु आहिनि। जेसिताई गा॒ल्हि सिंधी जी आहे तह तमाम दु॒ख ऐं अफसास सां थो लिखणो पवे तह सिंधीअ खे विलकूल ई नजरअंदाज कयो वयो आहे पर दिलचसप गा॒ल्हि तह इहा भी आहे तह इन बाबत कहिं सिंधी संसथा हुलु भी कोन कयो। हा पर सिंधीयूनि ऐं सिंधी बोलीअ बाबत जरुर के किताब डिजीटलाईज थया आहिनि जनि जे घणाई अंग्रेजी जी आहे ऐं ऐकड बे॒कड बंगला ऐं तमिल बो॒लीअ में आहे।  हिंदुस्तानि में ब॒यनि बो॒लयुनि जे भेट में सिंधी बो॒लीअ में  डिजीटाईलेजोशनि जी तह यकिनं असां तमाम पोईते रहिंजी वई आहे, इन जो हिकु सबब इहो भी थो दि॒सजे तह नई टेहि जहिंजे चाहि सबब आई टी ऐतिरो अग॒ते वधी सो सिंधी बो॒ली ऐं साहित्य कां कोसो परे आहे।

डिजीटाईलेजोशनि जे नसबत सिंधुनि में के अहमि मसला आहिनि। पहिरो मसलो आहे तह जेकरि डिजीटाईलेजोशनि थे भी तह केडही लिपी में थे। जेकरि आर्बी लिपीअ में इन कम खे हथ में खणजे तह इन जा पूरा इमकानि आहिनि तह इन में कयलि महनत सखार्थी कोनि थिंदी छा पोणि तह पढंण वारा तमाम घटि मिंलिंदा। वरि जेकरि देवनागरी लिपी में डिजीटाईलेजोशनि कजे तह खर्च जो भी मसलो आचे थो, छाकाणि तह कतानि बि॒हरि कम्पोज, फरुफ जा कम था अची वञिनि। इन बैद मसलो आहे तह इन जे सर्वर जी जिमेवारी कहिंजी हुंदी। इन कम खे आगते केरु वधाईंदो. पिछाडीअ में इहा बी गाल्हि विसारण नह खपे तह देवनागरीअ खे जेके सिंधीअ जी नाजाईस लिपी था मञिन तन खे किअ भरोसे में आणजे जे हो कमु आगतो वधे।

जेकदिहि लिपीअ जो मसलो आहे तह यकिनं देवलागरी हिक वेहतरिनि लिपी आहे। ध्वनी स्वर लिपी हुजण सबब लिखण में भी तमाम तहुली थी थिऐ। इहो ई नह अर्बी सिंधीअ जे भेटि में ऐडहा तमाम घटि लफज आहिनि जेके लिखया हिक नमूने था वञिनि ऐं पढयो धारि नमूञे । इन खां सुठी ऐं ठाहूकि लिपी सायदि ही सिंधीयूनि खे मिलि थी सघे। ब॒यो तह इहो तह लिपी सबनि खे अचे थी, छा काणि तह देवनागरी अखरनि सां पूरो उतर हिंदुस्तानि वाकिफ आहे जिते सिंधी रहिनि था। जेकसाई गा॒लिह कजे थी इन प्रोजेक्ट लाई खपिंदड पैसे जी तह सिंधी बो॒लीअ लाई झझो पैसो दिञो थो वञे, भले उहो ऐल. सी. पी.सि ऐल हुजे या सिंधी आदादमयूं। इहा गा॒ल्हि कहिं खां गु॒झी नाहे तह सिंधी अकादमयूं पहिजो महदूद बजेट खर्चण में कसिरि आहिनि, छा काणि तह संदनि वटि को घणयूं पराजेकट आहिनि कोन्ह।

डिजीटलाईज सिंधी बो॒लीअ जी हिक अहम जरुरत आहे। जेकदचहि असीं नंढे खंढ जे कोमनि खे दिसिंदासिं तह ऐंडहो सायदि ई को कोम हूदो जेको सिंधी हिंदुनि जेतरो टरयलि पखरियलू हूंजे। अजु॒ सिंधी दुनिया जे सठ मुलकिनि में रहिनि था। मसतब तह अव्हा जिते भी वञो – एशिया, अफरिका, उतर या द॒खिनि अमेरिका या युरोप जिते किथे अव्हां खे सिंधी लभिंदा। जदि॒ही ऐडहे वदे॒ ऐलीईके में सिंधी रहनि तह बो॒लीअ जे वाधारे जे नसबत रुगो॒ रिवाजी किताब जी पहुच ममकिन नाहे। सो इते ई गा॒ल्हि अचे था डिजीटलाईज जी। असां खे इहा गा॒ल्हि बिलकूल नह विसारण खपे तह अजु॒ टेकनोलाजीअ जो जमानो आहे ऐं जेकरि को इहो मौको विञायो वयो तह इहो ममकनि आहे तह इन जी जाई बी॒ का धारि बो॒ली अख्तयार कई वेंदी जहिजो मतलब इहो तय़ो तह सिंधीअ जी नेकालि हाथयो पक थी वेंदी। अजु॒ जी हालति में इन्टरनेट ई ऐडहो साधन आहे जहिजे जरिऐ सिधी तमाम थोडे वख्त में बो॒लीअ जो फहलाव मखमल करे था सघिनि। अजु॒ सिंधी बो॒लीअ खे हिक ऐडही टेकलालजीअ जी जरुरत आहे जहिजे मार्फति सिंधी बो॒ली ऐं साहित्य जो वाधारो घटि में घटि वकत में थी सघे। युनिकोड असां सभनि लाई हिक राह दा॒हीं इशारो कयो आहे ऐं जेकरि असी इनि जो फाईदो कोनि वर्तोतिं तह मुल्क तह विञायोसें ई हिअर सिंधी बो॒ली पिणि विञाऐ वेहिंदासिं।

सिंधी अगवाणन जी सिंयासि अमेदनि में फातलि सिंधी बो॒ली

सिंधी बो॒लीअ जो हिंदुस्तानि जे संविधानि मे तसलिम, हिक दि॒घी जहोजिहद बैद थी । पर इन जदोजिहद में हिक ट्रजिक हिरो पिणि हो या खणी चैअजे आहे, सो आहे लिपी। जेतोणेक लिपी जो मसलो अगे॒ पोइ अचणो हो पर जहि रित असीं लिपीअ खे तोल दि॒नो सा कहिंखे भी वाइड़ो करण लाइ काफी हो। सभिनि खां वदो॒ नुकसानि तह नई टेहि खे थयो जेके मुंझी पया – तह आखिरि केड़हि लिपि आखतयारि कजे। हिन मुंझायपि जो नतिजो इहो थयो तह अर्बी लिपी खां रुसयलि सिंधी देवनागरी जे मार्फति हिंदी दां॒ही हलया वया। वरि सिंधी देवनागरी में किताबनि जी आणोठि इन मुसिबति खे हाथयूं हिमतायो।  अग॒ते हलि संदनि बेरुखि रुगो॒ बो॒ली सां ई नह पर उन संसथाउनि सां भी हुइ जेके सिंधी बो॒लीअ सां गं॒ढयलि हवा। इन जो फलु इहो निकतो तहि रिवाजी सिंधयुनि जो वासतो सिंधी संसथाउनि सां नह जे बरावर रहयो। नुकसानि तह  सिंधी कोम खे पिणि थयो छो तह सिंधी संसथायुनि में बो॒ली जे नसबत में छा कमु थी रहयो आहे, तहिं सां रिवाजी सिंधीयुनि जी चाहि नह हुजण सबब संसथाउनि में ऐड़हा माण्हुनि जी घणाइ थी वई जहिंजो सिंधी बो॒लीअ सां को भी वासतो नाहे। वासतो तह छा घणनि खे तह बो॒ली बी नह इंदी आहे।

ऐन. सि. पि ऐस ऐल पिणि सिंधी बो॒ली जे बाधारे लाइ हिक ऐहम तंजीम आहे। मरक्जी सरकार जी संसथा हुजण सबब इन जी अहमियत खे नजरअंदाज नथो करे सघजे। वेझड़ाइअ मे इहां तंजिमि मिंडिया में सुरखयुनि में आइ आहे। हा इहा गा॒ल्हि धारि आहे तह जहि सबब मिड़या जी नजर में आई आहे, तहि जो सिंधी बो॒ली सां वासतो लग॒ भग॒ नह जे बराबर आहे। इहो दि॒ठो वयो आहे तह पिछाड़ीअ जें ब॒नि टिन महिनन खां साईं श्रीकांत भाटिया (जेके  ऐन. सि. पि ऐस ऐल में उप सदर जे ऐहदे में कजहि दि॒हनि अगु॒ ताई ब्रिजमान हना) चङा बयानि दि॒ञा आहिनि, जिअं मिसाल जी गा॒ल्हि – सिंधी संमेलन जी गा॒ल्हि हुजे या वरि ऐन. सि. पि ऐस ऐल जे अंदरि हलंदड़ पावर सट्रगिल जी गा॒ल्हि हुजे। संदिसि बयानि घणो तणो फेसबूक मे ई शाया  थंदा आहिनि (ऐं उमेदि तह अग॒ते पिणि इअं हलंदो रहंदो।) हो साईं पहिंजे ईनि बयानिन मार्फति मांण्हनि खां कनि मसलनि वावति राया भी थो घुरे। हिक गा॒ल्हि ध्यानि छिकाअंदड़ आहे तह तह संदसि जो को भी बयानि सिंधी (देवनागरी तोड़े अर्बी लिंपी) में नह हुदो आहे, सायदि खेनि इन गा॒ल्हि की पक करणी हुदी आहे जिअं संदिसि बयानि अणसिंधयूनि ताईं भी पुजि॒नि।

सिंदसि बयानि मां के चुड़यलि हेटि दि॒जनि था

  1. छा तोव्हा खे लगे थे तह सिंधयुनि खे को भी अग॒वाणु आहे
  2. अजमेर जे सिंधुनि खे मिंथ थी कजे तह हो बुधायनि तह छा सचिनि पाईलट सिंधीयुनि जे मसलनि ते केतिरो पयो ध्यानि दे॒
  3. सिंधी खे का भी तसलिम लिपी नाहे, इहा लिपी या तहि देवनागरी या अर्बी ती थी सघे। अन्हा पहिजा राया दो॒ तह इहो मसलो सरकारि जे अग॒यों उथारिंजे (हे बयानि अधु अंग्रेजी ऐं अधु हिंदी में हो)
  4. हाणे तह असां खे देवनागरी लिपी ई अपनाइणि खपे, छाकाणि तह आर्बी लिपी जा॒णीदड़ लेखकनि जी तादाति 30-40 मस अची बची आहे।
  5. मां  सिंधुनि खे मिंथ थो कयां तह अशोक अनवाणी खे पहिजो साथ द॒यो जेको कानपुर मां समाजवोदी पार्टी की टिकेट ते चुड़ पयो विड़हे
  6. सिंधुनि खे अग॒वाटि पहिंजे पाण दा॒हिं धयानु दे॒अणु खपे।धारयनि दा॒हि बिलकूल धयानि नह देअणो खपे।असीं छो धारयनि जा पोईलग थयों। असीं पहिंजा अगवाणि पैदा कंदासिं जेके असां लाई कम कनि।
  7. आउं बंगालि जे वदे॒ वजिर म्मता बेनरजी सां वंगाल में सिंधी अकादमी जी गा॒ल्हि संदिसि अग॒यों रखी आहे, हाणे अगते बंगालि जे सिंधयुनि खे इन गा॒ल्हि खे अगते वधायणो आहे।
  8. ऐन. सि. पि ऐस ऐल मे छो नह जाईफनि खे कमिटि में थो खयों थो वञे। छो नह न दादा लखमी खिलाणी खे ऐन. सि. पि ऐस ऐल में जाई थी दि॒ञी वञे
  9. ऐन. सि. पि ऐस ऐल मे हिंअर 20 मेंबर आहिनि। उर्दू काउंसिल वाङुर ऐन. सि. पि ऐस ऐल में बी अहदेदारनि जी ग॒णप 38 कई वञे।

इनि बयोनिन मां हिक गा॒ल्हि तह साफ आहे तह श्री श्रीकांत साईंअ ते हिअर बो॒ली नह पर सियासति हावी आहे, जहि सबब संदसि बयान थो दे॒। जद॒हि खां साईं ऐन. सि. पि ऐस ऐल जा उप प्रधान चिंडया वया हवा तहि साईं देशभर जे दौरे मां इहो ई हथ कयो अथईं तह सिंधीयुनि खे हिक नेक सियासतदानि  जी सख्त जरुरति आहे ऐं इन जरुअत खे खेनि ई पूरी करणी आहे। इन गा॒ल्हि में दा॒ढ़ो घटि शकु आहे तह सिंधुयनि खे हिकु ऐडहे अगवाण जी जरुरति आहे जेको संदिनि आवाज खासि करे मिड़यो जे अग॒यो रखे। पर उनि खा भी वधिक जरुरति इहा आहे तह सिंधी बो॒ली जी जेको पहिजे वजुद जी झंघ पई लड़े , तहि जे वाधारे ताइ कदम खयां वञिन। हाणे गा॒ल्हि इहा आहे तहि छो ऐन. सि. पि ऐस ऐल जो इस्तमाल सियासति जे लाई पयो थे । ऐन. सि. पि ऐस का आम रिवाजी बो॒ली ऐं साहित्य जे वाधारे जी संसथा नाहे। इन तंजिम खे के खासि हक दिञा वया आहिनि, जिअं सुबनि में सिंधी आकादमियनि ते भी किक किस्म जी नजरि रखि वञे। हे इहे कम आहिनि जेके कहि भी सियासतदानि जे वस खां बाहिरि आहिनि।

जेको हालु ऐन. सि. पि ऐस जो आहे सो लग भग हर सिंधी संसथा जो आहे। इन गा॒ल्हि में को भी शकु नाहे आर्बी सिंधी जे भेट में देवनागरी सिंधी खे सिंधी कहिं हदि ताई बदकिसमत रहि आहे। जेतोणेक देवनागरी सिंधी खे कनि सिंधी साहित्यकारनि जो साथ मल्यो हो पर संदिनि भी देवनगरीअ में को घणो कोनि लिखयो। जहि सबब देननागरी सिंधी खे कहि हद ताई साहित्य जी नजरि सां कमजोरि पेईजी वई। अजु॒ जेको भी सिंधी अकादमियनि में थी रहयो आहे सो इन सबब ई आहे। जेसिताईं श्रीकांत साईं जी गा॒ल्हि आहे तह हो ऐड़हा बयानि सांदहि पयो दिं॒दो अचे, बदकिसमीतीअ सां कहि भी सिंधी इनि बयानिन जी मखतलिफ कोन कई। हाथयूं कहि कहि तह सांईअ खे हिमतायो भी। लिपी बाबत संदसि राये मां इहो थो तगे ज॒णु साईंअ खे इहा खबरि कोन्हे तह हुकुमति बो॒लीअ जे सतलिम करण महल बि॒नहिनि लिपयूनि जे वजुदि खे मञिदे लिपी जी फेसलो सिंधुयूनि थे छदो॒ , छाकाणि तह इहो सिंधुयूनि ते आहे तह हो केड़हि लिपी था अपञाअण चाहिनि। जेका गलति अंग्रेजनि कई सा हिंदुस्तानि जी सरकारि दोहराअण नह चाहि। लिपि ते संदसि ब॒यो भी हिक बयानि सांइअ दि॒नो आहे तह छाकाणि तह अर्बी लिपी में लिखिंदड हिंअर ग॒णप मे 30-40 ई मस जेडहा रहया आहिनि सो देवनागरी लिपीअ खे ई तसलिम कयो वञे। (सायदि श्री श्रीकांत भाटिया खे जा॒णि नाहे तह इहे 30-40 लेखक ई हिंदुस्तानि में सिंधी बो॒लीअ खे जिंदो रखि वेठा आहिनि।)

लिपी मटणि जो कमु रुगो॒ नई लिपि जे अपनाअण सां ई नथो निंबरे। इहो जरुरि आहे तह इनि लिपि में उहे सब सहुलयतूं हुजिनि जेका कहि भी बो॒ली में हुजनि थयो। मिसालि जी गा॒ल्हि किताब मेसर करण, नई लिपि सिखण जा किताब जूं सहुलयतूं , लुगतयूं (शब्द कोश) ऐं पहिजी बो॒लीअ ऐं कोम सां वफादारि। का भी लिपी अपनाअण महलि के मसला पेश अचनि था। साग॒या मसला अर्बी सिंधी सां भी हुवा। अंग्रेजनि जे महलि लिपी ते तजर्बा पिणि थया। बदकिसमतीअ सां देवनागरीअ ते संदसि पहिरें दिं॒हि खां ई वार पया थेनि। वरि देवनागरी में वदकिसमतिअ सां उनहिनि माण्हुनि जी बरमारि हुई जेके सिंधी बो॒ली सां वफादारि हुजण बिदरौं रुगो॒ हिंदी हिदु ऐं हिंदुस्तानि जे नारे जा मायलि हवा। जहि सबब सिंधी सां दिलो जानि सां वफादारि नह रहया,ऐं इन जो नुकसानि अजु॒ ताईं सिंधी कोम खे मारे थो पयो। असां जेड़हा मसला मराठिनि ऐं गुजरातियूं खे भी आहे। हे भी हिंदु आहिनि ऐं कहि हदि ताईं हिंदु कठरपणो सिंधियनि खा बी बधिक आहे, पर इनि जे बावजूदि संदिनि कद॒हिं भी पहिजी बो॒लीअ खे हिंदी –हिंदु-हिंदुस्तानि सां गं॒दे॒ कोन रखी। हिंदुवादि थिअण को भी दो॒हु नाहे पर हिदुवादि ते पहिंजी बो॒ली जी आजाई कूर्बानी देअण यकिनं दो॒हु आहे ऐं पहिजे कोम मां बेवफआई आ।

देवनागरी सिंधीअ जो सभनि खां वदी॒ अहमियति वारि गा॒ल्हि इहा आहे तह इहा हिक ध्वनितामकि (Phonetic) लिपी आहे जेका उऐं ई लिखी वेंदी आहे जिअं बो॒ली गा॒ल्हाई वेदि आहे। साग॒यो ई हालि हिंदुस्तानि जे लग भग सभिनि लिपयूं जो आहे (उर्दू खां सवाई).  जहिं सबब इहा तनि लाई तमाम सहुलियति वारि थिंधी आहे जिनि खे गा॒ल्हाअण तह अचे थी पर लिखण नथी अचे। सिंधी छो तह टरयलि पिखरयलि आहिनि, हिक ध्वनितामकि लिपी यकिनन मददगारि साबित ति थी सघे। इन जे भेटि में आर्बी सिंधी में ऐड़हा चङो लफज आहिनि जेके गा॒ल्ह्या हिकड़े नमोने आहिनि पर लिखण महलि साग॒यो तरिको कोनि अपञायंबो आहे। वरि अखरि , लफजनि जी शुरुआति , विच ऐं पिछाड़ीअ में मुख्तलिफ में लिखयो वेंदो आहे। सिंध में ऐडहयुं गा॒ल्हियूं कोन आयुं छा काणि तह असीं हिक ई सुबे में हवासिं ऐं इन गा॒ल्हि खे भी नजरअंदाजि नथो करे सघजे तह सिंधी ननढ़े खां ई सिखण सबब, इहे मसला कद॒हि कोन पेश आया। असीं जेसिताईं लिपीअ में कहि हदि ताईं थोड़ी घणी फेर घारि नहं कंदासिं तह सिंधीअ खे हिंन मुल्क में हमेशाहि पहिजे वजूद जी लड़ाई लडणी पवंदी।

जेतिरो नाणो हिंदोस्तानि जी सरकारि सिंधी ते खर्चेपई ऐतरो तह सिंध में भी नह पयो ख्रर्चो वञो। इन जो बावजूदि सिंधी सिंधी बो॒ली ऐं संसथाउं जा हालति कयासि जोगी॒ आहे। अजु॒ सिंधी संसथाउनि जी हालत इन सबब जी खराब आहे छाकाणि तह को भी लूलो लङड़ो सिंधी अकादमियुनि जो सरबरा थी थो सघे, भले खेसि सिंधी लिखण पड़हणि अचा या नहि। अजु॒ वकत अची वयो आहे तह असीं सिंधी बो॒ली के किमत ते थिंदड़ सिंयासी अगवाणन जी सियासि उमेदिनि ते रोक लगायों ऐं ऐड़हनि सिंधीयुनि खे हथ सिंधी अकादमयुं जी वागयु द॒उनि जोके सिंधी बो॒लीअ लाई को योगदानि द॒ई सघिनि। जेकद॒हि असी इऐं ई बो॒ली ऐं कोम खां मुहु मोडे वेठा रहयासिं तह सिंध वाङुरि सिंधी बो॒ली पिणि सिंधियुनि जें हथों निकिरि वेंदी।

सिंधी साहित्य जो सुमरो तारिक आलम आबरो जो लाडाणो

इहा गा॒ल्हि छंछर दि॒हं जी राति जी आहे, मस जेड़हा द॒ह वगा॒ हूंदा फेसबूक में सिंध मां शाई सिंधी आंलाईन न्युज पोर्टल “सिंध नयूज” मारफति अहवाल मल्यो तह सिंधी बो॒ली जो नलेरो साहित्यकार सांई तारिक़ आलम आबरो नह रहयो। मुंखे लगो॒ इन ते थोडी छंदो॒ छाणि कजे। इन लाइ मां इंटरनेट जो सहारो वर्तो। सुबूहु थिंदे ई सिंध मां शाई थिंद़ड अखबार “काविश” जे पहिरें सुफे मे साईं तारिक आलम आबरे जे लादा॒णे खबर्र छपयलि हुई, सुरखयूं कजह हिन रित हुई…..”तारिक आलम आबरो हकूमति जो वेहदी जो शिकार थिअण बैदि हमेशाहि लाई विछ़डी वयो।“ तारिक आबरो फबर्वरि खां कराचीअ जे सिविल असपतालि में भर्ती हवा। खेसि गिड़दनि (लिवर) ऐं जेरे (किड़नी) जी बीमारी थी पइ हुई। ड़कटरनि जो चवण हो तह जेरे जे रुंबण (transplantation)  जी तह सहुलियत पाकस्थान में आहे पर गिड़दनि जे रूंवण लाइ वेझे खां वेझो मुल्क हिंदुस्तानि आहे, जहिं लाइ खर्चु घटि में घचि 60 लख अचणो आहे। तहि खां शुरु थी साईं आबरे जी हिक जदोजिहद। आबरे साईं पहिंजे बिमारी जी दि॒घी लड़ाई 1986 में शुरु कई हुई जहि महल हाई बल़ड़ प्रेशर सबब संदसि गिड़दनि में खराबी आचि वई हुई। उन वक्त सिंध युनवसिटि जे प्रफेसर निशार अहमेद निर्वानी पहिंजो गिड़दो खेसि दानि दि॒ञो हो। इहो रुंवणु लंड़न असपतालि में 1987 में थियो हो जहि जो खर्चु 22 हजारि पाउंड आयो हो।हो इलाज सरकारि खर्चअ ते महमद खां जोणेजे जे दि॒हनि में थयो हो।

तारिक आबरे लाइ सदसि बीमारीअ सां लड़ाई हिक नित निअम बणजी पई हुई। हो सिंधी सकोफत जी गादी जामशोरो खां कराची इंदो हो ऐं ढ़ाइलासिस कराऐ पहिजो कम ते लगंदो हो। पर पिछाड़ीअ जा पंज महिना यकिनन तारिक आबरे लाइ औखा साबित थया। संदिसि गिड़दनि ऐं जेरनि कम करण बंद रके छदो॒ हो ।. हिक पासे ऐदी॒ वदी॒ रकम ऐं बे॒ पासे पहिंजे साहित्य जी ग॒णती। इन 60 लखनि जी रकम मां सिंध जे वदे॒ वजिर कायम आली शाह 7 लाख, सिंध सकाफति खाते 15 लख ऐं सिंध अदबी बोर्ड़ 5 लखन जी मदद देअण जी पधराई कई, पर तद॒हीं भी 60 लखनि जी किमत आञा चङो परे जी गा॒ल्हि साबित थी। हो पंजनि महिनन खां पहिंजे पाण सां लड़ंदे रहयो ऐं आखिर कार छंछर दि॒हूं राति जो नाऐं वगे॒ लादा॒णो करा वयो। पोईतों पहिंजी जोणसि खां सवाई बि॒न पुटनि खे खदे वयो।

तारिक आबरे जो जन्म 10 अप्रेल 1958 जो सिंध जे लाड़काणे जे कंभर तालके में थियो हो। जद॒हि हो बि॒न वरहयनि जो हो तहि संदसि घरवारा हैदरआबाद लदे॒ आया हवा। पराईमरि ऐं सेकेंड़री तलिम हैदरआबाद में पूरी करण बैदि ऐम ऐ सिंधी साहित्य में सिंध युनिवरसिटी मां परी कई। 1989 में हो सिंधी अदबी बोर्ड़ जामशोरे में मलाजमि करण शुरु कई। इन अहदे ते रहि हून चङयू अदबी जिमेवारयूं निभायुं ऐं पिछाडीअ जे दि॒हन में सिंधी अदबी रिसाले महराण जो संपादक जी हसिसत में कमु कयो। तारिक आबरे सिंधी बो॒ला खे के आहमि काहाणयूं दि॒नूं जहिं में आयसि ओवासि, सुञाणप जी गो॒ल्हा, कोअल, फेम, राति शांत ऐं सोचयूं शामिल आहिनि। संदसि कहाणी जा मजमुआ कजहि हिन रित आहिनि. राति सांत ऐं साचयूं 1979 में, मञाणप जी गो॒लह में 1998, इन खां सवाईं संदसि कविताऊं जो मजमूओ मोरनि ओचा गा॒ट 1992 में शाई थयो। इन खां सवाइ संदसि लिखयल टी वी ड़ामा हिन रित आहिनि “पेवंद”, “तूंफान खां पोई”, “चंढ़ रहे थो दो॒र”, “छांवरो” वगीराह शामिल आहिनि।

पर जहिं सीहित्य जी संफ लाई आबरो खें इंदड़ दि॒हनि में सुञातो वेंदो, उहा आहे नावेनल जी संफ। नावेलनि यानि उपनयासि। “रहंजी वयलि मंजरि” बिरहांङे खां पोइ सिंधी साहित्य में हिक अहम जाई वालारे थो। इन गा॒ल्हि जो सबूत इहो आहे तह इन जा हिक नह चारि चारि छापा शाई थी चुका आहिनि। सिंधी साहितय में रोमांसि जी संफ तें इन खां आगे॒ भी किताब लखया वया हवा पर कहिं भी “रहंजी वयलि मंजर” जी जाई कोन वालारि। हे नावेल बि॒न आशिकनि बाबति आहे। कहाणी आहे सांजाहि ऐं पेंहिउ की इशक जी। कहाणयूं तहि चङयू थयुं लखयू वञिन पर इहे कहाणयूं आम माण्हुं जे दिल ओ दिमाग ते केतिरो असरि कंदयू इहो किताब खे पढ़िंदड़न जे समाजी माहोलि ते होंदो आहे। हिंदुस्तान में जेकरि दि॒सजे तह रोमांस ते ऐड़हा नावेल दादी पोपटी हिरानंदाणी भी पिणि लखया पर का खासि कामयाबी कोन मिलि.सि। असांजो हिंधी समाज ऐड़हिनि गा॒ल्हयुनि लाई तयार नाहे। असां वटि हिते इहा कालेजनि वारि ज॒मारि कद॒हिं अचे थी ऐं कद॒हि साथु छदे॒थी वञे इहा सुध ई नथी पवे। नियाणयूं कालेज ताई मस पूजिनि थयूं जे मिटयुं माईटी जी गा॒ल्हि शुरु थेनि थूं वञिन ऐं छोकरनि लाई, हाई घोड़ो धंधो, या हाई घोड़ा पैसो। कालेजनि वारी भी का हयाति थींदी आहे, असां जे समझ खां बा॒हारि थी पई आहे। हिक लङे दादी पोपटीअ खें भी कहिं मराठी सहित्यकार चयो हो….”सिंधी वरि इशक महबति भी कंदा आहिनि छा” ….

खैर गा॒ल्हि खिथो शुरु थी ऐं किथे वञी पहुति। असांजो कोम जो ई न पर साहित्य जो भी विरहांङो थियो, सिंध वारा हिक पासे ऐ असां हिंद जा बे॒ पासे। इहा असांजी बदि किसमति कोनहे तहि ब॒यो छा आहे जे सिंध ऐं हिंद जो साहित्य 70 वरहयनि खां जलावंती पया सठे। अजु॒ इन जी सख्त जरीरत आहे जे बि॒नहिं मूल्कनि जो साहित्य में को ऐको अचे जिऐं साहित्य भी आग॒ते वधे ऐं लेखक भी कजहि लाणो कमाऐ सघिनि, जिअं ब॒यो करहि थे नह थे पहिंजी जिंदगीअ खे बचाअण लाइ पहिजा हथ नह फैलाणा पवनि।

तारिक आबरो लेखक हो, हो लिखण चाहिंदो हो। पर ल्खण लाइ खेसि मोत सां जंघ खटणी हुई। हो इहा जंघ खटी को सघो या खणी चईंजे हारायो वयो। असांजो कोम खे इन जेड़हनि अदिविन लाइ यकिनन का हमदर्दी नाहे, जेकरि हूजे हा तह असीं सारिक आबरे खे इंअ मरण लाई हेकलो कोन छदे॒ दा॒यों हा।